تازه خبرونه
آسترالیا هڅه کوي په افغانستان کې ترسره شوي جنګي جنایتونه کم ارزښته وښیي – روسیه
د روسیې د بهرنیو چارو وزارت ویاندې ماریا زاخارووا د جمعې پر ورځ په یوه بیان کې په ډاګه کړه؛ د آسترالیا چارواکي په افغانستان کې د دغه هېواد د پوځیانو د جنګي جرمونو د نرمولو په لټه کې دي.
نوموړې زیاته کړې؛ دا په بشپړه توګه روښانه ده، چې د شنه براعظم واکمنه اداره غواړي په افغانستان کې د آسرالیايي سرتېرو لخوا ترسره شوي جنګي جرمونو مسله نرمه کړي، چې دا یوه ځوروونکې موضوع ده. په هر حال داسې بریښي، چې د دې هڅې تر شا اصلي لامل د پخوانۍ لیبرالې کابینې د بدنامې رهبرۍ لومړي وزیر سکات موریسن او بدنام دفاع وزیر پیتر داتون لاسوهنه ده.
هغې څرګنده کړې: د پخوانیو بنسټونو غړیو، رسنیو او ځینو سیاسي ناپېیلو چارواکو، چې له اوسنيو چارواکو سره تړلي نهدي؛ پر ګوته کړې، چې د شخصي افرادو او ځانګړيو عملیاتي ځواکونو ملامتولو پر هڅو غواړي دا له شرمه ډډکې دوسیې وتړي؛ خو دا د منلو وړ نهدي.
زاخارووا وایي: په ځانګړي توګه د ( یو ملت) اپوزیسیون ګوند سناتور مالکم رابرتس د می په میاشت کې د پارلمان د استماعي غونډې په بهیر کې وړاندیز وکړ، چې د آسترالیا د دفاعي ځواک مشر جنرال انګوس کمپبل ته، چې پر ۲۰۱۲ کال په منځني ختیځ کې د آسترالیا د سرتېرو د قومندان په توګه د امتیازي خدمت صلیب ورکړ شوی و؛ بېرته ترې واخیست.
د هغې د څرګندونو له مخې، د آسترالیا د جنګي جرمونو په اړه نوي معلومات دا روښانه کوي، چې دا مسله بنستیزه او ژوره ریښه لري، په ځانګړي توګه د هېواد د وسلهوالو ځواکونو له لوړ پوړیو واحدونو سره تړلې ده.
زاخارووا ټینګار کړې: د واکمنو کړیو هڅې، چې یوازې د تعاملاتي کړنو پر تر سره کولو نه یوازې د خلکو غصه کمهول غواړي، بلکې دوه ګونی معیارونه او د آسترالیا د سیاسي طبقې منافقانه ماهیت هم پر ګوته کوي، چې خپلې نیمګړتیاوې له پامه وغورزوي؛ خو په اسانۍ سره نور هېوادونه د لویدیځو معیارونو په پوره کولو کې د پاتې راتلو له امله تورنوي.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ1 day ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه24 hours ago
د پاکستان خاوره د افغانستان پر ضد کارول کیږي
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
تازه خبرونه22 hours ago
د سې شنبې پر ورځ خراسان او سرخ پوشان لوبډلو لوبه وګټله