سوداگري
افغانستان او قزاقستان د سیمه ییزو تولیداتو د ودې لپاره ګډ نندارتون جوړوي
د صنعت او سوداګرۍ وزارت څرګنده کړې؛ هڅه کوي، چې د قزافستان په نندارتون کې د هېواد تولیدات او محصولات په منظم ډول نندارې ته وړاندې کړي.
د صنعت او سوداګرۍ وزارت تویت کړی، چې د نندارتونونو جوړول د هېواد خصوصي سکتور او کورنیو تولیداتو لپاره د بازار موندنې په برخه کې ښه فرصت دي.
د صنعت او سوداګرۍ وزارت لخوا د قزاقستان په جوړیدونکې نندارتون کې د افغان صنعت کارانو او تولیدوونکیو سره د همغږۍ ناسته تر سره شوه.
یاد وزارت وايي، چې په دې نندارتون کې به د افغانستان کورني تولیدات په منظم ډول نندارې ته وړاندې شي.
د خصوصي سکتور غړي هم څرګندوي، چې د منځنۍ آسیا هېوادونه ورته تر ټولو ښه مارکیت دی او له صنعت اوسوداګرۍ وزارته غوښتنه کوي، چې په داسې نندارتونونو کې د خصوصي سکتور ګډون لپاره اسانتیاوې زیاتې کړي.
دې پانګوالو، چې په افغانستان کې میلیونه دالر پانګونه کړې؛ د صنعت او سوداګرۍ له وزارته غوښتنه کوي، چې په نورو هېوادونو کې د نندارتونو جوړیدو لپاره هڅې چتکې کړي.
د صنایعو او کانونو خونې مرستیال سخي احمد پیمان وایي: زما له نظره د افغان تولیدوونکیو لپاره د منځنۍ آسیا هېوادونو په مارکیتونو کې فروشات زیات مهم دي او په دې نندارتون کې د هېواد د تولیداتو برخه اخستنه خورا مهمه بولي او زیاتوي، چې مونږ کولی شو خپل تولیدات په کې نندارې ته وړاندې کړو.
د اقتصادي چارو کارپوهانو باور هم دادی، چې د هېواد د تولیداتو لپاره د منځنۍ آسیا هېوادونو په مارکیتو نو کې خورا لوړ ظرفیت شتون لري او د صنعت او سوداګرۍ له وزارته هیله لرو، چې په دې فرصتونو کې د ملي اقتصاد د پیاوړتیا لپاره ډېرې هڅې وکړي.
د اقتصادي چارو شنونکی کمال الدین کارکړ وایي: زما له نظره د قزاقستان په ګډون د ټولې منځنۍ آسیا له هېوادونو سره د هېواد د اقتصادي اړیکو پراختیا اړینه ده. باید له داسې چانسونو څخه په لوړه کچه ګټه پورته شي.
د صنعت او سوداګرۍ وزارت ویلي، چې په دې نندارتون کې د ګډون لپاره تابیاوې نیول شوي دي او په دې نندارتونو کې به د افغان کورني تولیدات نندارې ته وړاندې شي، چې له دې کار سره به د افغانستان تولیداتو لپاره د منځنۍ آسیا هېوادونو په مارکیتونو کې بازار موندنه هم وشي.
سوداگري
افغانستان په سیمه کې پر یو مهم صنعتي مرکز بدلېدلی شي – عبدالسلام حنفي
د ریاست الوزراء اداري مرستیال ويلي؛ افغانستان د صنعتي تولید لپاره د اړینو توکو لرونکی هېواد دی او کولی شي، چې په سیمه کې یو مهم صنعتي مرکز شي.
عبدالسلام حنفي د صنعت اوونۍ په مناسبت د ملي او نړیوال نندارتون د پرانیستې په مراسمو کې ویلي، چې د صنعتي وده نورو اقتصادي سکټورونو د ودې او پراختیا زمینه برابروي او اسلامي امارت د هېواد له صنعت او کورنیو تولیداتو بشپړ ملاتړ کوي.
نوموړي زیاته کړې: افغانستان د صنعتي تولید لپاره اړین او بډایه فاکتورونه لري، چې په سیمه کې پر یو مهم صنعتي مرکز بدلېدلی شي. د صنعت وده به د نورو اقتصادي سکټورونو په ځانګړي توګه د کرنې د ودې زمینه برابره کړي.
په دې مراسمو کې د صنایعو او سوداګرۍ وزارت چارسمبالی ویلي؛ اسلامي امارت د صنعت د ودې او د خصوصي سکتور د ملاتړ په برخه کې داسې پروګرامونه لري، چې افغانستان به پر ځانبسیا کړي.
د صنایعو او سوداګرۍ وزارت چارسمبالی نورالدین عزیزي وایي، چې اوسمهال د افغانستان صنعت د پرمختګ په حال کې دی او د صادراتي توکو کیفیت هم لوړ شوی دی.
یو شمېر پانګوالو هم په دې مراسمو کې ویلي، چې د اسلامي امارت له راتګ وروسته د هېواد صادرات زیات شوي او د تولیدي شرکتونو شمېر هم ډېر شوی دی.
دغه نندارتون د اووه ورځو لپاره د لیدونکیو پر مخ پرانيستی دی او په ٤٥٠ غرفو کې صنعتي توليدات نندارې ته ايښودل شوي، چې سوداګرو ښځو هم په کې ګډون کړی دی.
سوداگري
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
د افغانستان د ټرانسپورټ او هوايي چلند وزارت څرګنده کړې، چې افغانستان او پاکستان د بار وړونکیو موټرو د ورداخلېدو پر لنډمهالي سند ورکولو هوکړه کړې ده.
