تازه خبرونه
اشرف غني د لنډمهالي حکومت پر ځای له وخت مخکې ټاکنې غوره بولي
د افغان دولت دوه لوړپوړیو چارواکو رویټرز آژانس ته ویلي، چې ولسمشر غني د ترکیې په ناسته کې مریکا ته د له وخت مخکې ټاکنو د تر سره کولو طرحه سپاري.
د افغانستان په اړه د استانبول ناستې په درشل کې دوه افغان چارواکو رویټرز آژانس ته ویلي، چې ولسمشر غني په شپږ میاشتو کې د ولسمشریزو ټاکنو د تر سره کېدو طرحه امریکا ته سپاري.
دا دوه چارواکي، چې نه غواړي نومونه یې واخیستل شي وایي؛ دا طرحه به د استانبول د ناستې پر وخت د ولسمشر غني لخوا د امریکا د طرحې پر ځای مطرح شي.
رویټرز د دې دوه افغان چارواکو د څرګندونو له مخې څرګنده کړې، چې د دې طرحې له مخې به له طالبانو سره د اوربند پر شرط په شپږ میاشتو کې ولسمشریزې ټاکنې تر سره شي.
رویټرز آژانس د دې دوه افغان چارواکو له خولې څرګنده کړې، چې دا طرحه به په دې صورت کې د استانبول په ناسته کې مطرح شي چې طالبان هم پر اوربند هوکړه وکړي.
د افغانستان د بهرنیو چارو وزیر محمد حنیف اتمر ویلي؛ د دوحې په خبرو کې ښه پرمختګونه شوي دي. د دوحې خبرو د پرمختګ لپاره مسکو مرسته کړې او ترکیه د دې خبرو د بشپړولو لپاره بل غوراوی دی.
حنیف اتمر په نوي ډيلي کې د هند د ژمنې اخیستو هڅې کړي.
هند ویلي، چې د استانبول په ناسته کې ګډون کوي.
د هند رقیب پاکستان هم په دې ناسته کې ګډون ته چمتووالی نیولی دی.
په افغانستان کې د پاکستان سفیر منصور احمد خان ویلي؛ پاکستان په تېرو څو کلونو کې د تاوتریخوالي د کمولو لپاره هڅې کړي دي. زمونږ هېواد به د استانبول په ناسته کې هم ګډون وکړي.
ټاکل شوې، چې د استانبول ناسته د اپرېل میاشتې په دوه یمه اوونۍ کې جوړه او د ملګرو ملتونو لخوا به په افغانستان کې د ښکېلو هېوادونو استازي په کې ګډون وکړي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل