Connect with us

تازه خبرونه

اسلامي امارت په چین کې د یوه کمربند او یوې لارې په ناسته کې ګډون کوي

خپور شوی

د

رویترز خبري اژانس راپور ورکړی؛ اسلامي امارت به روانه اوونۍ د چین د یوه کمربند او یوې لارې په ناسته کې ګډون وکړي، چې دا د بیجینګ او افغانستان ترمنځ د اړیکو د پراخیدو ښکارندويي کوي.

د اسلامي امارت چارواکو او وزیرانو د افغانستان په اړه په سیمه‌ییزو غونډو کې ګډون کړی؛ خو د یوه کمربند او یوې لارې ناسته یوه له هغو سترو څو اړخیزو ناستو ده، چې اسلامي امارت ته په کې د ګډون بلنه ورکړ شوې ده.

دغه سرمشريزه به د سې شنبې او چارشنبې په ورځو کې د ولسمشر شي جين‌پينګ د نړيوال بنسټيزو تاسيساتو او انرژۍ د نوښت د لسمې کليزې په مناسبت په بېجينګ کې تر سره شي، چې د ورېښمو لار د نړيوالې سوداګرۍ بيا خوندي کوي.

د افغانستان د صنايعو او سوداګرۍ وزارت وياند اخوندزاده عبدالسلام جواد رويترز اژانس ته ويلي، چې د دغه وزارت چارسمبالی نورالدين عزيزي به په راتلونکیو ورځو کې بېجينګ ته ولاړ شي.

نوموړي زیاته کړې، چې نورالدین عزیزي به په دغه سفر کې لویو پانګوالو ته د راتګ بلنه ورکړي.

اخوندزاده ویلي، چې نورالدین عزیزي به په بیجینګ کې له چین سره د مستقیم لاس‌رسي لپاره د واخان دهلیز له لارې د سړک د جوړولو د پلان په اړه خبرو ته دوام ورکړي.

د چین، اسلامي امارت او پاکستان چارواکو د می په میاشت کې اعلان وکړ، چې دوی غواړي د یوه کمربند او یوې لارې په پروژه کې افغانستان هم شامل کړي او د چین – پاکستان اقتصادي دهلیز افغانستان ته پراخه کړي.

تازه خبرونه

د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه

د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بسته‌بندۍ مرکزونو لیدنه کړې ده.

Published

on

 

د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمه‌ییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.

د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بسته‌بندۍ مرکزونو لیدنه کړې ده.

د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.

مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصل‌خیزو ولایتونو څخه دی.

د سیمه‌ییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.

Continue Reading

تازه خبرونه

د افغانستان ثبات د ټولې سیمې پر ګټه دی – سویس

دغه څرګندونې د افغانستان د بدلونونو او د هغو د سیمه‌ییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.

Published

on

 

په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرله‌پسې تعامل، د شریکانو ترمنځ نږدې همغږي او له سیمه‌ییزو هېوادونو سره د خبرو دوام اړین دی.

دغه څرګندونې د افغانستان د بدلونونو او د هغو د سیمه‌ییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.

په دې کتنه کې د افغانستان پر وروستیو بدلونونو او پر سیمه‌ییزو اغېزو خبرې شوې دي.

Continue Reading

تازه خبرونه

د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم – د اسلامي امارت رهبر

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

Published

on

 

د اسلامي امارت رهبر شیخ هبة‌الله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم.

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.

نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.

هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.

همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.

په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبت‌الله آخوندزاده ته د«شیخ‌الاسلام» لقب ورکړ.

Continue Reading
Advertisement

Trending

Copyright © 2026 Ariana News. All rights reserved!