تازه خبرونه
۵ هېوادونو له ایران څخه د اوکرایني الوتکې د نسکورېدو بشپړ راپور غوښتی
د افغانستان په ګډون ۵ هېوادونو له ایران غوښتي؛ د اوکرایني الوتکې د رانسکورېدو په اړه یو هر اړخیز راپور چمتو کړي، چې یو کال مخکې د ایراني ځواکونو لخوا ویشتل شوې وه.
د اوکرایني الوتکې پي اس – ۷۵۲ الوتنې د قربانیانو د لومړۍ کلیزې له کبله اوکراین، کاناډا، انګلستان، سویډن او افغانستان په یوه ګډه اعلامیه کې څرګنده کړې؛ یو کال مخکې د ۱۳۹۸ لمریز هجري کال د مرغومي پر ۱۹ سهار مهال د اوکراین ۷۵۲ نړیواله الوتنه تهران ته نږدې رانسکوره شوه.
اعلامیهٔ پنج کشور گروه بینالمللی هماهنگی و پاسخدهی به قربانیان پرواز PS752 در پیوند به نخستین سالگشت سقوط فاجعهبار پرواز PS752 👇 pic.twitter.com/PyxGcZHIJF
— Ministry of Foreign Affairs – Afghanistan 🇦🇫 (@mfa_afghanistan) January 8, 2021
په خپره شوې اعلامیه کې راغلي؛ مونږ نن د هغو کسانو یادونه کوو، چې خپل ژوند یې په ۷۵۲ الوتنه کې له لاسه ورکړی او د دغې پېښې د قربانیانو کورنیو ته خپله ژوره خواشیني وړاندې کوو. مونږ له هغو کورنیو، خپلوانو او ملګرو په غم کې شریک یو، چې یو کال مخکې په دې ویرجن سهار کې یې خپل عزیزان له لاسه ورکړل.
په اعلامیه کې راغلي: مونږ ټینګار کوو، چې ایران دې د پېښې او پرېکړې په اړه یو بشپړ او هراړخیز راپور چمتو کړي، چې د دې ناورین لامل شوي او دغه راز باید دا ډاډ هم ورکړ شي، چې دا ډول پېښه او پرېکړه بیا هیڅکله نه رامنځته کیږي.
تېره میاشت ایراني رسنیو د ولسمشر د حقوقي دفتر د څرګندونو له مخې څرګنده کړې وه، چې ایران د اوکرایني الوتکې د رانسکورولو په پېښه کې د قربانیانو هرې کورنۍ ته ۱۵۰ زره ډالر غرامت ورکوي.
تازه خبرونه
څار: سفرهای دیپلومات امریکایی به قطر و پاکستان در مورد افغانستان
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه12 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه13 hours ago
په عراق کې به همجنسبازان پر۱۵ کاله بند شي –پارلمان
-
لوبی10 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل