Connect with us

تازه خبرونه

د تاجکستان ولسمشر د کاسا ۱۰۰۰ پروژې د کار پر بیا پیلولو ټینګار وکړ

خپور شوی

د

(Last Updated On: ليندۍ ۱۵, ۱۴۰۲)

د تاجکستان ولسمشر په دوبۍ کې د اقلیمي بدلون د اته‌ویشتم کنفرانس په څنډه کې د نړیوال بانک له رییس سره په کتنه کې د کاسا ۱۰۰۰ پروژې د کار د بیا پیل پر اړتیا ټینګار څرګند کړ.

د تاجکستان ولسمشر امام علي رحمان ويلي، چې د دې پروژې په پلي کېدو سره به ١٣٠٠ ميګاواټه برښنا له قرغزستان او تاجکستان څخه د افغانستان له لارې پاکستان ته ولېږدول شي او دغه پروژه بشپړېدو ته اړتيا لري.

د امام علي رحمان د څرګندونو له مخې؛ کاسا ۱۰۰۰ پروژه به د افغانستان له لارې د منځنۍ او جنوبي اسیا د انرژۍ بازارونه سره ونښلوي.

نوموړي په دې اړه څرګنده کړې: د کاسا ۱۰۰۰ پروژه د افغانستان له لارې د منځنۍ او جنوبي اسیا د انرژۍ بازارونه سره نښلوي او باید کار یې بیا پیل شي.

د افغانستان برښنا شرکت ویاند حکمت الله میوندي ويلي، کابل د دغې پروژې لپاره لازم چمتووالی نیولی او که نړیوال بانک ورسره مرسته او همکاري وکړي، د دغې پروژې کار به پیل شي.

دغه راز د اقتصادي چارو یو شمېر کارپوهان وايي، چې د کاسا ۱۰۰۰ پروژې پیل د برښنا د برابرولو په برخه کې یو مهم ګام بلل کېدای شي او دوام به یې د هېوادونو د ګټو پر بنسټ وي.

د کاسا ۱۰۰۰ پروژه په منځنۍ اسیا کې د انرژۍ یوه له سترو پروژو ده، چې د منځنۍ اسیا له هېوادونو څخه جنوبي اسیا ته د برښنا د لېږد لپاره طرحه شوې ده.

د يادونې وړ ده، چې په افغانستان کې د دغې پروژې د کار بهير له ۱۴۰۱ لمریز لېږدیز کال راپدیخوا بند شوی دی.

تازه خبرونه

جاپان د افغانستان له سیلاب ځپلیو سره د بېړنیو مرستو ژمنه وکړه

Published

on

(Last Updated On: غویی ۲۷, ۱۴۰۳)

په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.

د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.

دا مرست خیمې، کمبلې او نور اړین توکي رانغاړي.

په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.

دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.

روسیې هم د اړتیا په صورت کې د مرستې ژمنه کړې ده.

دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.

Continue Reading

تازه خبرونه

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

Published

on

(Last Updated On: غویی ۲۷, ۱۴۰۳)

په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.

د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.

هغه دا ډاډ هم ورکړی، چې افغانستان ته به دا مرستې د اوسپنې‌پټلۍ له لارې د هرات تورغنډۍ بندر ته رادننه شي.

په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.

Continue Reading

تازه خبرونه

ملګري ملتونه غواړي په افغانستان کې د ځمکو خړبولو لپاره سولري پمپونه ولګوي

Published

on

(Last Updated On: غویی ۲۷, ۱۴۰۳)

د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځه‌ویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.

په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.

عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.

ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.

Continue Reading

Trending

Copyright © 2022 Ariana News. All rights reserved!