روغتيا
په افغانستان کې له هیموفیلیا سره د مبارزې نړیواله ورځ ونمانځل شوه
د اسلامي امارت عامې روغتیا وزارت له هیموفیلیا سره د مبارزې نړیواله ورځ “ټولو ته د لاسرسي” تر سرلیک لاندې ونمانځله.
د افغانستان د عامې روغتیا وزارت د هیموفیلیا ناروغۍ پر وړاندې د مبارزې د نړیوالې ورځې په مناسبت ويلي، چې په هېواد کې درې زره کسان پدې ناروغۍ اخته دي.
د دغه وزارت د چارواکو په وینا؛ که په هیموفیلیا ناروغۍ د اخته کسانو پر وخت درملنه ونهشي، ښايي د بدن یوه برخه یې فلج شي او ځینې وخت دغه ناروغي د مرګ لامل هم کیږي.
د دغه وزارت مالیې او ادارې مرستیال څرګنده کړی: خوشاله یم، چې نن زمونږ هېواد افغانستان هم د نړۍ د نورو هېوادونو په څېر هر کال د هیموفیلیا پر وړاندې د مبارزې نړیواله ورځ لمانځي، چې موخه ترې د خلکو د پوهاوي لوړول او د ناروغانو روغتيايي حالت ته لاسرسی دی.
د روغتیا وزارت مرستیال زیاتوي، که څه هم دوی کافي بودیجه نهلري؛ خو د هیموفیلیا ناروغانو د درملنې لپاره یې بودیجه ځانګړې کړې. ټاکل شوې د زونونو پر کچه د دې ناروغۍ د تشخیص مرکزونه هم جوړ شي.
د عامې روغتیا وزارت د څرګندونو له مخې؛ په نړۍ زرګونه خلک پر دغې ناروغۍ اخته دي، چې دا مهال زمونږ په هېواد کې ۳ زره کسان پدې ناروغۍ اخته شوي دي.
د دغه وزارت د څرګندونو له مخې؛ دمګړۍ مونږ په کابل کې پر دغه ناروغۍ اخته ۸۵۷ کسان لرو، چې ۵۹ یې میرمنې دي.
که د هیموفیلیا ناروغانو په وخت درملنه ونهشي؛ د بدن ځینې برخې به فلج یا حتا ناروغ به مړ شي.
د تشخیصي وسایلو نشتوالی یا کموالی، د متخصصینو نهشتون او د دې ناروغۍ په اړه د خلکو د پوهاوي نشتوالی هغه نورې ستونزې دي، چې د دې ناروغۍ د خپریدو لامل شوي دي.
یو شمېر ګډونوالو ويلي، پانګوال باید د کیفیت لرونکیو مرکزونو د جوړولو لپاره اقدام وکړي، چې د هیموفیلیا ناروغان بهر ته لاړ نهشي.
هیموفیلیا یوه ارثي اختلال دی، چې پر هیموفیلیا اخته کس د پروتینونو د نشتوالي یا کمیدو او یا د انعقادي فکتورونو د نشتوالي له امله نشي کولی د وینې بهیدو مخه ونیسي.
هیموفیلیا بېلابېل ډولونه لري؛ خو ترټولو عام او پېژندل شوي یې په انسانانو کې د هیموفیلیا A – فکتور ۸ کمښت، د هیموفیلیا B او فکتور ۹ کمښت ډولونه دي.
روغتيا
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
عامې روغتیا وزارت له خلکو غوښتي، چې د ګوزڼ پر وړاندې خپل ماشومان واکسین کړی او په دې توګه له ګوزڼ څخه د خوندي افغانستان په جوړولو کې مرسته وکړي.
دا کمپاین به د غویی تر دیارلسمې / د می تر دوهیمې نېټې روان وي.
عامي روغتیا وزارت په پام کې لري، چې په دې پړاو کې له ۱۰ اعشاریه ۷ میلیون ډېرو ماشومانو ته، چې عمرونه یې له ۵ کلونو لږ وي؛ لاسرسي ومومي.
پولیو يا ګوزڼ يوه سارې نااعلاج ناروغي ده، چې په ماشومان کې د دايمي فلج سبب ګرځي؛ خو د روغتیا د برخې پوهان وايي، چې د دغې ناروغي مخنیوی یوازې پر واکسین کولو شونی دی.
د یادونې ده، چې تېر کال په ننګرهار کې د ۶ مثبتو پېښو په اړه راپور ورکړ شوی و.
روغتيا
قلندرعباد له آذربایجان څخه د کارکوونکیو د وړتیا لوړولو په اړه د مرستې غوښتنه وکړه
د عامې روغتیا وزارت چارسمبالي د هېواد د روغتیايي سکتور د کارکوونکیو د وړتیا لوړولو په برخه کې له آذربایجان څخه د مرستې غوښتنه وکړه.
قلندر عباد دغه غوښتنه په کابل کې د آذربایجان له سفیر الهام محمدوف سره په کتنه کې وکړه.
په دې کتنه کې دواړو لوریو د روغتیا په برخه کې د همکارۍ، د افغان روغتیايي کارکوونکیو د وړتیا لوړولو او نورو اړوند مسایلو په اړه خبرې وکړې.
دغه راز د آذربایجان سفیر په دې کتنه کې ویلي، چې هېواد یې هڅه کوي له افغانستان سره د روغتیا په برخه کې خپله مرسته او همکاري روانه وساتي.
د يو بل خبر له مخې؛ د اندراګاندي د ماشومانو په روغتون کې د اکسيجن د توليد د څانګې د ودانۍ د بنسټ ډبره کېښودل شوه.
د عامې روغتیا وزارت چارواکي وايي، دغه څانګه به د روغتیا نړیوالې ټولنې پر مالي او تخنیکي همکارۍ جوړه شي او په یوه ورځ کې د ۲۰۰ اکسیجن بالونونو د ډکولو پر وړتیا سربېره به دغه روغتون ته د اکسيجن د رسولو تر څنګ د روغتیا وزارت نورو روغتونونو ته هم اړین اکسیجن چمتو کړي.
روغتيا
قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې
د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.
په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځانبسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.
نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.
د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.
همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.
د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
نړۍ1 day ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه1 day ago
د پاکستان خاوره د افغانستان پر ضد کارول کیږي
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