تازه خبرونه
د ۱۴۰۲ کال په کانکور ازموینه کې د فراه ولایت محمود اول نمره شو
د اسلامي امارت د امتحاناتو ملي ادارې د ۱۴۰۲ ملي کانکور ازموینې پایلې اعلان کړې.
د دې ادارې چارواکو د دوشنبې پر ورځ ( د وږي ۱۳ ) د ۱۴۰۲ کال د کانکور په ازموینه کې د پېنځه مخکښو نوماندانو د نومونو له اعلانولو سره ټینګار کړی، چې یو هم له نوماندانو بې پایلې پاتې نهشو او د فراه ولایت اوسېدونکی محمود د سږني کال د کانکور په ازموينه کې د ۳۵۹.۱۶ نمرو پر ترلاسه کوو د سږني کال د کانکور عمومي اول نمره وپېژندل شو.
د کانکور د ازموينو د ملي ادارې مشر عبدالباقي حقاني د کانکور د پايلو د اعلان په مراسمو کې ويلي: په دې ازموينه کې هیڅوک ناکام نهدي او ټول هغه کسان، چې په ١٤٠٢ عمومي ازموينه کې يې ګډون کړى و، منل شوي دي.
اغلي حقاني زیاته کړې، سږ کال به ۴۴ زره ۳۳۶ محصلین په پوهنتونونو کې شامل شي، چې د تېر کال په پرتله ۳ زره ۴۹۷ زیاتوالی ښيي.
هغه ويلي، تېر کال شاوخوا ٤٠٨٣٩ کسان د خپلې خوښې پوهنځيو ته داخل شوي وه.
هغه وایي، چې محمود د عبدالجميل زوى، چې د فراه ولايت د ارزوعروج خصوصي لیسې زده کوونکى دى؛ په سږنۍ ازموينه کې پر ٣٥٩،١٦ نمرو لومړى مقام خپل کړى دى.
دغه راز عباس د محمد غني زوی د کابل له غازي لیسې څخه د ۳۵۷.۴۷ نمرو پر ترلاسه کولو دوهیم او د محمد نذیر زوی عبدالباسط د ۳۵۵ نمرو پر ترلاسه کولو د روان کال د کانکور په ازموینه کې درېیم شوی دی.
د سږني کال د کانکور ازموینې درې غوره نوماندان د کابل طبي پوهنتون ته لار موندلې ده.
د بهرنیو چارو وزارت اداري مرستیال مولوي عبدالسلام حنفي هم د ۱۴۰۲ کال د کانکور ازموینې د پایلو د اعلان په مراسمو کې وویل، چې د سږني کال د کانکور په ازموینو کې هیڅ ګډونوال نهدی ناکام شوی او نه هم ناکام بېپایلې دی، بلکې ټول ګډونوال په بېلابېلو پوهنځيو کې استخدام نیولشوي دي.
نوموړي که څه هم نور جزئيات ورنهکړل؛ خو زياته يې کړه، چې د تېرو کلونو پر پرتله سږ کال د کانکور په ازموينه کې د ګډون کوونکیو شمېر شل زره زيات شوى دى.
عبدالسلام حنفي له ځوانانو وغوښتل، چې په افغانستان کې پاتې شي او د زدهکړو له بهیره ګټه پورته کړي.
د يادونې ده، چې سږ کال هم د کانکور ازموينه د ښځينه محصلينو له ګډون پرته ترسره شوه.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ5 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه1 day ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه1 day ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه