نړۍ
امریکا او حماس په غزه کې د اوربند په اړه خبرې کوي
د دې چارواکي د څرګندونو له مخې؛ د امریکا له حکومت سره خبرې اترې له څو ورځو راپدېخوا روانې دي او هدف یې د مرستو ترلاسه کول او د غزې په تړانګه کې د څه کمې دوخ کلنې روانې جګړې بندول دي.
د حماس یو مشر ويلي، چې په غزه کې د اوربند په اړه د دوی او د امریکا د حکومت ترمنځ مستقیمې خبرې اترې روانې دي.
د دې چارواکي د څرګندونو له مخې؛ د امریکا له حکومت سره خبرې اترې له څو ورځو راپدېخوا روانې دي او هدف یې د مرستو ترلاسه کول او د غزې په تړانګه کې د څه کمې دوخ کلنې روانې جګړې بندول دي.
له بلې خوا، یوه لوړ پوړي فلسطیني چارواکي د یکشنبې پر ورځ رویټرز ته وویل، چې حماس د امریکا له حکومت سره په غزه کې د اوربند او محاصره شوې سیمې ته د بشري مرستو د رسولو په اړه خبرې اترې کوي.
دغه راز آکسیوس د یوې باخبرې سرچینې د څرګندونو له مخې راپور ورکړی، چې د منځني ختیځ لپاره د امریکا ځانګړی استازی، واټکوف له اسرائیلو، قطر او مصر سره او د دوی له لارې له حماس سره د بندیانو د خوشې کولو او د سولې د پراخې پروسې په اړه خبرې اترې کوي.
همدارنګه د اسرائیلو خبري سرچینې راپور ورکړی، چې بنیامین نتانیاهو به نن ماښام د غزې په اړه د څو وزیرانو او لوړ پوړو امنیتي چارواکو سره یوه کوچنۍ غونډه وکړي، چې د بندیانو د تبادلې تړون یا په غزه کې د جګړې بېرته پیل په اړه بحث وکړي.
د اسرائیلو ورځپاڼې معاریو راپور ورکړی، چې امنیتي کابینه به نن ماښام ۶:۳۰ پر سیمه ییز وخت منځني ختیځ ته د امریکا د ولسمشر له سفر مخکې او د اوربند هوکړې ته د رسیدو لپاره د سختو هڅو په بهیر کې غونډه وکړي.
نړۍ
تر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
د دې مرکز د څېړنو له مخې؛ اټکل کېږي، چې تر ۲۰۳۵ز.کال پورې به د مسلمانانو شمېر ۲.۵۷ میلیارډ ته ورسېږي. په داسې حال کې، چې د عیسویانو شمېر به شاوخوا ۲.۵۲ میلیارډ ته ورسېږي.
په امریکا کې «پیو» څېړنیز مرکز اټکل کړی، چې د اسلام د پیروانو شمېر به د راتلونکې لسیزې تر نیمايي پورې له عیسویت څخه ډېر شي او د نړۍ تر ټولو ستر دین به وګرځي.
د دې مرکز د څېړنو له مخې؛ اټکل کېږي، چې تر ۲۰۳۵ز.کال پورې به د مسلمانانو شمېر ۲.۵۷ میلیارډ ته ورسېږي. په داسې حال کې، چې د عیسویانو شمېر به شاوخوا ۲.۵۲ میلیارډ ته ورسېږي.
« پیو» مرکز په مسلمانانو کې د زېږون د کچې زیاتوالی د دې زیاتوالي اصلي لامل بولي.
د راپور له مخې، له ۲۰۲۰ څخه تر ۲۰۲۵ز. کال پورې هرې مسلمانې ښځې پر منځنۍ کچې ۳.۱ ماشومان او هرې عیسوۍ ښځې ۲.۵ ماشومان زېږولي دي.
دغه راز د نورو دینونو د پیروانو ترمنځ د زېږون منځنۍ کچه په هره ښځه کې ۱.۶ ماشومان ول؛ دغه کچه د نسلونو د ځای ناستي کېدا لپاره له اړینې ۲.۱ کچې څخه ټیټه ده.
په واشنګټن کې میشت دغه څېړنیز مرکز ويلي، د نفوس طبیعي زیاتوالی( د مړینو پر پرتله د زېږونونو ډېرېدل) د مسلمانانو او عیسویانو د نفوس د جوړښت د بدلون تر ټولو مهم لامل دی؛ خو د اسلام دین ته اوښتل هم د دغه دین د پیروانو د شمېر د زیاتېدا یو عامل دی.
د دین بدلون
د تېرو بدلونونو پر بنسټ اسلام او عیسویت به دواړه د دین د بدلون له کبله د خپلو ځینو پیروانو له لاسه ورکولو سره مخ شي؛ خو اټکل کېږي: له اسلام څخه د نورو دینونو پر لور د اوښتونکو مسلمانانو شمېر به د هغو عیسویانو پر پرتله ډېر کم وي، چې خپل دین بدلوي.
د دغو اټکلونو له مخې، له ۲۰۲۰ څخه تر ۲۰۷۰ز.کال پورې به اسلام د دین د بدلون له کبله شاوخوا اته میلیون پیروان له لاسه ورکړي. په داسې حال کې، چې د عیسویت لپاره دغه شمېر شاوخوا ۱۰۵ میلیون اټکل شوی دی.
دغه راز تمه ده، چې د نړۍ نفوس به ۲۹ سلنه زیات شي.
د دغې څېړنې له مخې؛ اسلام او عیسویت به یوازې هغه دینونه وي، چې د پیروانو د نفوس وده به یې د نړۍ د ټول نفوس له ودې سره برابره یا تر هغې زیاته وي. د مسلمانانو شمېر به ۸۰ سلنه او د عیسویانو شمېر به ۳۰ سلنه زیات شي.
د هندوییزم د پیروانو شمېر به هم زیات شي؛ خو تمه کېږي، چې د نړۍ په نفوس کې به د هغوی ونډه تر ۲۰۷۰ز.کال پورې ۱۳.۶ سلنې ته راټیټه شي. د یهودیانو ونډه به هم ۰.۱۷ سلنې ته راکمه شي.
همدارنګه اټکل کېږي، چې د بودایانو شمېر به هم د پیروانو له پلوه او هم د نړۍ په نفوس کې د ونډې له پلوه راکم شي او تر ۲۰۷۰ز.کال پورې به ۲.۵ سلنې ته ورسېږي.
د بېدینه کسانو د ونډې کمېدل
د دغې څېړنې له مخې، د نورو دینونو د پیروانو شمېر، چې بهایان، تاویستان، جینان، سیکان او د دودیزو دینونو پیروان هم په کې شامل دي؛ لږ څه زیات شي؛ خو په نړۍ کې به د هغوی د ټولې ونډې کچه تر ۲۰۷۰ز.کال پورې له دوه سلنې څخه کمه شي.
د هغو کسانو ونډه، چې له یېڅ دین سره تړاو نهلري؛ په دې ډله کې ملحدان او هغه کسان هم رانغاړي، چې د خدای د شتون په اړه ډواډمنه پوهه نهلري، له ۲۰۲۰ز.کال څخه تر ۲۰۷۰ کال پورې له ۲۴ سلنې څخه ۱۷ سلنې ته راکمه شي.
په دې څېړنه کې د دینونو د پیروانو د جغرافیایي وېش د پام وړ بدلونونو په اړه هم معلومات ورکړ شوي دي.
اټکل کېږي، چې تر ۲۰۷۰ز.کال پورې به عیسویت په امریکا کې تر ټولو ستر دین وي؛ خو نور به د دغه هېواد د نفوس اکثریت نه جوړوي. دغه راز د کانګو ډیموکراټیک جمهوریت به له امریکا څخه مخکې شي او په نړۍ کې به د عیسویانو د تر ټولو ډېر شمېر لرونکی هېواد وګرځي.
#آریانانیوز #اسلام #مسلمانان #عیسویت #عیسویان #پیوڅېړنیزمرکز #دین #دینبدلون #دنړۍنفوس #مسلماناناوعیسویان
نړۍ
امریکا د ناټو د غړیتوب په بدل کې د دونباس سیمې د پرېښودو وړاندیز کړی – ولادمیر زیلینسکي
د رویټرز د راپور له مخې؛ زیلینسکي د شنبې پر ورځ خبریالانو ته ویلي، دا لومړی ځل دی، چې د ناټو غړیتوب او د اوکراین د خاورې پرېښودو موضوع د سولې په خبرو کې وړاندې کېږي.
د اوکراین ولسمشر ولادمیر زیلینسکي ويلي؛ امریکايي مرکچیانو له روسیې سره د سولې په خبرو کې وړاندیز کړی، چې اوکراین دې د ناټو د غړیتوب په بدل کې د دې هېواد له ختیځې سیمې دونباس څخه شاتګ وکړي.
د رویټرز د راپور له مخې؛ زیلینسکي د شنبې پر ورځ خبریالانو ته ویلي، دا لومړی ځل دی، چې د ناټو غړیتوب او د اوکراین د خاورې پرېښودو موضوع د سولې په خبرو کې وړاندې کېږي.
نوموړي زیاته کړې: امریکايي مرکچیانو پوښتنه کړې، چې که اوکراین د ناټو غړی شي؛ آیا دونباس به پرېږدي؟
د زیلینسکي د څرګندونو له مخې: له همدې کبله د ناټو د غړیتوب موضوع یو ځل بیا د خبرو پر مېز راغله؛ خو د روسیې د ولسمشر ولادمیر پوتین د دریځونو په پام کې نیولو سره دا یوه ډېره ستونزمنه موضوع ده.
پوتین له اوږدې مودې راپدېخوا د اوکراین د ناټو غړیتوب د مسکو لپاره سره کرښه بللې او په ۲۰۲۲ز.کال کې یې پر اوکراین د پراخ برید یو لامل هم د ناټو موضوع ښودلې ده.
زیلینسکي یو ځل بیا ټینګار کړی، چې کیف د خپلې خاورې پرېښودو ته چمتو نهدی؛ خو که د امنیتي تضمینونو، د پیاوړي او بسیا تمویل لرونکي پوځ د ساتلو حق او د بیارغونې لپاره د مالي مرستو په ګډون یو بشپړ وړاندیز ترلاسه کړي، دا موضوع به ټولپوښتنې ته وړاندې کړي.
روانه جګړه باید لومړی پای ته ورسېږي
زیلینسکي د روسیې هغه غوښتنه هم رد کړې، چې د اوکراین د جګړې د پای ته رسولو د څرنګوالي په اړه تر هوکړې مخکې دې د اروپا د امنیتي جوړښت د بدلون په اړه پراخ تړون وشي.
نوموړي ویلي، د نړۍ او اروپا د امنیتي جوړښت د بدلون په اړه له خبرو مخکې باید د اوکراین جګړه پای ته ورسېږي.
د امریکا د ولسمشر ډونالډ ټرمپ ځانګړي استازي او زوم جېرډ کوشنر د شنبې پر ورځ ویلي، چې دواړو لوریو د روانې اوونۍ په خبرو کې خپل سخت دریځونه وړاندې کړي؛ خو په خصوصي خبرو کې دواړه لوري پوهېږي، چې د جګړې د پای ته رسولو لپاره عملي جوړجاړي ته اړتیا ده.
د بندیانو پر تبادلې هوکړه شوې
زیلینسکي د اوکراین په ختیځه دونتڅک سیمه کې د کوستیانتینیفکا ښار په اړه د پوتین د بشري اوربند وړاندیز هم رد کړی او څرګندوي، چې مسکو پر زور د دغه ښار په نیولو کې پاتې راغلی دی.
د نوموړي د څرګندونو له مخې؛ پوتین غواړي اوکرایني ځواکونه له دغه ښاره ووځي، چې روسي ځواکونه یې ونیسي.
زیلینسکي زیاته کړې، چې اوکراین د لومړۍ کرښې اووه یا اته نورې سیمې هم د احتمالي بشري اوربند لپاره وړاندیز کړې دي، چې ملکي وګړي او ماشومان په کې بند پاتې دي؛ خو روسیه غواړي له دغو سیمو څخه د پوځي موخو لپاره کار واخلي.
له بلې خوا د امریکا په منځګړیتوب د اوکراین او روسیې دوه ورځنۍ خبرې د چارشنبې پر ورځ په ابوظبۍ کې له کومې لویې لاسته راوړنې پرته پای ته رسېدلي؛ خو دواړو لوریو د څه باندې زر بندیانو پر تبادلې هوکړه کړې ده.
زیلینسکي ویلي؛ د بندیانو د تبادلې وروستی شمېر اوس هم تر بحث لاندې دی.
نوموړي زیاته کړې، چې امریکايي استازو جېرډ کوشنر او سټیو ویټکوف له پوتین سره د پنجشنبې د لیدنې پر مهال د انرژۍ په برخه کې د اوربند موضوع هم مطرح کړې وه؛ خو تر اوسه په دې اړه د پرمختګ کوم خبر ورکړ شوی نهدی.
زیلینسکي زیاته کړې، امریکايي مرکچیانو ورسره د ایرلینډ د پنجشنبې په لیدنه کې منلې، چې اروپا به د سولې په راتلونکو خبرو کې هم ونډه ولري.
اروپايي استازو په ابوظبۍ کې له امریکايي او اوکرایني چارواکو سره خبرې کړې؛ خو له روسي پلاوي سره یې په ګډه ناسته کې ګډون نهدی کړی.
د ایرلینډ په غونډه کې د اروپايي ټولنې مشرانو هوکړه کړې، چې د اوکراین د سولې د خبرو پر مهال به د اروپا استازیتوب بریټانیا، فرانسې، جرمني، ایټالیا، پولنډ او د اروپايي ټولنې چارواکي کوي.
کوشنر ویلي، د امریکا پام اوس د مسکو او اروپايي شریکانو ترمنځ د مخامخ خبرو برابرولو او د درې اړخیزو خبرو د راتلونکي پړاو د اجنډا چمتو کولو ته اوښتی دی.
نړۍ
د امریکا لومړني منتخب مسلمان سناتور له پاکستان سره پر مرستو د بیاکتنې غوښتنه وکړه
هغه ټینګار کړی، چې د امریکايي مالیه ورکوونکو پیسې باید له نړیوال قانون څخه د سرغړونو د ملاتړ لپاره باید ونه کارول شي.
عبدل السید، چې د امریکا د مشرانو جرګې ته لومړني مسلمان سناتور ټاکل شوی؛ له واشنګټن څخه غوښتنه کړې، چې له پاکستان او څو نورو هېوادونو سره خپلې مالي او پوځي مرستې له سره وارزوي.
هغه ټینګار کړی، چې د امریکايي مالیه ورکوونکو پیسې باید له نړیوال قانون څخه د سرغړونو د ملاتړ لپاره باید ونه کارول شي.
السید، چې ډیموکراټ دی په میشیګان ایالت کې یې جمهوري غوښتونکی نوماند مایک راجرز مات کړ. هغه له «ایبيسي» سره په مرکه کې ویلي؛ امریکا باید ډاډ ترلاسه کړي، چې د بهرنیو مرستو تګلارې یې له نړیوال قانون سره سمون ولري.
هغه ټینګار کړی، چې دا موضوع باید یوازې پر اسرائیلو پورې محدوده نهشي، بلکې پاکستان، مصر او اردن هم باید په کې شامل وي.
نوموړي ویلي:« که مونږ یوه داسې هېواد ته پیسې ورکوو، چې له همدې پیسو څخه د نړیوال قانون پر وړاندې کار اخلي؛ زما پر اند دا د پیل لپاره ښه ځای دی.»
د السید څرګندونې له هغې وروسته مطرح کېږي، چې د امریکا ولسمشر ډونالډ ټرمپ د روان کال تر پایه اسرائیلو ته د شاوخوا څلور میلیارډ ډالرو کلنۍ پوځي مرستې د پای ته رسولو پلان اعلان کړ.
السید د اسرائیلو د پوځي مرستو د کمولو لپاره د ټرمپ له وړاندیز هرکلی کړی او څرګندوي، چې د ولسمشر له دې تګلارې سره موافق دی.
هغه همداراز له اسرائیلو سره د امریکا د وسلو پر پلور د محدودیتونو غوښتنه کړې او ادعا یې کړې، چې د امریکا لهخوا ورکړ شوې ځینې وسلې د هغه پر اند په نسلوژنه او توکمپالنه کې کاریږي.
امریکا اوسمهال له اسرائیلو سره د یوه تړون له مخې هر کال ۳.۸ میلیارډ ډالر پوځي مرستې کوي او دغه تړون تر ۲۰۲۸ز.کال پورې نافذ دی.
د السید نیوکه یوازې پر اسرائیلو محدوده نهده؛ هغه له مصر، سعودي عربستان، اردن او پاکستان سره د امریکا پر پوځي مرستو هم نیوکه کړې او وایي، چې د امریکايي مالیه ورکوونکو پیسې باید د هېواد د کورنیو لومړیتوبونو لپاره ولګول شي.
-
لوبی4 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی3 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی5 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی4 days agoارمان افسي استقلال کابل ته پنځه پر صفر ماتې ورکړه
-
تازه خبرونه4 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
تازه خبرونه5 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه2 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
