Connect with us

تازه خبرونه

په افغانستان کې د یو بل برید د ترسره کېدو شونتیا ډېره ده – بایډن

خپور شوی

د

(Last Updated On: وږی ۷, ۱۴۰۰)

رویټرز په ډاګه کړې، چې ولسمشر جو بایډن د شنبې پر ورځ خبرداری ورکړ، چې په افغانستان کې د اورپکو د یوه بل برید شونتیا ډېره شوې ده.

رویټرز راپور ورکړی، چې د امریکا ولسمشر ویلي؛ پوځيانو ورته په راتلونکیو ۲۴ یا ۳۶ ګړیو کې د یو بل برید له شونتیا خبر ورکړی دی.

د امریکا د ولسمشر جوبایډن د څرګندونو له مخې؛ واشنګټن او متحدین یې په افغانستان کې خپله هغه نظامي ښکېلتیا پای ته رسوي، چې ۲۰ کاله مخکې په کې طالبان له واکه لرې شوي وه.

دغه راز امریکا ویلي، چې د پنجشنبې پر ورځ له کابل هوایي ډګره بهر د رامنځته شوي ځانمرګي برید   پلانوونکی یې تېره ورځ په ننګرهار کې له یوه بل وسلوال سره وژلي دي.

د دغه برید پړه داعش جنګیالیو پر غاړه اخیستې ده.

د رویټرز د څرګندونو له مخې؛ امریکایي چارواکو پر لویدیځ او نویو طالب واکمنانو د دې ډلې لخوا د یو بل برید له تر سره کولو هم خبرداری ورکړی دی او همدا لامل دی، چې بایډن د امریکایي ځواکونو لخوا ټاکل شوې ماموریت د سې شنبې پر ورځ پای ته ورسوي.

بایډن ژمنه وکړه، چې د پنجشنبې د ورځې په چاودنه کې، چې لسګونه افغانان او امریکایي سرتېري ووژل؛ له تېرې یوې لسیزې راپدیخوا ترټولو وژونکې او خونړۍ پیښه وه او مونږ به یې د عاملانو پوره څارنه وکړو.

طالبانو د امریکا د بې پیلوټه الوتکې هغه برید غندلی، چې د ننګرهار ولایت د خوږیاڼو ولسوالۍ په سرحدي سیمه کې  ترسره شوی دی.

طالبانو ویلي؛ باید له برید مخکې یې دوی خبر کړي وای؛ ځکه، نو دا برید پر افغان خاوره یو ښکاره تېری دی، چې باید ترې ډډه وشي.

طالبانو ویلي، چې دوی د هوایي ډګر په چاودنه کې ښکېل ځینې مشکوک کسان نیولي دي.

طالب ویاند ذبیح الله مجاهد دا هم ویلي، چې طالبان به د امریکایي ځواکونو له وتلو وروسته ډېر ژر د هوایي ډګر کنترول ترلاسه کړي او په راتلونکیو ورځو کې به بشپړه کابینه اعلان شي.

د لویدیځ ملاتړ لرونکي حکومت او افغان پوځ په داسې حال کې، چې طالبان د اګست پر ۱۵ پلازمېنې ته ننوتل؛ یوه داسې اداري تشه پریښوه، چې په نوي نظام کې یې  مالي بحران او د پراخې لوږې وېره پیاوړې کړه.

مجاهد رویټرز ته ویلي، چې دې ډلې د افغانستان له یو ولایت پرته په نورو ټولو کې والیان او د پولیسو مشران ټاکلي او د هېواد د اقتصادي ستونزو د حل لپاره به اقدام وکړي.

یوه امریکایي چارواکي د شنبې پر ورځ رویټرز ته ویلي، چې په هوایی ډګر کې له ۴۰۰۰ څخه لږ سرتېري پاتې دي، چې د وتلو ماموریت پر وخت یې شمېر ۵۸۰۰ و.

د پنټاګون ویاند جان کربي خبریالانو ته تائید کړې، چې وتل پیل شوي؛ خو دا یې ونه ویل، چې څومره ځواکونه پاتې دي.

د پنجشنبې ځانمرګی برید، چې داعش یې پړه پر غاړه اخیستې؛ د هوایی ډګر له دروازو بهر یې هغه افغانان پر وینو ولړل، چې د طالبانو له واک ته رسیدو وروسته د وتلو لپاره راټول شوي وه.

دا په داسې حال کې، چې امریکایي سرتېرو او متحدینو یې د تېرو دوه اوونیو په بهیر کې د خپلو وګړیو او له خطر سره د مخ افغانانو د ایستلو د پیل لپاره د کابل هوایي ډګر غوره کړی دی.

تازه خبرونه

په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې

Published

on

(Last Updated On: غویی ۱۳, ۱۴۰۳)

د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.

د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.

د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.

دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.

د دغې پېښې لامل د موټر تخنیکي ستونزې یادې شوې دي.

Continue Reading

تازه خبرونه

داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور

Published

on

(Last Updated On: غویی ۱۳, ۱۴۰۳)

په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.  

