Democrat Abdul El-Sayed has won Michigan’s US Senate race, defeating former Republican lawmaker Mike Rogers and becoming the first Muslim elected to the US Senate, according to US television networks.

“Michigan, we did it!” El-Sayed declared at his victory celebration in Detroit, where hundreds of supporters gathered to celebrate.

“I am so proud and honoured to stand here as your senator-elect from the great state of Michigan,” the 42-year-old said.

El-Sayed secured the victory despite a late campaign setback when Democratic Congresswoman Haley Stevens, whom he defeated in the party primary, endorsed Rogers shortly before election day.

A former medical administrator, El-Sayed campaigned on progressive promises, including universal healthcare, reducing the influence of money in politics and tackling the rising cost of living.

He replaces retiring Democratic Senator Gary Peters and held a lead of nearly six percentage points over Rogers when US networks called the race.

His campaign attracted large crowds across Michigan, including in traditionally Republican areas, while drawing support from labour unions, activists and younger voters.

Republicans had launched a fierce campaign against El-Sayed, portraying him as a radical and questioning his patriotism. He also faced Islamophobic attacks and mockery over his Arabic name from President Donald Trump and Vice President JD Vance.

Addressing Vance during his victory speech, El-Sayed said the vice president was constitutionally obligated to swear him into office in January.

The victory came amid a strong showing by Democrats in several races, prompting jubilant supporters at El-Sayed’s headquarters to chant: “Tsunami! Tsunami!”

امریکايي چارواکو منلې، چې د دې هېواد ځواکونو د دوشنبې پر ورځ د هرمز تنګي پر قشم ټاپو دفاعي بریدونه کړي دي.

د امریکايي چارواکو د څرګندونو له مخې، دغه بریدونه محدود ول او موخه یې د امریکا پر پوځي تاسیساتو د ایران د ‌توغندیو د ګواښونو مخنیوی و.

هغوی ویلي، دغه بریدونه د پراخو پوځي عملیاتو د بیا پیل پر معنا نه‌دي.

دغه راز د ایران دولتي خبري آژانس ایرنا له دې مخکې په قشم ټاپو کې له څو چاودنو خبر ورکړی و.

د امریکا مرکزي قومندانۍ( سنتکام) تر اوسه په دې اړه رسمي غبرګون نه‌دی ښودلی.

دا پېښه په داسې حال کې رامنځته شوې، چې په تېرو اوونیو کې د واشنګټن او تهران ترمنځ کړکېچ زیات شوی دی.

رویټرز خبري آژانس د سپینې ماڼۍ د یوه چارواکي او دوه نورو باخبره سرچینو د څرګندونو له مخې راپور ورکړی، چې سپینې ماڼۍ له څو میاشتو راپدېخوا د کانګرس د منځمهالو ټاکنو په پایله کې د ډیموکراټانو د بریا احتمال ته چمتووالی نیسي او داسې پلانونه جوړوي، چې له مخې یې ټرمپ وکولی شي د کانګرس له تصویب پرته د اجرائیوي واکونو پر کارولو د خپلې اجنډا مهمې برخې پر مخ یوسي.

د راپور له مخې، د سپینې ماڼۍ د دفتر مرستیال رییس سټیفن میلر او د بودجې رییس راسل ووټ د روان کال له اپریل راپدېخوا د سپینې ماڼۍ له حقوقي دفتر سره پر هغو اجرائیوي اقداماتو کار کوي، چې ټرمپ یې د کډوالۍ، ګمرکي تعرفو، د کورونو لګښتونو او فډرالي لګښتونو په برخو کې د کانګرس له تصویب پرته پلي کولی شي.

د سپینې ماڼۍ یوه چارواکي ویلي، د سپینې ماڼۍ حقوقي سلاکار ویل شارف او ډله یې دا هم څېړي، چې ټرمپ په قانوني توګه له کانګرس پرته څه کولی شي، د واک حدود تر کومه پراخولی شي او که دغه پرېکړې په محکمو کې وننګول شي څنګه ترې دفاع کولی شي.

د راپور له مخې؛ د سې‌شنبې ورځې منځمهالې ټاکنې یوه ځانګړې سیاسي معادله رامنځته کوي؛ د کانګرس د کنټرول پر ترلاسه کولو به ډیموکراټان وکولی شي د ټرمپ د حکومت کړنې وڅېړي، د هغه د قانوني طرحو مخه ونیسي او د لګښتونو لومړیتوبونه یې محدود کړي؛ خو ټرمپ به د سوداګرۍ، بهرني سیاست او فډرالي ادارو په چارو کې خپل پراخ اجرائیوي واکونه وساتي.

ټرمپ ویلي، که جمهوري‌پال د کانګرس کنټرول له لاسه ورکړي؛ ښايي د یوې یا دوه میاشتو لپاره د ډیموکراټانو له طرحو سره مخالفت وکړي او ویټو یې کړي، خو وروسته به له هغوی سره جوړجاړي ته ورسېږي.

هغه د نیویارک پوسټ ورځپاڼې له پوډکاسټ سره په مرکه کې ویلي:« ګومان کوم د ویټو ښاغلی به شم او وروسته به په یوه پړاو کې ښايي هوکړې وکړو.»

ډیموکراټان د استازو په جرګه کې د جمهوري‌پالو د ۲۱۸ پر ۲۱۴ څوکیو اکثریت د له منځه وړلو لپاره د څلور نورو څوکیو ګټلو ته اړتیا لري.

