نړۍ
پوتین لویدیځ ته د اټومي جګړې ګواښ وکړ
د روسیې ولسمشر ولادیمیر پوتین د چارشنبې پر ورځ لویدیځ ته په نغوته کې څرګنده کړې، چې روسیه له تخنیکي پلوه اټومي جګړې ته چمتو ده او که امریکا اوکراین ته سرتېري واستوي دا به جګړه نوره هم پراخه کړي.
پوتین له ټولټاکنو څخه یوازې څو ورځې مخکې، چې د مارچ له پېنځلسمې څخه تر اووهلسمې ترسره کېدونکې دي ویلي؛ د اټومي جګړې په سناریو کې بېړه نشته او اوس په اوکرایین کې د اټومي وسلو کارولو ته اړتیا هم نهویني.
۷۱ کلن پوتین د روسې-۱ ټلویزیون خبري سرچینې ته د دې پوښتنې په ځواب کې، چې آیا هېواد رښتیا هم د اتومي جګړې لپاره چمتو دی؛ وویل: له پوځي- تخنیکي نظره، البته مونږ چمتو یوو.
پوتین ویلي: امریکا پوهیږي، چې که د روسیې په خاوره یا اوکراین کې امریکايي پوځیان ځای پر ځای کړي؛ نو روسیه به دا اقدام د لاسوهنه وګڼي.
پوتین وایي: (په امریکا کې) د روسیې او امریکا د اړیکو او ستراتیژیک ثبات په برخه کې پوره څانګوال او متخصصین شته دي؛ ځکه فکر نه کوم، چې دلته هر څه د اټومي مقابلې پر لور روان دي. په (هرحال) مونږ ورته چمتو یوو.
رویټرز راپور ورکړی، چې په اوکراین کې جګړې د ۱۹۶۲ کال د کیوبا د توغندیو له کړکېچ وروسته له لویدیځ سره د روسیې په اړیکو کې تر ټولو ژور کړکېچ را منځته کړی او پوتین څو ځلې ګواښ کړی، چې که لویدیځ اوکراین ته د جګړې لپاره پوځيان ولېږي؛ لویدیځ به د اتومي جګړې خطر رامنځته کړي.
پوتین د ۲۰۲۲ په فبرورۍ کې اوکراین ته لسګونه زره سرتېري واستول، چې له یوې خوا د اوکرایني ځواکونو او له بلې خوا د روس پلوه اوکراینیانو او روسي پلوه بېلتون غوښتونکیو ترمنځ په ختیځ اوکراین کې بشپړ جګړه پیل شوه.
پوتین د اټومي وسلو په اړه د روسیې وروستی پرېکړه کوونکی او یو ځل بیا ټینګار کوي، چې د اټومي وسلو کارول د کرملین په اټومي نظریه کې شته او د پالیسۍ له مخې کولی شي خپلې وسلې وکاروي.
پوتین څرګندوي: وسلې د کارولو لپاره دي او مونږ خپل اصول لرو.
روسیه او امریکا تر دې دمه ترټولو لوی اټومي قدرتونه دي، چې د نړۍ له ۹۰ سلنې ډېرې اټومي وسلې یې تر واک لاندې دي.
نړۍ
حماس او اسرائیل کولی شي په غزه کې د اوربند په اړه واټن راکم کړي – امریکا
رویټرز د امریکایي چارواکو د څرګندونو له مخې په ډاګه کړې، چې حماس او اسرائیل په غزه کې د اوربند په اړه رامنځته شوی واټن راکم کړي. په داسې حال کې، چې اسرائیلي ځواکونو د سې شنبې پر ورځ په رفح کې له مصر سره د سرحدي پوله ونیوله د مرستو رسولو دا لار یې هم بنده کړه.
د حماس یوه چارواکي اسامه حمدان په بیروت کې له خبریالانو سره په خبرو کې خبرداری ورکړی، چې که په رفح کې د اسرائیلو پوځي یرغل روان وساتل شي؛ نو پر اوربند هوکړه به ورسره ناشونې شي.
فلسطیني وسلهوالې ډلې اسرائیلي ځواکونه تورن کړي، چې د غزې په اووه میاشتنۍ جګړه کې یې د اوربند هڅې کمزورې کړي او په سلګونه زره خلک یې بې کوره او له لوږې سره مخ کړي دي.
د اوربند غږ په داسې حال کې راپورته شوی، چې اسرائیلي ځواکونو د غزې پر جنوبي ښار رفح، چې له یو میلیون ډېرو بېځایه شوي فلسطینی ملکي وګړو ته یې پناه ورکړې هم برید وکړ.
د سپینې ماڼۍ ویاند جان کربي د دوشنبې پر ورځ ویلي، چې حماس د اسرائیلو په وړاندیز کې د تعدیلاتو وړاندیز کړی، چې هدف یې د کړکیچ پای ته رسول دي.
نوموړي زیاته کړې: د تړون متن لکه څنګه، چې تعدیل شوی؛ ښیي، چې پاتې تشې په بشپړ ډول ډکې کیدی شي. هغه د دې تشو له مشخصولو ډډه وکړه.
اسرائیلو د دوشنبې پر ورځ ویلي، چې د اوربند لپاره د حماس لخوا منل شوی درې پړاویز وړاندیز د منلو وړ ندی.
کربي زیاته کړې، چې د قطر او مصر منځګړیتوب په قاهره کې له امریکايي او اسرائیلي چارواکو سره غونډه کوي او حماس هم اعلان کړی، چې د دوی پلاوی هم په قاهره کې دی.
دا په داسې حال کې ده، چې د اسرائییلو د پوځ انځورونهه ښیي، چې ټانکونه د غزې او مصر تر منځ د رفح له لارې تېریږي او د غزې په غاړو کې د اسرائیل بیرغ رپول شوی دی.
د اسرائیلي حکومت لومړي وزير بنيامين نتانياهو د حماس د پوځي توان او ځواک د له منځه وړلو لپاره د دغې پولې نيول يو ډېر مهم ګام وباله.
د رفح ښار اوسیدونکیو د سې شنبې پر ماښام د رفح په ختیځو سیمو کې د ټانکونو له درندو ډزو خبر ورکړ.
دوی او د حماس رسنیو ویلي، چې د رفح د ښاروالۍ پر ودانۍ د اسرائیلو له ډزو وروسته اور ولګېد.
ډاکټرانو ویلي، چې په ودانۍ کې دننه یو فلسطینی وژل شوی او څو نور ټپیان دي. په داسې حال کې، چې د اسرائیلو په برید کې پر موټر سایکل سپاره دوه فلسطینیان هم وژل شوي دي.
د رفح اصلي روغتون ابو یوسف النجار د سې شنبې پر ورځ له هغې وروسته وتړل شو، چې په شاوخوا سیمو کې د درندو ډزو له کبله طبي کارمندان او شاوخوا ۲۰۰ ناروغان تېښتې ته اړ شول.
په رفح کې د غزې د ښار بې ځایه شوي ۵۵ کلن عماد جودیت ویلي: هغوی لیوني دي؛ ټانکونه یې د ګولیو ډزې کوي او د بمونه لوګيو هسک پوښلی دی. زه فکر کوم، چې شمال ته لاړ شم که مرکزي غزې ته. هغه رویټرز ته څرګده کړې: که دوی رفح ته نور هم راشي؛ دا ښار به د عاموژنې پر مور واوړي.
په رفح کې ډېري هغه کسان، چې د غزې له نورو سیمو څخه اسرائیلو وتلو ته اړ کړي دي.
کورنۍ د خیمو په کمپونو او لنډمهاله سرپناوو کې راټول شوي؛ خواړه، اوبه، درمل او نور اړین توکي نلري.
ملګرو ملتونو او نورو نړیوالو مرستندویه ادارو ویلي، چې د غزې په جنوبي سیمو کې د دوه لارو تړل — د اسرائیلو تر کنټرول لاندې رفح او کریم شالوم اغېزمن کړي او بهرنیو مرستې پرې بندې شوې دي.په داسې حال کې، چې په غزه کې دننه لږ پلورنځي خلاص دي.
په مصر کې د سرې میاشتې سرچینو ویلي، چې مرستې بندې شوي دي.
د ملګرو ملتونو د مرستندویه ادارې UNRWA مشر فیلیپ لازارینی په ایکس کې لیکلي: دا د ژغورنې یوه لار ده … هغه باید پرته له ځنډه خلاصه وساتل شي.
سپینې ماڼۍ ویلي، چې د کرم شالوم بندر به د چارشنبې پر ورځ پرانستل شي او د رفح له لارې به د تېلو لیږد هم بیا پیل شي.
د ملګرو ملتونو سرمنشي انټونیو ګوتریش له اسرائیلو او حماس غوښتي، چې د اوربند هوکړې ته د رسېدو لپاره خپلې هڅې ونهءسپموي.
ګوټرش وایي: هیڅ اشتباه مه کوئ؛ پر رفح بشپړ برید به یو بشري ناورین وي.
اسرائیلي پوځ په رفح کې د وېرې خپرولو او لارو پرې کولو لپاره پوځي عملیات ترسره کړي او له ملکي وګړو یې غوښتي، چې ټاکل شوي پراخ بشري زون ته دې ولاړ شي، چې ۲۰ کیلومتره لرې ورته جوړ شوی دی.
په ژنیو کې د ملګرو ملتونو د بشري مرستو د دفتر ویاند ینس لرکه ویلي؛ وېرې او ناهیلۍ د رفح خلک ځپلي دي.
هغه ويلي، ملکي وګړي د وتلو لپاره ان چمتووالي ته وخت نلري او د تګ راتګ لپاره هم ورته خوندي لار نشته. سړکونه له ناچاودو توکو، لویې لارې له بمونو ډکې دي او امنیت هم نشته دی.
د غزې د جګړې نیوکه کوونیو د امریکا له ولسمشر جوبایډن غوښتي؛ پر اسرائیلو فشار راوړي، چې لار بدله کړي.
څلورو سرچینو د سې شنبې پر ورځ ویلي، امریکا د اسرائیلو د نږدې متحد او د وسلو ورکوونکي په توګه اسرائیلو ته د وسلو ځینې لېږد د دوه اوونیو لپاره ځنډولی دی.
سپینې ماڼۍ او پنټاګون په دې اړه له څه ویلو ډډه کړې؛ خو دا به د بایډن د ادارې له وړاندیز وروسته لومړی ځنډ وي.
نړۍ
په غزه کې د اوربند ناڅرګند برخلیک او پر رفح د عملیاتو د غځېدا غوښتنه
حماس د دوشنبې پر ورځ په غزه کې د منځګړیتوب له لارې د اوربند له وړاندیز سره هوکړه وکړه؛ خو اسرائیلو ویلي، چې شرطونه یې د دوی غوښتنې نه پوره کوي او په رفح کې به تر هوکړې پورې پوځي عملیات روان وساتل شي.
په تېرو اووه مياشتو کې پر غزې د اسرائيلو په بريدونو کې له ۳۴ زره ډېر کسان وژل شوي او دا دی اسرائيلو اوس د غزې په سویل کې پر رفح ، چې له يو ميليون ډېرو فلسطينيانو پناه وروړې؛بريدونه پيل کړي دي.
حماس په یوه لنډه خبرپاڼه کې څرګنده کړې؛ د دوی مشر اسماعیل هنیه قطري او مصري منځګړیو ته خبر ورکړی، چې دوی د اوربند وړاندیز منلی دی.
د اسرائیلو د لومړي وزیر بنیامین نتانیاهو دفتر څرګنده کړې، چې د اوربند وړاندیز د اسرائیلو له غوښتنو سره سم ندی؛ خو اسرائیل به د خبرو اترو لپاره یو پلاوی واستوي، چې یوې هوکړې ته د رسیدو هڅه وکړي.
د قطر بهرنیو چارو وزارت ویلي؛ د دوی پلاوی به د سې شنبې پر ورځ قاهرې ته ولاړ شي، چې د اسرائیل او حماس ترمنځ نامستقیمې خبرې بیا پیل کړي.
د نتانیاهو د دفتر په خبرپاڼه کې راغلي، چې جنګي کابینې پر رفح د عملیاتو تر سره کېدا منلې ده.
د اردن بهرنیو چارو وزیر ایمن صفدي په ایکس پاڼه کې لیکلي، چې نتانیاهو د رفح پر بمبارولو اوربند زیانمنوي.
یوه اسرائیلي چارواکي رویټرز ته ویلي؛ هغه وړاندیز، چې حماس منلی د مصر د وړاندیز یوه کمزورې نسخه ده او داسې عناصر لري، چې اسرائیل یې منلی نشي.
دې اسرائیلي چارواکي ویلي: دا یوه دسیسه ښکاري، چې اسرائیل د یوه داسې ړخ په توګه ړښیي، چې دا تړون ردوي.
د امریکا د بهرنیو چارو وزارت ویاند مټیو میلر ویلي؛ واشنګټن به په راتلونکیو ساعتونو کې له خپلو متحدینو سره د حماس پر غبرګون خبرې وکړي او هوکړه په بشپړه توګه د لاسرسي وړ ده.
د غزې د روغتیايي چارواکو د څرګندونو له مخې؛ د اسرائیلو په بریدونو کې له ۳۴ زره او ۶۰۰ ډېر فلسطینیان وژل شوي دي. ملګرو ملتونو ویلي، چې په سیمه کې قحطي راروانه ده.
دا جګړه هغه مهال پیل شوې، چې حماس د اکتوبر پر اوومه پر اسرائیلو برید وکړ؛ شاوخوا ۱۲۰۰ کسان یې ووژل او ۲۵۲ نور یې ونیول، چې د اسرئیلو د څرګندونو له مخې ۱۳۳ کسان اوس هم په غزه کې بندیان دي.
نړۍ
د غزې په جګړه کې مو د مصر او قطر د اوربند وړاندیز منلی – حماس
رویټرز خبري اژانس د دوشنبې پر ورځ ( غویی اووهلسمه) څرګنده کړې، چې حماس وايي؛ د غزې په جګړه کې یې د مصر او قطر د اوربند وړاندیز منلی دی.
حماس په یوه خبرپاڼه کې په ډاګه کړې، چې د حماس مشر اسماعیل هنیه د قطر لومړي وزیر او د مصر د استخباراتو مشر ته د دوی د وړاندیز له منلو خبر ورکړی دی.
تر اوسه د دغه تړون په اړه نور جزئیات ورکړ شوي ندي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ1 day ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه1 day ago
د پاکستان خاوره د افغانستان پر ضد کارول کیږي
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه23 hours ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