یوناما د پنجشنبې پر ورځ – د غویی دیارلسمه – په افغانستان کې د بشري حقونو د وضعیت په اړه د ملګرو ملتونو د امنیت شورا پر سپارښتنه یو راپور خپور کړ، چې په د دغو بریدونو له کبله تر ډېره شیعه افغانان له مرګ او ژوبلې سره مخ شوي دي.

د یوناما په راپور کې راغلي، چې د روان کال له جنورۍ څخه تر مارچ پورې په افغانستان کې د داعش د بریدونو له کبله لږ تر لږه ۳۶ کسان وژل شوي او ۱۱۸ نور ټپیان دي.

د دغه راپور له مخې؛ د جنورۍ له شپږمې څخه تر یوولسمې پورې په کابل ښار کې د لاسي بمونو درې چاودنو لږ تر لږه ۷۹ ملکي وګړو ته مر او ژوبله اړولې ده.

د یوناما د څرګدونو له مخې؛ د جنورۍ پر شپږمه د کابل د دشت‌برچي سیمې په یوه مسافر وړونکي بس کې د ماین د چاودنې له کبله پېنځه ملکي وګړي ووژل شول او شل نور ټپیان دي.

دغه راز د جنورۍ پر نهمه د کابل په  الوخېل سیمه کې د افغانستان د محبسونو ریاست د کارکوونکیو پر موټر د ځای پر ځای شوي ماین د چاودنې له کبله ۳ تنه وژل شوي او ۱۳ نور پیان شول.

په دې راپور کې راغلي؛ د جنورۍ پر یوولسمه هم د کابل د دشت‌برچي اړوند په یوه سوداګریز مارکیټ کې د چاودنې له کبله، چې بڼه یې تر اوسه معلومه نده درې کسان وژل شوي او ۳۵ نور ټپیان دي.

راپور د هم څرګندوي، چې د دغو بریدونو په قربانیانو کې د نرینه‌وو په ګډون ښځې او ماشومان هم شته.

د یوناما د موندنو له مخې؛ په کندهار کې د کابل بانک د دفتر مخې ته په برید کې ۲۵ کسان ووژل شول او ۵۰ نور ټپیان دي. دا برید د مارچ پر یو‌ویشتمه رامنځته شوی، چې د دې برید پړه هم داعش منلې ده.

باید وویل شي، چې له مارچ راوروسته کابل او هرات د داعش د بریدونو شاهدان ول.

دغه راز په یوه تازه پېښه کې د دوشنبې پر ورځ – د غویی لسمه د داعش وسله‌والو د هرات ګذرې ولسوالۍ د شیعه‌ګانو د جومات پر لمونځ کوونکیو برید وکړ، چې د ښځو او ماشومانو په ګډون یې شپږ کسن ووژل او یو بل ټپي شو.

په دغه راپور کې یوناما د ښځو او نجونو، د رسنیو د ازادۍ د وضعیت او په خپل سر نیول او توقیف، د جسمي مجازاتو او اعدام په اړه اندېښنه ښودلې او ویلي یې دي، چې د بښنې له اعلان سره – سره؛ د افغان حکومت د پخوانیو کارکوونکیو پر وړاندې ګواښونه روان دي. د یوناما د دغه راپور په یوه بله برخه کې راغلي چې د مارچ په اتلسمه په خوست ولایت کې د پاکستان په هوايي بریدونو کې یو کس وژل شوی او دوه نور ټپیان دي او دغه راز په پکتیکا ولایت کې اووه ملکي وګړي وژل شوي دي.

اسلامي امارت دغه راپور بې بنسټه بولي او څرګندوي، چې د یوناما راپورونه تکراري، له پروپاګند څخه ډک او له اسنادو پرته دي؛ځکه، چې په هېواد کې د ښځو او نرینه‌وو حقونه خوندي دي.

د اسلامي امارت ویاند ذبیح الله مجاهد زیاته کړې، چې رسنۍ د هېواد د قوانینو او ملي ارزښتونو په نظر کې نیولو سره فعالیت کوي او د پخوانیو دولتي کارکوونکیو پر وړاندې هیڅ ډول ګواښ نشته.

د ملګرو ملتونو د بشري حقونو شورا په افغانستان کې د بشري حقونو وضعیت کړکېچن بللی او په هېواد کې یې د بشري حقونو په ځانګړي توګه د ښځو د حقونو د خوندیتوب غوښتنه کړې، چې اسلامي امارت یې بې بنسټه بولي.

د داعش د بریدونو د قربانیانو دغه شمېر په داسې حال کې وړاندې کیږي، چې اسلامي امارت په افغانستان کې د داعش ډلې فزیکي شتون رد کړی او څرګندوي، چې دغه ډله ځپل شوې ده.

Continue Reading

تازه خبرونه

د دفاع وزارت چارسمبالي د آذربایجان له سفیر سره وکتل

Published

on

(Last Updated On: غویی ۱۳, ۱۴۰۳)

د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال  ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.

د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.

محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.

د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.

Continue Reading

Trending

Copyright © 2022 Ariana News. All rights reserved!