تازه خبرونه
خلیلزاد په پاکستان کې له طالب پلاوي سره ولیدل
په قطر کې د طالبانو د دفتر ویاند پاکستان ته د طالب پلاوي او خلیلزاد تر منځ احتمالي لیدنه تائید کړې او څرګندوي، چې که امریکا غواړي بېرته هوکړې ته راوګرځي؛ دوی هم ورته چمتووالی لري.
دا مهال د ملا عبدالغني برادر په مشرۍ طالب پلاوی او د زلمي خلیلزاد په مشرۍ امریکایي پلاوی په اسلام آباد کې دي.
یو شمېر سرچینو څرګنده کړې؛ پاکستان هڅه کوي، چې د سولې دریدلیو خبرو د بیا پیل لپاره منځګړیتوب وکړي.
د پاکستان د بهرنیو چارو وزیر ویلي، ټاکل شوې طالب پلاوی او امریکایان د خبرو د بیا پیل پر څرنګوالي سره وګوري.
د پاکستان د بهرنیو چارو وزیر شاه محمود قریشي وایي؛ پاکستان د خبرو د پیل لپاره هڅه کوي، چې دا بهیر یوې معقولې پایلې ته ورسیږي. په خوښۍ سره مو خبروم، چې له طالبانو سره مې وروستۍ کتنه د رضایت وړ وه.
د طالبانو سیاسي دفتر ویلي، چې امکان لري طالب پلاوی په پاکستان کې له امریکایي پلاوي سره وګوري.
د طالبانو د سیاسي دفتر ویاند سهیل شاهین وایي، چې هو! لیدنه احتمال لري که هغو وغواړي بېرته هوکړې ته راوګرځي. باوري یو، چې د افغانستان د بحران سوله ییز حل هوکړې ته ورګرځیدل دي.
د امریکا ولسمشر دونالد ترمپ، چې له طالبانو سره حساس پړاو ته رسیدلې د سولې خبرې لغو کړې؛ دې پوښتنې ته په ځواب کې، چې آیا د دې بهیر د بیا پیل لپاره راضي دي او که نه ویلي؛ دا مهال طالبان تر سختو بریدونو لاندې دي.
د امریکا ولسمشر دونالد ترمپ وايي، چې مونږ له یوې رښتینې ستونزې سره مخ یو. مونږ طالبان تر سختو بریدونو لاندې نیولي؛ هغوی اوس هم د ملکیانو وژنه روانه ساتلې او هغوی دولس کسان ووژل او دا زمونږ لپاره د اندېښنې وړ ده. هغوي تر اوسه ندي اصلاح شوي او ښایي هم نشي.
ولسمشرۍ دفتر، چې په ښکاره له امریکا سره د طالبانو د خبرو لغو کیدو ته خوشبین دی؛ پر پاکستان نیوکه کړې، چې له طالبانو یې ولې د حکومتي پلاوي په څېر هرکلی کړی دی؟ کابل وایي، دا ډول ناستې د سولې له بهیر سره هیڅ مرسته نکوي.
یو شمېر خبري سرچینو په ډاګه کړې؛ ټاکل شوې، چې طالب استازي به دوه ورځې نور هم په اسلام آباد کې وي؛ ځکه، چې د افغان سولې لپاره د امریکا له ځانګړي اسازي زلمي خلیلزاد سره ځانګړې ناستې لري. دا له روسیې، چین او ایران وروسته د طالبانو څلورم سفر دی، چي د سیمې هېوادو نو ته تر سره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه20 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه21 hours ago
په عراق کې به همجنسبازان پر۱۵ کاله بند شي –پارلمان
-
لوبی18 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل