تازه خبرونه
نړیوال او کورني څارونکي به له ټاکنو محدوده څارنه ولري-ټاکنڅاري
یو شمېر ټاکنڅاري بنسټونه اندېښنه ښیي او څرګندوي؛ نړیوال او کورني څارونکي به په پراخه توګه ټاکنې ونشي څارلی او دا کار به د ولسمشرۍ د ټاکنو مشروعیت تر پوښتنې لاندې راولي.
د ولسمشرۍ ټاکنو ته له یوې میاشتې لږ وخت پاتې دی؛ خو تر اوسه روښانه نده، چې څومره نړیوال او کورني څارونکي به ټاکنې وڅاري.
ځینې نړیوال څاروونکي تر اوسه ندي حاضر شوي، چې د تاکنو د څارنې لپاره څارونکي را ولیږي او یو یې هم اروپایي ټولنه ده.
د ټاکنو خپلواک کمیسیون ویلي، د نړیوالو څارونکیو شتون او یا نه شتون نشي کولی د ټاکنو لپاره قانوني ستونزه را منځته کړي.
د ټاکنو خپلواک کمیسیون غړی مولانا عبدالله ویلي، چې پوره معلومات نلري؛ خو که څارونکي شتون هم ونلري په ټاکنو کې کومه قانوني تشه نه رامنځته کیږي او نه د ټاکنو رڼښت زیانمنولی شي.
د نړیوالو څارونکیو تر څنګ د کورنیو څارونکیو شمېر هم محدود دی؛ ځکه، چې کورني څارونکي له مالي ستونزو سره مخ دي. له همدې کبله ویل کیږي، چې د ټاکنو څارنه په سم ډول نشي تر سره کیدی.
د افغانستان د ټاکنو د څار غړي حبیب الله شینواري ویلي، چې ټاکنڅاري به پراخ او بشپړ شتون ونلري؛ ځکه لږ ولایتونه او لږې ولسوالۍ به تر پوښښ لاندې راشي. د مالي سرچینو د نشتوالي له کبله نشو کولی، چې پراخه څارنه ولرو.
د ټاکنو خپلواک کمیسیون همکار بنسټونه هم وایي، که د را روانو ټاکنو سمه څارنه ونشي؛ مشروعیت به یې تر پوښتنې لاندې راشي.
په کابل کې د آسیا بنسټ استازی عبدالله احمدزی وایي، چې د لیدنې او څارنې ستونزه شته او مونږ به ونشو کولی، چې ټول مرکزونه تر پوښښ لاندې راولو او د ټاکنو مشروعیت ډاډمن کړو.
ځینې څارونکي باوري دي، چې نړیواله تولنه په افغانستان کې د تلې د شپږمې له ټاکنو سره چندان لیوالتیا نلري؛ خو د ټاکنو خپلواک کمیسیون وایي، د ټاکنو تر سره کول اړین دي. ان که نړیوال څارونکي هم شتون ونلري.
خبریال: باعث حیات
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه19 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی16 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل