تازه خبرونه
قطر د افغان ټرانس اوسپنېپټلۍ له پروژې خپل ملاتړ څرګند کړ – ازبکستان
د ازبکستان ولسمشر د قطر له امیر سره په کتنه کې له دغه هېواده د افغانټرانس پروژې ته د همکاري او ملاتړ غوښتنه وکړه، چې فطر هم له دغې پروژې خپل ملاتړ څرګند کړ.
افغان ټرانس اوسپنېپټلۍ پروژه له سیمهییزو مهمو پروژو څخه ګڼل کیږي، چې پلې کیدا یې یوه نړیواله اړتیا ده.
ازبکستان، چې د دې پروژې سرچینه ده؛ هڅه کوي، چې د دې پروژې لپاره نړیوال ملاتړ ترلاسه کړي.
یو له هغو هېوادونو څخه، چې په دې برخه کې بنسټیز رول لوبولی شي؛ قطر دی. د قطر امیر ازبکستان ته تللی، چې د دواړو هېوادونو د چارواکو ترمنځ د خبرو یو مهم ټکی د افغانستان د اوسپنېپټلۍ همدا پروژه وه.
د ازبکستان ولسمشر له قطر څخه وغوښتل چې د دې پروژې ملاتړ وکړي.
د ازبکستان ولسمشر شوکت میرضیایف ویلي؛ مونږ د نویو ګډو پانګونو پروژو ته ځانګړې پاملرنه کوو. په ځانګړي توګه د زرغون انرژۍ، صنعت، کرنې، د بېخبناوو پراختیا د سیمې او افغانستان یوه غوښتنه ده او د ترانسپورت په برخه کې د همکارۍ د پراخولو لارې چارې هم په پام کې نیول شوي دي. په ځانګړي توګه مونږ د افغان ترانس اوسپنېپټلۍ پروژې جوړېدو لپاره د قطر بشپړ ملاتړ ته اړتیا لرو.
دغه راز د افغانستان د اوسپنېپټلۍ ادارې مسوولین هم وايي؛ افغان ټرانس یوه سیمه ییزه پروژه ده، چې نړیوال ملاتړ ته اړتیا لري او د اسلامي امارت له واکمنیدو وروسته یې سروې هم بریالی ترسره شوې او د دې پروژې لار هم معلومه شوې ده.
د اوسپنېپټلۍ ادارې ویاندو ويلي؛ په دې پروژه کې ښکېلو هېوادونو په درې اړخیزه غونډه کې هم پر یو کلن پلان کار کړی دی.
د اوسپنېپټلۍ د ادارې ویاند سمیع دراني ويلي؛ د افغان ټرانس پروژه یوه سیمهییزه پروژه ده، چې د سیمې او هم د نړۍ د هېوادونو مرستې ته اړتیا لري او د اسلامي امارت له واکمنۍ وروسته د دغې پروژې لومړۍ سرورې بشپړه شوې هم ده.
د افغانستان د انرژۍ او اوبو وزارت د کابل له دشت الوان څخه تر ارغندي پورې د ۵۰۰ کیلو ولټ مزي د غځولو پروژې له پرانیستې خبر ورکړ.
د اوبو او انرژۍ وزارت چارسمبالي عبداللطیف منصور ويلي؛ دا پروژه کولی شي، چې هېواد ته د ازبکستان ډېره برښنا راوارد کړي او د خلکو ستونزې ورسره کمي شي.
د اقتصادي چارو شنونکيو هم ويلي، چې د دې پروژې بشپړېدا د افغانستان او سویلي آسیا او منځنۍ آسیا هېوادونو ترمنځ د اړیکو د پراختیا لامل ګرځي او دا پروژه کولی شي، چې په هېواد کې کاري زمینې او اقتصادي وضعیت ښه کړي.
ازبکستان، پاکستان او افغانستان په ۲۰۲۱ زېږدیز کال کې هوکړه وکړه، چې د افغان ټرانس پروژه پلې کړي خو د دې پروژې عملي کار بیا ډېر مالي لګښت لري.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه3 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
نړۍ4 days ago
انټوني بلینکن اوکراین ته رسېدلی
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري1 day ago
د صنایعو او سوداګرۍ وزارت چارسمبالي د تاتارستان له ولسمر سره وکتل