تازه خبرونه
نړۍ افغانستان هېر کړی او له پامه غورزول شوی
د اروپايي ټولنې د بهرنۍ تګلارې مسوول جوزف بوریل څرګنده کړې، چې د بهرنیو ځواکونو له وتلو وروسته افغانستان له پامه غورزول شوی او داسې هېر شوی لکه، چې هیڅ په نړۍ کې نه وي.
د اروپايي ټولنې د بهرنۍ تګلارې مشر، چې ظاهراً يې د خپلې وينا ډېره برخه د اوکراين پر جګړه راڅرخولې د خپلې وينا په څنډه کې یې د افغانستان يادونه هم وکړه.
هغه څرګنده کړه، چې افغانستان اوس يو هېر شوی هېواد دی.
که څه هم جوزف بوریل هغه لاملونه نه یادوي، چې له کبله یې افغانستان له نړۍ هېر شوی؛ خو وايي، چې افغانستان له پامه غورځول شوی او داسې دی لکه د افغانستان پر نوم، چې هیڅ هېواد نه وي.
د جوزف بوریل د څرګندونو له مخې؛ په نړۍ کې د نویو بحرانونو له پیل سره داسې انګیرل کیده، چې پخواني بحرانونه د حل په حال کې دي، خو حقیقت داسې نه دی او پخواني کړکیچونه د ژوروېدو په حال کې دي.
د اروپایي ټولنې د بهرنۍ پالیسۍ رییس جوزف بوریل وایي: تېر کال د افغانستان په اړه هر چا خبرې کولې؛ په اګست او سپتمبر کې افغانستان د نړۍ تر ټولو لویه مسله او د رسنیو په سرلیکونو کې وه. اوس داسې ښکاري، چې افغانستان وجود نلري؛ په افغانستان کې د پخوا په څېر ستونزې شته، افغانستان اوس یو هېر شوی او له پامه غورزېدلی هېواد دی.
دغه راز د امریکا د بهرنیو چارو وزارت ويلي؛ واشنګتن له پاکستان سره خپلو اوږدمهاله همکاریو ته ارزښت ورکوي او د دغه هېواد له ملکي حکومت سره د امنیت، ثبات او د افغانستان د راتلونکي په ګډون په بېلابېلو مسایلو په منظم ډول خبرې کوي.
د امریکا د بهرنیو چارو وزارت ویاند ند پرایس ویلي: مونږ له پاکستان سره خپلې اوږدمهالې ملګرتیا ته ارزښت ورکوو. دلته د افغانستان د امنیت په شمول یو شمېر سیمې شته، چې زمونږ ګټې په کې دي. مونږ په منظمه توګه له دوی سره پر بېلابېلو موضوعاتو خبرې کوو؛ خو مونږ تل د دې تعاملاتو توضیحاتو ته نه ځو.
اسلامي امارت په وار وار اعلان کړی، چې د امریکا په ګډون له ټولو هېوادونو سره دوستانه اړیکې غواړي او له دغو هېوادونو یې په پرله پسې ډول په افغانستان کې د خپلو سفارتونو د پرانستلو غوښتنه کړې ده.
نړیوالې ټولنې ظاهراً د ښځو او نجونو د کار او زدکړې حق، له ترهګرۍ سره مبارزه، د یوه جامع حکومت رامنځته کول او د افغانستان خاوره د سیمې او نړۍ پر ضد نه کارول، بشري حقونو ته درناوی هغه مسایل بللي، چې له عملي کیدو سره به یې له اسلامي امارت سره تعامل ته لار اواره کړي.
تازه خبرونه
په نړیواله ټولنه کې د افغانستان له بیا یوځای کېدا ملاتړ کوو- انډونیزیا
د انډونیزیا بهرنیو چارو وزارت مرستیال او د ګلورا ګوند مشر انیس مټا په «ایکس» پاڼه کې لیکلي، چې د دوشنبې پر ورځ( د اګست پر څلیریشتمه ) یې د افغانستان له شعیب بریالي سره لیدنه کړې ده.
د انډونیزیا بهرنیو چارو وزارت مرستیال ويلي، جاکارټا به په نړیواله ټولنه کې د افغانستان د بیا یو ځای کېدا له هڅو ملاتړ وکړي.
د انډونیزیا بهرنیو چارو وزارت مرستیال او د ګلورا ګوند مشر انیس مټا په «ایکس» پاڼه کې لیکلي، چې د دوشنبې پر ورځ( د اګست پر څلیریشتمه ) یې د افغانستان له شعیب بریالي سره لیدنه کړې ده.
هغه ویلي، چې په دې لیدنه کې یې په مستقیم ډول په افغانستان کې د واکمنو چارواکو لهخوا د نړیوالو ژمنو د عملي کولو او له نړیوالې ټولنې سره د افعغانستان د بیا یوځای کېدا لپاره د زمینې برابرولو په اړه د هڅو د پرمختګ لپاره خبرې کړې دي.
مټا زیاته کړې، انډونیزیا به د رغنده تعامل له لارې له دې بهیر څخه ملاتړ ته دوام ورکړي، چې د افغانستان د خلکو ژوند ښه شي، ثبات ټینګ شي او د هغوی د هوساینې لپاره زمینه برابره شي.
دغه راز په جاکارټا کې د افغانستان د سفارت سرپرست قیس بارکزي د دغو څرګندونو په غبرګون کې د انډونیزیا له رغنده تعامل څخه مننه کړې ده.
بارکزي ویلي، افغانستان له نړۍ سره پر ماناداره تعامل، د سولې او ثبات ټینګښت او په سیمه کې د همکارۍ د خوندي کولو لپاره پخپلو ژمنو ټینګار کوي.
تازه خبرونه
په افغانستان کې د ۴جي کاروونکو شمېر له ۱۰ میلیون واوښت
عنایتالله الکوزي په یوه انځوریز پیغام کې ویلي، چې اوسمهال په افغانستان کې شاوخوا ۳۲ میلیون فعال سیمکارتونه شته او نږدې ۱۷ میلیون کسان له انټرنېټي خدمتونو ګټه اخلي.
د مخابراتو او معلوماتي ټکنالوژۍ وزارت ویاند عنایتالله الکوزي ويلي، په افغانستان کې د ۴جي خدمتونو د کاروونکو شمېر نږدې ۱۰ میلیون ته رسېدلی دی.
عنایتالله الکوزي په یوه انځوریز پیغام کې ویلي، چې اوسمهال په افغانستان کې شاوخوا ۳۲ میلیون فعال سیمکارتونه شته او نږدې ۱۷ میلیون کسان له انټرنېټي خدمتونو ګټه اخلي.
د نوموړي د څرګندونو له مخې، نږدې ۱۰ میلیون کسان د ۴جي انټرنېټ له خدمتونو برخمن دي. په داسې حال کې، چې د اسلامي امارت له بیا واکمنېدا مخکې د ۴جي کاروونکو شمېر لږ څه له دوه میلیونو او د انټرنېټ د ټولو کاروونکو شمېر له ۱۰ میلیونو کم و.
د مخابراتو او معلوماتي ټکنالوژۍ وزارت ویاند د هېواد په بېلابېلو سیمو کې د مخابراتي پوښښ پراخېدا مخابراتي او انټرنېټي خدمتونو ته د خلکو د لاسرسي د پراختیا له لاملونو څخه بللي دي.
تازه خبرونه
په کابل کې د قطر سفیر له ترکي ډیپلومات سره د مخهښۍ لیدنه وکړه
په کابل کې د قطر سفارت ویلي، چې د دغه هېواد سفیر ډاکټر میردف بن علي القاشوطي په کابل کې د ترکیې د سفارت د ډیپلوماتیک پلاوي له مرستیال بلال امره سره د مخهښۍ لیدنه کړې ده.
په افغانستان کې د قطر سفیر د ترکیې سفارت د مرستیال له دندې سره د مخهښې په لیدنه کې د دواړو هېوادونو د اړیکو او همکاریو په پیاوړتیا کې د هغه پر رول ټینګار وکړ.
په کابل کې د قطر سفارت ویلي، چې د دغه هېواد سفیر ډاکټر میردف بن علي القاشوطي په کابل کې د ترکیې د سفارت د ډیپلوماتیک پلاوي له مرستیال بلال امره سره د مخهښۍ لیدنه کړې ده.
دغه لیدنه په افغانستان کې د ترکي ډیپلومات د دندې له پای ته رسېدا سره هممهاله شوې ده.
د قطر سفیر په دې لیدنه کې د دواړو هېوادونو د اړیکو او همکاریو د پیاوړتیا په برخه کې د بلال امره له هڅو او همکاریو مننه کړې او په راتلونکو دندو کې یې ورته د بریا هیله کړې ده.
په کابل کې د سرو زرو او زرګرۍ د صنعت لومړنی درې ورځنی نندارتون جوړ شو
په نړیواله ټولنه کې د افغانستان له بیا یوځای کېدا ملاتړ کوو- انډونیزیا
په افغانستان کې د ۴جي کاروونکو شمېر له ۱۰ میلیون واوښت
په کابل کې د قطر سفیر له ترکي ډیپلومات سره د مخهښۍ لیدنه وکړه
له امریکا څخه له ۱۶۰ ډېر هایټیایي کډوال وایستل شول
په پاکستان کې د مالونو د سراسري لېږد درېدا؛ موټرچلوونکي اعتصاب کوي
فیفا د ۲۰۲۶ نړیوال جام د ریکارډ جوړوونکو عملیاتو بېلابېل اړخونه څرګند کړل
د افغانستان وضعیت له پاکستان ښه دی؛ پاکستان مخ پر ډوبېدو دی ــ فضلالرحمن
په کابل هوايي ډګر کې د وتلو پر مهال د پېنځه آلماني سرتېرو غلا تر څېړنې لاندې ده
د افغانستان بانک ویزهکارت او نوی«حسابپی » کاریال نندارې ته وړاندې کړ
څار: په شانګهای همکاریو سازمان کې د افغانستان ناڅرګند برخلیک
تحول: په ملګرو ملتونو کې اسلامي امارت ته د څوکۍ سپارلو غوښتنه
څار: د ایران پر وړاندې د امریکا بندیزونه
څار: له ایران او پاکستان څخه د افغان کډوالو د راستنېدا د لړۍ دوام
تحول: د خپلواکۍ د بېرته تر لاسه کولو د یو سلو اوومې کالیزې نمانځنه
-
لوبی4 days agoآباسین ډیفنډرز د کابل خان روغتون کرکټ غوره لیګ د څلورم پړاو اتلولي وګټله
-
تازه خبرونه3 days agoافغان پلاوي په بیلاروس کې له تولیدي کارخونو لیدنه وکړه
-
سوداگري1 day agoد افغانستان د ټرانزیټي سوداګرۍ کموالی د پېښور سوداګریز چاپېریال ګواښي – ډاننیوز
-
تازه خبرونه2 days agoد افغانستان او تاجکستان پر پوله به پوځي فعالیتونو ته اجازه ور نهکړ شي – ذبیحالله مجاهد
-
سیمه ییز خبرونه2 days agoایران د امریکا نوي بندیزونه«د بېوسۍ نښه» بللې
-
تازه خبرونه2 days agoولې منځګړي د افغانستان او پاکستان په اوربند ټینګولو کې پاتې راغلل؟
-
تازه خبرونه1 day agoپه افغانستان کې د ګوزڼ پېښې ۱۹ ته ورسېدې – د روغتیا نړیواله ټولنه
-
نړۍ2 days agoله اوکراین سره ۸۵ میلیارډ کرونه مرسته کوو – ناروې