دغه وزارت نن (یکشنبه د غویی درویشتمه ) په یوه خبرپاڼه کې ویلي، هغه موټر چلوونکي او کلینران، چې له افغانستان او پاکستان څخه سوداګریز توکي لېږدوي؛ باید دغه سند له ځانه سره ولري، چې وکولی شي له دې لارې تېر شي.
د دغې خبرتیا پر بنسټ، یاد سند به په کابل کې د پاکستان سفارت او په کندهار کې د قونسلګرۍ لهخوا پر اړوند افغانانو ووېشل شي.
د پاکستانیانو لپاره دا سند په پېښور او کوټه کې د افغانستان د ټرانسپورټي اتشې لهخوا ورکول کیږي.
د ټرانسپورت وزارت د بار وړونکیو وسایطو له خاوندانو او چلوونکیو څخه غوښتي، چې د غبرګولي میاشتې تر لومړۍ نېټې پورې دې د اړتیا وړ اسناد خپلو اړوند ټرانسپورټي شرکتونو ته وسپاري.
دغه وزارت دا خبرداری هم ورکړی، چې د غبرګولي میاشتې له لومړۍ نېټې وروسته به له نويو اسنادو پرته باروړونکې لارۍ پاکستان او افغانستان ته تګ راتګ ونشي کولی.
سوداگري
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
د ازبکستان او پاکستان د بهرنیو چارو وزیرانو د ازبکستان، افغانستان او پاکستان د اوسپنې پټلۍ پروژې پر ژر عملي کېدو ټینګار کړی دی.
د پاکستان د بهرنیو چارو وزیر له خپل ازبک سیال بختیار سیدوف سره په لیدنه کې د ازبکستان، افغانستان او پاکستان یا افغان ټرانس اوسپنې پټلۍ پروژې د چټکتیا غوښتنه کړې ده.
د دې وزارت خبرپاڼې له مخې؛ په دې ليدنو کې د دوه اړخيزو سوداګريزو اړيکو د پراختيا، د پانګونې او مخابراتي پروژو په اړه بحثونه وشول.
په خبرپاڼه کې راغلي، چې دواړو لوریو د “افغان ټرانس” پروژې عملي کېدل د سیمې د هېوادونو پر ګټه وګڼل او څرګندوي، چې دا پروژه به د جنوبي او مرکزي آسیا ترمنځ د سوداګرۍ پر لنډې او ډاډمنه لار بدله شي.
په دې کتنه کې د ازبکستان د بهرنیو چارو وزیر د افغان ټرانس اوسپنې پټلۍ پروژې د ژر تر ژره عملي کېدو لپاره د هڅو پر چټکتیا ټینګار څرګند کړ.
د پاکستان بهرنیو چارو وزارت اعلان کړی، چې د دغه هېواد د بهرنیو چارو وزیر په اسلامآباد کې له خپل ازبک سیال بختیار سیدوف سره په کتنه کې د ازبکستان، افغانستان او پاکستان د اوسپنې پټلۍ پروژې د چټکتیا غوښتنه وکړه. دواړو لوریو د “افغان ټرانس” پروژې پلي کېدل د سیمې د هېوادونو په ګټه وګڼل.
د دغې خبرپاڼې له مخې؛ د پاکستان بهرنیو چارو وزیر محمد اسحاق ډار د ازبکستان د بهرنیو چارو له وزیر بختیار سیدوف سره د پراخو دوه اړخیزو سوداګریزو اړیکو، پانګونې، امنیت، د خلکو تر منځ د اړیکو او ارتباطي پروژو پر ټولو اړخونو خبرې وکړې او د ازبکستان د ژر تر ژره تطبیق لپاره یې د افغانستان او پاکستان د اوسپنې پټلۍ پر پروژې ټینګار وکړ.
له دې مخکې د ازبکستان چارواکو داسې ټینګار کړی و: د افغانستان له لارې د اوسپنې پټلۍ، چې منځنۍ آسیا د افغانستان له لارې له پاکستان سره نښلوي، د ۲۰۲۷ کال تر پایه بشپړه شي.
تمه ده، چې دا ۷۶۰ کیلومټره د اوسپنې پټلۍ به د ازبکستان او پاکستان ترمنځ د کارګو د لېږد وخت هم راکم کړي. د “افغان ټرانس” پروژې یوه بله ګټه د توکو د لېږد رالېږد په لګښت کې ۴۰ سلنه کموالی دی.
اقتصادي شنونکي شبیر بشیري ویلي؛ د ازبکستان، افغانستان او پاکستان ترمنځ د اوسپنې پټلۍ جوړول د سیمې د هېوادونو ترمنځ د سوداګریزو او اقتصادي اړیکو په پراخولو او اسانتیا کې اغېزمن رول لري.
د يادونې وړ ده، چې د افغانستان، پاکستان او ازبکستان تر منځ د اوسپنې پټلۍ د جوړولو پلان په ۲۰۱۸ کال کې طرحه شو، چې څه باندې څلور نيم ميليارډ ډالر لګښت لري. په دې وروستیو کې اسلامي امارت ویلي، چې قطر هم د دې پروژې مالي ملاتړ اعلان کړی دی.
-
تازه خبرونه1 day ago
الله ګل مجاهد د قتل پر تور ونیول شو
-
سوداگري4 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی4 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
تازه خبرونه4 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ4 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه4 days ago
سعودي عربستان ته د افغان حاجیانو د لېږد بهیر پیل شو
-
تازه خبرونه4 days ago
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه