تازه خبرونه
افغان ښځې د تړلو دروازو تر شا د سولې په اړه پرېکړې د اندېښنې وړ بولي
د افغانستان ښځې د تړلو دروازو تر شا د سولې په اړه پرېکړې د اندېښنې وړ بولي او اعتراض پرې لري.
د افغانستان د سولې خبرو بهیر او د امریکا او طالبانو تر منځ د سولې پر وروستۍ هوکړې لاسرسی په دې ورځو کې د ټولو غونډو او مجلسونو تود بحث دی.
د افغان ښځو شبکې رییسه ماري اکرمي د سولې بهیر له ښکېلو خواوو د سولې په هر ډول هوکړه کې د ښځینه وو، نرینه وو او ځوانانو د ګډون یقیني کول غواړي او وایي، چې په هېواد کې دې سراسري اوربند وشي او د افغانستان د خلکو د لاسته راوړنو د ساتنې لپاره دې د ولسمشرۍ ټاکنې تر سره شي.
دوی د لنډ مهاله حکومت د جوړیدو طرحه ردوي.
د افغان ښځو شبکه خبرداری ورکوي، چې که سوله په هېواد کې د ښځو د غږ د چوپتیا سبب شي؛ ورته د منلو نه ده.
مدني مخکښه محبوبه سراج وایي: مونږ هم سوله غواړو؛ خو هغه سوله نه، چې طالبان یې تحمیلوي. مونږ هغه سوله نه غواړو، چې وژنې وژنې ودروي؛ سوله باید هر اړخیزه وي.
دوی ټینګار کوي، چې هیڅ سوله د ټولو خلکو په ځانګړې توګه د ښځو له ګډون پرته دوام نشي کولی.
د تلې پر شپږمه د ولسمشرۍ ټاکنې د دې ښځو په باور لومړیتوب دی، چې وروسته به منتخب حکومت د افغانستان سولې بهیر په تړاو جدي پرېکړه خپله کړي.
په ولسي جرګه کې د کابل استازې شینکۍ کړوخېل وایي؛ کله، چې منتخب حکومت رامنځته شي؛ نو د سولې پر هوکړه به بحث رامنځته او ځواکمنې پرېکړې وکړي.
د افغانستان د سولې بهیر په تړاو د افغان ښځو اندېښنې په داسې حال کې راپورته کیږي، چې د امریکا ولسمشر له خپلو لوړپوړیو سلاکارانو سره د طالب استازیو او امریکایي پلاوي پر خبرو مشورې او بحثونه کړې دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه