ټاکل شوې، چې دا سیالۍ د ۲۰۲۶ز.کال د غویي له پېنځلسمې څخه د غبرګولي تر لومړۍ / د می له پېنځمې څخه تر دوه‌ویشتمې پورې د سعودي عربستان پر کوربتوب ترسره شي. په دې سیالیو کې به ۱۶  غوره لوبډلې د اتلولۍ او د نړیوال جام د ګډون د امتیاز ترلاسه کولو لپاره سیالي وکړي.

د سیالیو د جوړښت له مخې؛ له هر ګروپ څخه دوه مخکښې لوبډلې به د کوارټر فاینل پړاو ته لار ومومي او په مستقیم ډول به د ۱۷ کلنو نړیوال جام ته، چې ټاکل شوې په قطر کې ترسره شي؛ د ګډون جواز ترلاسه کړي.

په A ګروپ کې کوربه هېواد سعودي عربستان له تاجکستان، تایلنډ او میانمار سره یوځای دی.

پهB  ګروپ کې جاپان، انډونیزیا، چین او قطر برخه لري.

په C ګروپ کې د سویلي کوریا لوبډله له یمن، ویټنام او متحده عربي اماراتو سره سیالي کوي.

او په D ګروپ کې د تېر پړاو اتل ازبکستان د اسټرالیا، هند او شمالي کوریا تر څنګ حضور لري.

دا سیالۍ د آسیا د ځوانانو پر کچه له مهمو فوټبالي پېښو څخه شمېرل کېږي او تمه ده، چې د وچې نوې راټوکېدلې وړتیاوې په کې وځلېږي؛ هغه سیالۍ، چې تل د استعداد موندونکو او د فوټبال د مینه‌والو پام ځانته رااړوي.

آریانا راډیو ټلویزیون ټینګار کړی، چې د ګروپي پړاو د مهمو لوبو تر څنګ به پایلوبه هم پر ژوندۍ بڼه خپره شي. همدارنګه له مینه‌والو غوښتنه شوې، چې د نورو معلوماتو، مهالوېش او د لوبډلو د خبرونو لپاره د آریانا ټلوېزیون او آریانانیوز ټولنیزې پاڼې وګوري.

د ۲۰۲۶ کال ژمنی اولمپیک د دوشنبې پر ورځ په میلان-کورتی‌نا کې بریالۍ تر سره شو؛ دوه‌اوونیزې ستونزمنې سیالۍ، ولوله‌ییزې بریاوې او پر واوره او یخ له ځلېدا ډکې هڅې نندارې ته وړاندې شوې.

ناروې له ۱۸ سرو زرو مډالونو او په ټوله کې د ۴۱ مډالونو پر ګټلو په لښتیلیک(جدول) کې لومړی مقام خپل کړ او پر ژمنيو سپورټونو یې ځانګړې واکمني ټینګه کړه.

امریکا د سرو زرو له ۱۲مډالونو او په ټوله کې د ۳۳ مډالونو پخپلولو دوه‌یم مقام ترلاسه کړ، چې پر وروستۍ ورځ یې د اضافي وخت له برکته د نرینه‌وو یخ هاکي پر بریا ترسره کړه.

کوربه هېواد د ژمني اولمپیک په تاریخ کې د ۳۰ مډالونه پر ګټلو مینه‌وال خوښ کړل.

دغه راز هالینډ هم د ۲۰ مډالونو او د چټک سکیټینګ په برخه کې د پام وړ هڅه نندارې ته وړاندې کړه.

جرمني، فرانسې، سویډن، جاپان او نورو هېوادونو د مډال په لښتیلیک کې ستونزمنې سیالي رامنځته کړې؛ دا یې وښودله، چې ژمني سپورټونه پر نړیواله کچه ورځ تر بلې ژوریږي او د سیاليو ډګر پراخوي.

د ۹۲ هېوادونو لوبغاړو د میلان-کورتی‌نا په لوبو کې ګډون درلود، چې ورسره د تجربه لرونکو اتلانو او ځوانو راڅرګندیدونکو استعدادونو زړه‌راکښونکی جوړښت نندارې ته وړاندې شو.

د ۲۰۲۵ کال ‌‌۱۰۰‌توپونو سیالۍ د لنډن په تاریخي لرډز لوبغالي کې پیل او اوول انوینسیبلز لوبډلې د لنډن سپېریټ پر وړاندې پرېکنده بریا خپله کړه.

په دې لوبه کې د افغانستان کرکټ چټک نومیالی ستوری راشد خان پخپلو نه ستړېکېدونکو هڅو د ډګر د غوره لوبغاړي نوم ترلاسه کړ.

راشد خان له توپ سره د پام وړ وبرېښېد او په ۲۰ توپونو کې یې یوازې ۱۱ منډې جوړې کړې؛ ۳ سیال لوبغاړي یې وسوځول او د ۳ نورو توپونو پر کپولو د ډګر ښه ځلېدونکی لوبغاړی هم شو.

په دې لوبه کې لنډن سپېریټ لوبډلې پچه وګټله او لومړی یې د توپ‌وهنې پرېکړه وکړه. د سیالې لوبډلې پر وړاندې یې په ۹۴ بالونو کې یوازې ۸۰ منډې جوړې کړې او ټول لوبغاړي یې وسوځول شول.

اشټون ټرنر پر ۲۱ منډو د لنډن لوبډلې غوره لوبغاړی و.

راشد خان او سام کرن دواړو د درې – درې ویکټو پر اخیستلو د سیالې لوبډلې په له پښو غورځولو کې  مهم رول ولوباوه.

د لوبډلمشر سام بیلینګز پر مشرۍ اوول انوینسیبلز لوبډلې وکولی شول، چې د ۸۱ منډو هدف پوره او پر پاتې ۳۱ توپونو ځان بري ته ورسوي.

دې بریا نه یوازې د اوول لوبډلې د پیل پیاوړتیاې وښوده، بلکې یو ځل بیا یې د نړۍ پر کچه د راشد خان هڅه او وړتیا هم نندارې ته وړاندې کړه.

د ۲۰۲۵ کال د ۱۰۰توپونو کرکټ ټورنمنټ یا سیالۍ ۸ لوبډلې لري، چې لومړۍ لوبه یې تېره شپه (د زمري پر دیارلسمه / د اګست پر پېنځمه پیل شوه او د وږي تر نهمې / د اګست تر ۳۱ پورې به په انګلستان کې روانې وي.

د چارشنبې پر ورځ(د زمري پېنځلسمه / د اګست شپږمه) د کابل پر وخت د شپې پر ۹:۳۰ به مانچسټر اوریجنلز په اماراتو اولډ ټرافورډ لوبغالي کې له ساوټرن بریو لوبډلې سره ولوبیږي.

په ټول افغانستان کې د کرکټ مینه‌وال کولی شي دا ټورنمنټ یا سیالۍ پر ژوندۍ او قانوني بڼه له آریانا ټلویزیون ATN څخه وګوري.