تازه خبرونه
افغانستان د واخان پر اقتصادي دهلیز د ګډ کار غوښتنه وکړه
د افغانستان د بهرنیو چارو وزارت چارسمبالي امیر خان متقي چین ته د سفر پر مهال ویلي؛ د ترانس همالیه فورم د اقتصادي بحثونو لپاره مؤثره وسیله ده.
د بهرنیو چارو وزارتد درېیم سیاسي دفتر د څرګندونو له مخې؛ امیر خان متقي ویلي: اوس د افغانستان له امنیت او ثبات څخه د ګټې پورته کولو وخت رارسېدلی دی. باید افغانستان د جګړو د ډګر پر ځای د سیمې د اقتصادي نښلېدا پر مرکز بدل شي.
ذاکر جلالي د امیر خان متقي د څرګندونو له مخې زیاته کړې: د اقلیمي بدلونونو په پایله کې ډېر حیوانات له منځه تللي او انساني ژوند یې سخت ځپلی دی او نږدې ۲۱میلیون افغانان، چې د افغانستان نیم نفوس تشکیلوي؛ د څښکاک روغتیایي اوبو له کمښت سره مخ دي او د اوږدو کلونو بېثباتۍ او مسوول حکومت د نهشتون له کبله زمونږ د ځنګلونو فیصدي له ۳ څخه ۱.۵ ته راټیټه شوې ده.
نوموړي زیاته کړې؛ د اقلیمي بدلون ناوړه اغېزې کومې ځانګړې سیمې پورې محدودي نه پاتېږي او له ناوړه پایلو څخه یې فقیر او وروسته پاتې هېوادونه اغېزمن دي.
امیر خان متقي ټینګار کړی؛ حکومت لیواله دی، چې د چین د هوکړې او همکارۍ له مخې د واخان پر اقتصادي دهلیز کار وشي او د همالیا د غرونو لړۍ زمونږ او د چین ترمنځ د جلاوالي نښه نه، بلکې د اتصال بېلګه شي او افغانستان او چین مخامخ له یو بل سره ونښلي.
د متقي د ټینګار له مخې؛ اړتیاده، چې د اقلیم د بدلون په تړاو ګډه مبارزه وکړو. افغانستان له خپلو منابعو څخه پر ګټه اخیستلو دې مبارزې ته بشپړ ژمن دی.
امیر خان متقي د نړیوالې همکارۍ لپاره د ترانس همالیا په درېیمه غونډه کې د ګډون لپاره د یوه پلاوي په مشرۍ د سې شنبې پر ورځ ( دتلې ۱۱) چین ته تلی دی.
په دغه سفر کې د اقتصاد وزارت مرستیال عبداللطیف نظري او د اسلامي امارت یو شمیر نور چارواکي هم ملګري دي.
د بهرنيو چارو وزارت د وياند مرستيال ويلي، چې په دې غونډه کې به د هماليا د غره د پرتو هېوادونو د اقتصادي همکاريو، سيمه ييز اتصال او ايکولوژيکي بدلونونو په اړه خبرې وشي.
ویل کیږي، چې د اسلامي امارت پلاوی به د دغې سرمشریزې په څنډه کې د چین د بهرنیو چارو له وزیر او د نورو هېوادونو له استازو سره هم دوه اړخیزې ناستې ولري.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره