تازه خبرونه
د باثباته، سولهییز او سوکاله افغانستان د راتلونکي لپاره باید بشري حقونه خوندي پاتې شي – یوناما
د بشري حقونو د نړیوالې ورځې په مناسبت په افغانستان کې د ملګرو ملتونو استازولۍ یا یوناما د اسلامي امارت له مسوولینو غوښتي، چې د هېواد د باثباته، سوله ییز او سوکاله راتلونکي د بنسټ ډبرې د ایښودو په توګه د بشري حقونو ژمنې ومني او ملاتړ یې وکړي.
د ملګرو ملتونو دفتر په کابل کې د ( ټول انسانان ازاد زېږېدلي او مساوي کرامت او حقوق لري ) تر سرلیک لاندې د بشري حقونو نړیواله ورځ ونمانځله.
د یوناما مشرې روزا اوتنبایوا ویلي، چې د افغانستان د چارسمبالي حکومت چارواکي مسوولیت لري، چې د بشري حقونو په ځانګړي توګه د ښځو او نجونو له حقونو ملاتړ وکړي او د افغانستان د راتلونکې سوکالۍ، يووالي او ثبات د خوندي کولو لپاره بايد بشري حقونه خوندي شي.
روزا اوتونبایوا ویلي؛ د دې ځانګړې کلیزې په مناسبت غواړم واکمنو چارواکو ته یادونه وکړم، چې افغانستان د بشري حقونو د نړیوالو میثاقونو غړی هېواد پاتې دی، چې د نړیوالو قوانینو بنسټ دی او افغانستان په کې تاریخي رول درلودلی دی. واکمن چارواکي قانوني ژمنتیا او پراخ مسوولیت لري، چې په افغانستان کې د ټولو لپاره د بشري حقونو په ځانګړي ډول د ښځو او نجونو د حقونو د ودې او ساتنې لپاره، د افغانستان د راتلونکي سوکالۍ، یووالي او ثبات د تامین لپاره باید بشري حقونه خوندي شي.
دغه راز د افغانستان لپاره د ملګرو ملتونو د بشري حقونو د عالي کمیشنرۍ استازې وايي: د افغانستان د بشري حقونو مدافعین، چې د عدالت او ازادۍ د اساسي اصولو د ساتنې لپاره یې درنده بیه پرې کړې؛ باید درناوی یې وشي او په هیڅ صورت باید له پامه ونهغورځول شي.
د افغانستان لپاره د ملګرو ملتونو د بشري حقونو عالي کمیشنره فیونا فریزر وایي؛ لکه څنګه، چې مونږ د بشري حقونو ورځ نمانځو، موږ خپل درناوی وړاندې کوو او د افغان بشري حقونو مدافعینو سره خپل پیوستون او خواخوږي څرګندوو، چې ډېري یې د بشري حقونو، عدالت او ازادۍ د نړیوالې اعلامیې د بنسټیزو اصولو د ساتنې لپاره درنده بیه پرې کوي.
اسلامي امارت ويلي، که ملګري ملتونه اسلامي امارت پر رسمیت وپېژني؛ د یوناما وړاندیز به ومني.
سلامي امارت وايي؛ افغانستان اوسمهال د ملګرو ملتونو لهخوا پر رسمیت نهدی پېژندل شوی او اسلامي امارت د دې ټولنې د قوانینو رعایت او منلو ته ځان اړ نهګڼي.
د اسلامي امارت ویاند ذبیح الله مجاهد وايي، په افغانستان کې د اسلامي او ملي ارزښتونو پر بنسټ بشري حقونو ته درناوی کیږي.
د یوناما په اعلامیه کې دا هم راغلي، چې د ۲۰۲۱ کال له اګست میاشتې را وروسته د وسلهوال تاوتریخوالي د کمېدو په پایله کې د امنیتي وضعیت له ښه کېدو سره – سره په افغانستان کې د بشري حقونو وضعیت اوس هم کړکېچن دی.
تازه خبرونه
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
د شانګهای د همکاریو ټولنې د بهرنیو چارو وزیرانو په افغانستان کې د ثبات پر ټینګښت او په دغه هېواد کې د تروریزم او مخدره توکو له ګواښونو سره د مبارزې په اړه خبرې کړې دي.
د شانګهای د همکارۍ سازمان د غړو هېوادونو د بهرنیو چارو وزیرانو د قزاقستان په پلازمېنه استانه کې د دوه ورځنۍ غونډې په ترڅ کې د تروریستي ګواښونو او په افغانستان کې د ثبات له ټینګښت سره د مرستې په اړه خبرې وکړې.
د قزاقستان د رسنیو د راپور پر بنسټ، د شانګهای همکاریو ټولنې بهرنیو چارو وزیرانو په دې غونډه کې د دې ټولنې د راتلونکې غونډې په اړه، چې ټاکل شوې د روان کال د جولای په میاشت کې جوړ شی، بحث او خبرې وکړې.
د دې ټولنې د نوي عمومي منشي لپاره د نوماندانو څېړل او د منځني ختیځ مسایل د دغې غونډې د نورو موضوعاتو په توګه اعلان شوي دي.
دغه راز دوی په افغانستان کې د ثبات د ټینګښت، د «ترهګرۍ» ګواښونو او نشهيي توکو سره د مبارزې په اړه هم سلا مشورې کړې دي.
د دې غونډې مشري د قزاقستان د لومړي وزیر مرستیال او د بهرنیو چارو وزیر مراد نورتلو کوي؛ چین، روسیه، قزاقستان، قرغزستان، تاجکستان، ازبکستان، ایران، هند او پاکستان د شانګهای همکاریو ټولنې غړي دي.
دغه ټولنه افغانستان، منګولیا، بیلاروس، عراق او سریلانکا ته د څارونکیو په توګه بلنه ورکوي؛ خو دا مهال د اسلامي امارت استازي دغې غونډې ته ندي بلل شوي.
دا په داسې حال کې ده، چې تېره میاشت د دې ټولنې د غړیو هېوادونو استازو په افغانستان کې د ترهګرو ډلو فعالیتونه د دې سیمهییزې ټولنې د غړیو هېوادونو لپاره یو جدي ګواښ وباله او له اسلامي امارت یې وغوښتل، چې له ترهګرۍ سره د مبارزې په برخه کې خپل مسوولیتونه ترسره کړي.
اسلامي امارت تل ویلي، چې په هېواد کې امنیت خوندي دی او د افغانستان خاوره به د سیمې او نړۍ د کوم هېواد پر ضد نه کارول کیږي.
د پاکستان د لومړي وزیر مرستیال او د بهرنیو چارو وزیر محمد اسحاق ډار په استانه کې د شانګهای د همکاریو ټولنې بهرنیو چارو وزیرانو شورا د غونډې په څنډه کې د تاجکستان بهرنیو چارو له وزیر سراج الدین مهرالدین سره وکتل. د دواړو هېوادونو بهرنيو چارو وزيرانو د دوه اړخيزو همکاريو د پياوړتيا او د لوړې کچې د خبرو اترو په برخه کې پخپلو ژمنو ټينګار وکړ. دوی همداراز د دواړو هېوادونو او سیمې د متقابلو ګټو لپاره د کاسا زر پروژې او د سیمهییز ادغام او ارتباطاتو د نورو پروژو پر ژر تطبیق ټینګار وکړ.
تازه خبرونه
کابل ته د ترکیې د هوايي شرکت الوتنې بیا پیل شوې
د ټرانسپورت او هوایي چلند وزارت د څرګندونو له مخې؛ له څه باندې درې کلن ځنډ وروسته نن سهار سې شنبه د غبرګولي لومړۍ د ترکیش هوايي شرکت الوتکه کابل ته راورسېده.
په هغو مراسمو کې، چې د ټرانسپورټ او هوايي چلند وزارت مالي او ادراي مرستیال حافظ صدیقالله عابد، د هوايي ډګرونو لوی رییس الحاج عبدالستار غروال، د ترکیې سفیر جنک اونال او د وزارت یو شمېر نورو مسوولینو ګډون درلود ویل شوي، چې د کابل او استانبول ترمنځ به هره اوونۍ څلور الوتنې ترسره کیږي.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړي خان جان الکوزی ویلي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
دوی وایي؛ که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
ویل کیږي، چې د یاد هوايي شرکت د الوتنو له پیلېدا سره به ترکیې هېواد ته د افغان مسافرو لپاره د سفر پر اسانتياوو سربېره د دواړو هېوادونو ترمنځ هوايي ټرانسپورټ او سوداګریزې اړیکې هم پراختیا ومومي.
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
نړۍ3 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
سیمه ییز خبرونه2 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
روغتيا3 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
تازه خبرونه3 days ago
له سوالګرۍ څخه د مخنیوي قانون په رسمي جریده کې خپور شو
-
تازه خبرونه1 day ago
سر له سبا د ترکيي هوايي شرکت افغانستان ته رسمي الوتنې پیلوي
-
سیمه ییز خبرونه2 days ago
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره