تازه خبرونه
ولسمشرۍ ماڼۍ د ټاکنو خپلواک کمیسیون په چارو کې لاسوهنه کوي- د ثبات او همپالنې ټاکنیزه ډله
د ثبات او همپالنې ټاکنیزه ډله ولسمشرۍ ماڼۍ تورنوي چې د ټاکنو خپلواک کمېسیون په چارو کې لاسوهنه کوي.
د ثبات او همپالنې ټاکنیزې ډلې یوې خبري ناستې ته څرګنده کړې، چې حکومت هڅه کوي؛ د ټاکنو خپلواک کمیسیون په چارو کې لاسوهنه وکړي.
دوی وایي؛ د دولت جوړونکې ټاکنیزې ډلې بنسټ پر درغليو ولاړ دی. داسې معلومات شته، چې دولت جوړوونکې ډله غواړي په هره بیه ځان واک ته ورسوي.
د ثبات او همپالنې ټاکنیزې ډلې د غړي علي احمد عثماني وایي: مونږ د دې لیدونکي یو، چې دا ډله د ټاکنو خپلواک کمیسیون په چارو کې لاسوهنه کوي، دولتي امکانات د ځان په ګټه کاروي او دغه ډله د ټاکنو اصولو ته هم ژمنه نده؛ په ۱۳۹۳ او د تېر کال د ملي شورا ټاکنې یې ښکاره بېلګې دي.
دی وایي، حتی پر کانونو له بهرنیانو سره د معاملو هڅه کیږي او ان د ټاکنو له خپلواک کمیسیون او ټاکنڅارو څخه د بې پرې او رڼو ټاکنو تر سره کیدل غواړي.
هغه خبرداری ورکوي؛ که را روانې ټاکنې د ۹۳ کال د ټاکنو په څېر وي، دوی ته د منلو ندي.
د نوموړي د څرګندونو له مخې، په کمیسیون کې ټولې ګمارنې د معاملو په بنسټ دي او د درغلیو په صورت کې به دوی غلي پاتې نشي.
ټاکنیز کمیسیونونه دا ادعاوې ردوي.
د ټاکنیزو شکایتونو خپلواک کمیسیون منشي محمد قاسم الیاسي په خپلو چارو کې د حکومت د لاسوهنې په تړاو دا څرګندونې ردوي او وایي، که له چا سره اسناد وي؛ کولی شي له دوی سره یې شریک کړي، چې وڅېړل شي.
نوموړي دا هم څرګنده کړې، چې مونږ د اوسه د دولت لاسوهنې ندي لیدلي. دا سمه ده، چې د بودجې او امنیت بحثونه رامنځته کیږي او دا هغه څه ندي، چې د خپلو اړتیاوو په اړه اړیکې ولرو.
ټاکنو خپلواک کمیسیون هم وایي، چې چارو کي خپلواک دي او هر څوک، چې ادعاوې کوي؛ باید اسناد وړاندې کړي.
خبریال: ادریس قادري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه