سیمه ییز خبرونه
په ګرشک ولسوالۍ کی د افغان جنگیالیو تر څنگ پاکستاني او چيچينی ترهگر فعالیت کوي
د هلمند ولايت د گرشك ولسوال وايې، بهرني ترهگر له افغان ترهگرو سره په دې خاطر مرستې كوي، چې د نشه يي توكو د قاچاق زمينه برابره شي. د دې سيمه ييز چارواكي په وېنا، په گرشك ولسوالۍ كې د ناامنيو يو عمده دليل دا دى، چې د نشه يي توكو د قاچاق لار پر دې سيمې تېرېږي.
له هېواده بهر د ترهگرو ملاتړ تل د افغانستان د دولت د اندېښنې وړ مسئله وه او ده.
د افغانستان سويلي ولايت هلمند هم يو له هغو سيمو څخه دى، چې له هېواده بهر د فعالو ترهگرو له فعاليتونو او مداخلو خوندي نه دى.
د هلمند د گرشك ولسوال فهيم موسى زى وايې:
بهرني ترهگر، چې ډېر يې پاكستانيان او چيچيني وگړي دي، د افغان جنگياليو ترڅنگ په گرشك ولسوالۍ كې فعاليت لري.
د هلمند دغه سيمه ييز چارواكى همدارنگه وايې، د گرشك پر ولسوالۍ د نشه يي توكو د قاچاق لار تېرېږي او كه دا سيمه باامنه شي، د نشه يي توكو كاروباريان به دغلته د فعاليت فرصت له لاسه وركړي.
داسې ښكاري، چې همدا مسئله د دې لامل شوې، چې بهرني ترهگر په دې ولسوالۍ كې د افغان طالبانو مرستې ته ور ودانگي.
په گرشك كې د كورنيو وسله والو مخالفينو تر څنگ د بهرنيو جنگياليو شتون څه نوې خبره نه ده، بلكې وړاندې له دې هم د سيمه ييزو چارواكو په وېنا، د ناامنيو پېښې له څو كلونو را په دېخوا دغلته روانې وې.
اوس پوښتنه دلته ده، چې ولې افغان ځواكونه له دې سيمې څخه د وېره اچوونكيو د شړلو لپاره پروگرام نه لري.
دا په داسې حال كې ده، چې وړاندې له دې د هلمند د كجكي ولسوالۍ سيمه ييزو چارواكو هم د دې ولسوالۍ په ځينو برخو كې د وسله والو مخالفانو پر شتون اندېښنه ښودلې وه او ويلي يې ول، ځينې گاونډ هېوادونه د وسله والو مالي لگښتونه وركوي، چې د كجكي د بند د بيا رغاونې مخه ونيسي.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
د پاکستان خاوره د افغانستان پر ضد کارول کیږي
-
تازه خبرونه5 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه5 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه2 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي