تازه خبرونه
په افغانستان کې څه باندې ۲۴ میلیون وګړي بېړنیو مرستو ته اړ دي – م.م
د ملګرو ملتونو د بشري چارو د همغږۍ دفتر (اوچا) ويلي، د ژمي له را رسېدو سره زرګونه افغانان، چې د زلزلې او سېلابونو له امله زیانمن شوي او د قحطۍ له خطر سره مخ دي، بېړنیو مرستو ته اړ دي.
د ملګرو ملتونو د بشري چارو د همغږۍ دفتر اټکل کوي، چې په راتلونکي ژمي کې به په افغانستان کې د اړو کسانو شمېر ۲۴ میلیون ته ورسيږي.
اوچا تویت کړی، چې تر اوسه د افغانستان لپاره د بشري مرستو ۴۲ سلنه دوی تر لاسه کړې ده.
د دوی د اعلامیې په یوه برخه کې راغلي: په افغانستان کې له ۲۴ میلیون ډېر خلک بشري مرستو ته اړتیا لري، زرګونه کسان له قحطۍ او د زلزلې او سېلابونو له امله زیانمن شوي، چې له ژمي مخکې بېړنیو مرستو ته اړتیا لري. د افغانستان لپاره د غوښتل شوې بشري مرستې یوازې ۴۲ سلنه مونږ تر لاسه کړې ده.
په خوست او پکتیکا ولایتونو کې زلزلې او په یو شمېر ولایتونو کې سېلابونو ستر ځاني او مالي زیانونه اړولي او زرګونه کورنۍ یې بې کوره کړي دي.
له بلې خوا هغه اړمن خلک، چې له فقر او لوږې سره مخ دي؛ له اسلامي امارت او مرستندویه بنسټونو د مرستو غوښتنه کوي.
د اسلامي امارت چارواکو ویلي، چې له اړو افغانانو سره کېدونکې مرستې کافي ندي.
اسلامي امارت د زلزلې او سېلابونو له کبله د زیانمنو شویو کورنیو سره د مرستې لپاره له مرستندویه هېوادونو ۳۲۲ میلیون دالر وغوښتل.
د بهرنیو چارو وزارت په کابل کې یو شمېر نړیوال مرستندویه بنسټونه او د ځینو هېوادونو سیاسي استازي د وروستیو طبیعي پيښو له قربانیانو سره د مرستو لپاره راغونډ کړلاو څرګنده یې کړه، چې دوی د وروستیو طبیعي پېښو له قربانیانو سره د مرستې توان نلري او د دغو پېښو مالي او ځاني زیانونه ډېر دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي