تازه خبرونه
د ملګرو ملتونو د بشري حقونو شورا د افغانستان پر سیاسي او بشري حقونو خبرې کوي
د ملګرو ملتونو د بشري حقونو شورا په ژنیو کې د افغانستان پر سیاسي او بشري حقونو دوه ورځنی بحث او خبرې کوي.
په افغانستان کې د اسلامي امارت له واک ته رسېدو راپدیخوا سیاسي، بشري، اقتصادي او د کډوالۍ وضعیت د سویس په ژنیو کې د ملګرو ملتونو د بشري حقونو د شورا د غړیو د دوه ورځنۍ غونډې د بحث اصلي موضوع ده.
په سیاسي او د سولې په چارو کې د ملګرو ملتونو د سرمنشي مرستیاله څرګندوي؛ د نوي حکومت له واک ته رسېدو راپدیخوا په افغانستان کې یو پېچلی سیاسي، اقتصادي، بشري او د کډوالۍ کړکېچ را منځته شو، چې ورسره بشري حقونه په ځانګړي توګه د ښځو په حقونو کې شاتګ راغی.
په سیاسي او د سولې په چارو کې د ملګرو ملتونو د سرمنشي مرستیاله روزماري ديکارلو وایي: پر افغانستان د طالبانو له واکمنېدو راپدیخوا یو پېچلی سیاسي، اقتصادي، بشري او د کډوالۍ کړکېچ را منځته شو او بشري حقونه په ځانګړې توګه د ښځو حقونو له شاتګ سره مخ شول.
دغه راز د ملګرو ملتونو د بشري حقونو عالي کمېشنره میشل باچله وایي: ما په دې وروستیو کې افغانستان ته سفر وکړ، له لوړ پوړیو دولتي چارواکو سره مې وکتل او په افغانستان کې د بشري حقونو پر وضعیت مې د نړیوالو اندېښنه څرګنده کړه. داسې ښکاري، چې دوی بشري حقونو ته ژمن دي؛ خو عملي ګامونو ته اړتیا ده، ځکه په افغانستان کې وضعیت خراب دی او باید عملاً په ټولو سکتورونو کې اړینې هڅې تر سره شي.
په ملګرو ملتونو کې د ناروې د دایمي استازي مرستیاله څرګندوي؛ که لنډمهالی حکومت غواړي د نړیوالې ټولنې او د نړۍ د اقتصاد د مالي سیسټم برخه وي، باید د نړیوالې ټولنې غوښتنې ومني.
په ملګرو ملتونو کې د ناروې د دایمي استازي مرستیاله ترینه هایمربک وایي: د قانون حاکمیت او بشري حقونو ته درناوی او په افغانستان کې د یوه ټولګډونه حکومت رامنځته کول، تلپاتې سولې او نړیوال مشروعیت ته د زمېنې برابرولو ضمانت کوي. ملګري ملتونه دې په امنیت شورا کې له طالبانو سره خبرو ته دوام ورکړي. آیا مونږ د امنیت شورا په پرتله په واضح توګه خبرې کولی شو؟ خو دا مهمه ده، چې مونږ د خپلو غوښتنو په ملاتړ کې یو موټي پاتې شو.
د بشري حقونو یو شمېر مدافعان او د ښځو د حقونو هڅاندي هم پر اوسني لنډمهالي حکومت د زیاتو نړیوالو فشارونو غوښتنه کوي.
افغان ډیپلوماټه عادله راز وایي: که طالبان تمه لري، چې نړیواله ټولنه یې پر رسمیت وپېژني او د بل هر هېواد په څیر ورسره چلند وکړي؛ نو دوی باید لومړی ګام پورته کړي او د نړیوالې ټولنې د یوه غړي په توګه یې نړیوال کنوانسیونونه پر رسمیت وپېژني او درناوی یې وکړي. که داسې ونشي؛ نو د نړۍ د نه تعامل پایلې به د خلکو او حکومت لپاره خورا ترخې وي.
د بهرنیو چارو وزارت پخواني ویاند ګران هېواد ویلي؛ نړیوالې ټولنې د بشري حقونو او د قانون حاکمیت ته ډېره پاملرنه کړې او د یوه ټولګډونه حکومت رامنځته کول او ښوونځي ته له شپږم ټولګي څخه د پورته نجونو د ورتګ اجازه یې د دوی له مهمو غوښتنو څخه بللي دي. طالبانو( اسلامي امارت) هم په تېرو وختونو کې ژمنه کړې، چې عملي کوي به یې. که عمل پرې وکړي، ښايي د اوسني حکومت پر وړاندې په نړیوال دریځ کې بدلون راشي او دا به د رسمیت پېژندلو برخلیک یو څه آسانه کړي.
اسلامي امارت په وار وار ویلي، چې د اسلامي شریعت په چوکاټ کې د ښځو بشري حقونو ته درناوی لري او د نړیوال مشروعیت د ترلاسه کولو لپاره یې ټول شرایط پوره کړي دي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري4 days agoپه کابل کې د اسلامي پانګونې د پراختیا پر لارو چارو خبرې وشوې
-
تحول5 days agoتحول: کابل ته د روسیې د لوړپوړي پلاوي سفر
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
