تازه خبرونه
ولسواکي د خلکو غوښتنه ده او د سولې له خبرو به قرباني نشي! اشرف غني
د دولت جوړوونکې ډلې مشر اشرف غني د خپلو ټاکنیزو سیالیو په درېیمه غونډه کې خپلو پلویانو ته وویل، چې ولسواکي(جمهوري نظام) د خلکو غوښتنه ده او د سولې له خبرو به قرباني نشي!
د اشرف غني په مشرۍ دولت جوړوونکې ټاکنیزې ډلې د دوشنبې پر ورځ( د زمري۱۴) د خپلو سیالیو په لړ کې د ښځو په ګډون غونډه وکړه.
ده وویل، چې خلک عادلانه سوله غواړي او په وینا یې د مشروعیت په لټه کې کسان دې تړلو دروازو ته ودریږي.
د دولت جوړوونکې ډلې مشر دا هم په ډاګه کړه، چې ښځې په راتلونکې حکومت کې درنه ونډه لري او په دې اړه یې نورې ټاکنیز ډلې سیالۍ ته را وبلل.
د مشرانو جرګې غړې انارکلي هنریار ویلي؛ سولې ته په رسیدنه کې د ښځو حقونه او لاسته راوړنې باید خوندي شي، چې بلې جګړې ته ولاړ نشو.
د ښځو حقونو مخکښه عارفه پیکار څرګندوي؛ زمونږ غوښتنه داده، چې د ښځو هڅو او حقونو ته په حکومت کولو کې ډېر پام راوګرزي.
د ولسمشرۍ نوماند اشرف غني دغه راز د ښځو لپاره د جوړ شوي درېیم کمپیاین په ناسته کې په بشپړ ټینګار یادونه کړې، چې افغان ښځه او افغان ماشوم به نور هیڅکله څوک پر دورو او کیبل ونه وهلی شي؛ افغان ښځې ته نور څوک ویلی نشي، چې ځای دې د پاڼې شاته دی، نه زما تر څنګ. ستاسې د جمهوري نطان او اوسیدنې حقونه نور د معاملې وړ ندي.
محمد اشرف غني، چې همدا اوس هم د حکومت واګې په لاس کې لري؛ د سولې هڅو ته په کتو وايي؛ شاتګ ورته د منلو ندی.
هغه په زغرده وویل، چې ولسواکي، امنیتي ځواکونه، د ښځو حقونه او په وینا یې په تېرو کلونو کې شوي پرمختګونه به له سولې قرباني نکړي.
نوموړي دا هم په ډاګه کړې، چې رمونږ امنیتي تړونونه ټول خوندي دي. مونږ ښکاره هوګړې او مشروع دریځ لرو او هغه خلک، چې مشروعیت پسې ګرزي، د بندو دروازو تر شا دې ودریږي. مونږ د چا دروازې نه ټکوو ، زمونږ دروازې نور ټکوي. ولسواکي که امارت؟ ولسواکي، ولسواکي، ولسواکي!
د دغې ټاکنیزه ډلې مشر نورو سیالو ډلو ته د سیالیو بلنه ورکوي او وایي، چې یو برحال ولسمشر له خپلو ملګرو سره وایي؛ راځئ ټاکنې وکړو! دوی وایي، نه ! مونږ تېښته کوو. که بګیل شوئ، د افغانستان ملت ته به ځواب ورکوئ. (دا ګز او دا میدان)
دا ځل دولت جوړوونکې ډلې راټولو شویو پلویانو ته وویل، چې د بریا په صورت کې به د ښځو ټولې ستونزې اواروي؛ په سوله کې به یې ونډه یقیني کوي او په وړاندې به یې روان تاوتریخوالي ته د پای ټکی ږدي.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
اټک انرژي او موج ساحل د دوشنبې د ورځې لوبې وګټلې