تازه خبرونه
اسلامي امارت د داعش د وړتیاوو په اړه د م.م د امنیت شورا د چارواکو څرګندونې رد کړې
د افغانستان اسلامي امارت د یکشنبې پر ورځ ( د وږي ۵) په افغانستان کې د داعش د عملیاتي وړتیاوو د زیاتوالي په اړه د ملګرو ملتونو د امنیت شورا د دوه لوړ پوړیو چارواکو وروستۍ اندېښنه رد کړه او دا یې د ځپل شوي داعش لپاره پروپاګند یاد کړ.
په دې وروستیو کې د ملګرو ملتونو د امنیت شورا غونډې په افغانستان کې د ۲۰ ترهګرو ډلو د شتون، د ناقانونه وسلو د کارونې د پراخېدو او د داعش د عملیاتي وړتیاوو د زیاتوالي په اړه اندېښنه څرګنده کړې ده.
د اسلامي امارت ویاند ذبیح الله مجاهد په یوه بیان کې څرګنده کړې: په دې وروستیو کې د ملګرو ملتونو امنیت شورا د ترهګرۍ ضد مبارزې دوه لوړ پوړیو چارواکو د افغانستان او نړۍ لپاره د داعش د ګواښونو په اړه استازیوو ته معلومات وړاندې کړل. دوی ادعا کوي، چې په دې هېواد کې د ۲۰ ډلو شتون، د وسلو د کارېدا پراخېدا او د داعش د عملیاتي وړتیاوو زیاتوالی یو ځل بیا تکرار شوی.
ذبیح الله مجاهد زیاته کړې: دغه نظام یو ځل بیا دغه بې اساسه تورونه ردوي او په داسې حال کې، چې په دې ډول مسایلو کې د شفاف تعامل غوښتونکي دي؛ یادونه کوي، چې په تېرو دوه کلونو کې افغان امنیتي ځواکونه د ناقانونه وسلو او داعش پر وړاندې پر جګړه بوخت دی. په سلګونه خپلواک عملیات ترسره شوي، چې په پایله کې یې وسلې او مهمات ترلاسه شوي او د داعش عملیاتي وړتیا له منځه تللې ده.
مجاهد په اعلامیه کې زیاته کړې: څوک چې دا ډول بې اساسه ادعاوې کوي، یا لږ معلومات لري، یا له دا تبلیغاتو سره د داعش ځپل شوې ډله لمسوي او یا په سیمه کې بې ثباتۍ ته لمن وهي.
نوموړی وایي؛ حقیقت دا دی، چې په تېر کال کې د داعش فعالیتونه صفر ته راټیټ شوي؛ خو بیا هم یوه نړیواله اداره دا ډول منفي او بې اسناده تبلیغات کوي او په دې اړه ثبوت هم نهشي وړاندې کولی او ثابتولی یې هم نهشي او خپل اعتبار تر پوښتنې لاندې راولي.
د اسلامي امارت ویاند دا هم ویلي؛ د ملګرو ملتونو او نورو اړخونو لهخوا پر افغانستان یو اړخیز بندیزونه او د شتمنیو بندول په افغانستان کې د ستونزمن بشري وضعیت اصلي لامل دی، چې د عامو افغانانو پر ژوند یې ناوړه اغېز کړی دی. مونږ د سیمې د ثبات په خاطر د دې وضعیت د سمدستي بدلون غوښتونکي یوو.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه