تازه خبرونه
ډېر ژر به د خپلمنځي خبرو وخت او ځای وټاکل شي
د ولسمشر ویاند ویلي، له زلمي خلیلزاد او د قطر له ځانګړي استازي سره د ولسمشر او پخلاینې شورا د مشر د خبرو بنسټیز بحث د دغو خبرو د ځای او وخت ټاکل و.
د افغانستان د سولې لپاره د امریکا ځانګړي استازي په دوحه او اسلام آباد کې له طالبانو او پاکستانيو چارواکو سره له خبرو وروسته کابل ته راغی او له ولسمشر غني، د پخلاینې عالي شورا له مشر عبدالله عبدالله، حامد کرزي او یو شمېر نورو سیاستوالو سره د خپلمنځي خبرو له پيل مخکې پر ګامونو پورته کولو خبرې کړې دي.
د ولسمشر ویاند صدیق صدیقیي ویلي؛ دا به د وخت مخکې وي، چې د خپلمنځي خبرو د ترسره کولو پر وخت او ځای څه ووایو؛ خو هیله من یم، چې ډېر ژر به د خپلمنځي خبرو د وخت او ځای په اړه تاسې ته معلومات وړاندې شي.
دغه راز د افغانستان لپاره د قطر ځانګړي استازي مطلق بن ماجد القحطاني له ولسمشر او د پخلاینې عالي شورا له رییس سره له لیدنې وروسته ویلي؛ دوحه چمتو ده، چې په بشپړه روڼتیا او ناپېیلتوب د دغو خبرو کوربتوب وکړي.
دغه راز په پام کې ده، چې روسیه، امریکا او افغانستان په یوه ګډه ناسته کې د خپلمنځي خبرو پر څرنګوالي بحث وکړي.
د افغانستان لپاره د روسیې ځانګړي استازي ضمیر کابلوف ویلي؛ په پام کې ده، چې د راتلونکې دوشنبې پر ورځ د جون پر ۲۵ د روسیې، امریکا او افغانستان استازي په یوه دری اړخیزه وډیوي ناسته کې د خپلمنځي خبرو په اړه بحث تر سره کړي.
د افغانستان ولسمشر اشرف غني د امریکا د اتلانتیک شورا په وډیوي کنفرانس کې د خبرو پر مهال وویل، چې راتلونکې اوونۍ به د خپلمنځي خبرو ځای او وخت په ډاګه شي.
له دې مخکې د پاکستان لوی درستیز کابل ته په سفر کې د سولې بهیرپه اړه د خپل هېواد له همکارۍ ډاډ ورکړ؛ خو د افغانستان حکومت که څه هم دا خبرې جوړوونکې بولي؛ خو تمه ده، چې پاکستان په دې برخه کې عملي ګامونه پورته کړي.
دا په داسې حال کې ده، چې طالب ویاند سهیل شاهین په خپل یوه ټویټ کې په ډاګه کړې؛ کله، چې د ورکړ شوي نوملړ له مخې د طالبانو ۵۰۰۰ بندیان خوشې شول، طالبان د یوې اوونۍ په دننه کې د خپلمنځي خبرو پيل ته چمتوالی لري.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
اټک انرژي او موج ساحل د دوشنبې د ورځې لوبې وګټلې