دغه راز په سنا کې د جمهوري‌پالو د ۵۳ پر ۴۷ څوکیو اکثریت د بدلولو لپاره هم څلور نورې څوکۍ ګټل اړینې دي.

د نظرپوښتنو له مخې، ډیموکراټان د استازو جرګې د ګټلو چانس لري؛ خو د سنا پایله اوس هم روښانه نه‌ده.

د راپور له مخې، ټرمپ په تېره یوه میاشت کې د جمهوري‌پالو د اکثریت ساتلو لپاره د امریکا بېلابېلو سیمو ته سفرونه کړي؛ خو مرستیالان یې پر پټه د ۲۰۲۷ز. کال لپاره د یوه بل سیاسي وضعیت پر وړاندې چمتووالی نیسي.

سپینې ماڼۍ د جمهوري‌پالو د احتمالي ماتې په اړه اندېښنې رد کړي او رسنۍ یې د ناسمې څرګندونې پر خپرولو تورنې کړې دي.

د سپینې ماڼۍ ویاندې لارین بیس ویلي؛ د ټرمپ حکومت او جمهوري‌پال به د پولو امنیت ټینګولو، د قانون او نظم بېرته ټینګښت، د امریکایانو د لګښتونو کمولو او د خلکو لپاره د لاسته راوړنو په برخه کې خپلئ هڅې روانې ساتي.

د راپور له مخې؛ د سپینې ماڼۍ تر څېړنې لاندې په اجرائیوي اقداماتو کې د مهمو منرالونو او بادي برښناکوټونو پر وارداتو د نویو ګمرکي تعرفو لګول، د نړۍ د زده‌کړیالانو او لنډمهالو بهرنیو کارکوونکو لپاره د ویزو د اصولو سختول او د کورونو او ودانیزو چارو د لګښتونو کمولو اقدامات شامل دي.

دغه راز د امریکا د بودجې او مدیریت دفتر رییس راسل ووټ څېړي، چې د کانګرس له‌خوا د مخکې تصویب شوې بودجې له پیسو څخه کومې طرحې عملي کېدی شي.

نوموړی غواړي د فډرالي مرستو اصول هم بدل کړي، چې سیاسي ګومارل شوي چارواکي په دې اړه ډېر واک ولري او د حکومت کوم پروګرامونه له عامه بودجې څخه پیسې ترلاسه کړي.

د راپور له مخې، ټرمپ له دغو پلانونو خبر شوی او په اړه یې په بحثونو کې هم برخه اخیستې ده.

له کانګرس پرته حکومتولي

ټرمپ د ۲۰۲۵ز.کال په جنورۍ کې واک ته له بېرته رسېدا راپدېخوا د ولسمشر د اجرائیوي واکونو حدود آزمویلي او د ګمرکي تعرفو د پراخولو، د کډوالۍ د قوانینو د پلي کولو د سختولو، د فډرالي کارکوونکو د شمېر کمولو او د بهرني سیاست په برخو کې یې له کانګرس پرته اقدامات کړي دي؛ خو د مالیاتو او دولتي لګښتونو د کمولو لویه طرحه یې په ۲۰۲۵ز.کال کې د جمهوري‌پالو تر کنټرول لاندې کانګرس تصویب او ولسمشر لاسلیک کړه.

د «انسایډ الیکشنز» پر نوم د سیاسي چارو د خپلواکې شننې ادارې چلوونکي ناټن ګونزالس ویلي؛ ټرمپ په تېرو دوه کلونو کې پر لویه کچه کانګرس له پامه غورځولی او د اجرائیوي فرمانونو او واکونو له لارې یې د خپلو موخو د پلي کولو هڅه کړې ده.

د نوموړي د څرګندونو له مخې، که ډیموکراټان په کانګرس کې اکثریت ترلاسه کړي؛ ټرمپ به خپلې دغه هڅې روانې وساتي.

د راپور له مخې؛ ټرمپ څو ځله د ملي بېړني حالت اعلان کړی، چې له نویو قوانینو پرته د اقدام کولو واک پراخ کړي. کانګرس کولی شي د دغو بېړنیو حالاتو د پای ته رسولو لپاره رای ورکړي؛ خو ولسمشر یې ویټو کولی شي او په دې صورت کې د ویټو د لغوه کولو لپاره د کانګرس د دواړو جرګو دوه پر درېیمه رایې ته اړتیا ده.

د ډیموکراټانو تر کنټرول لاندې کانګرس بیا هم کولی شي د ټرمپ پر پرېکړو مهم محدودیتونه ولګوي. د سنا کنټرول به ډیموکراټانو ته دا واک ورکړي، چې د ټرمپ د قضايي او اجرائیوي څانګو د نوماندانو؛ ان د سترې محکمې د احتمالي نوماندانو، د تائید مخه ونیسي.

ډیموکراټان کولی شي د ټرمپ د ملاتړ وړ قانوني طرحو له تصویبولو ډډه وکړي؛ خو ټرمپ هم د هغوی هغه طرحې ویټو کولی شي، چې ورسره موافق نه‌وي.

د راپور له مخې؛ محکمې هم کولی شي هغه اجرائیوي اقدامات لغوه کړي، چې د ولسمشر له قانوني واکونو څخه بهر وي. له همدې کبله، سپینه ماڼۍ غواړي د عدلیې وزارت حقوقي نظرونه ترلاسه کړي او معلومه کړي، چې ټرمپ له کانګرس پرته کوم اقدامات ترسره کولی شي.

د ډیموکراټانو څېړنې

د رویټرز د راپور له مخې، د ټرمپ حکومت د ډیموکراټانو له‌خوا د احتمالي څېړنو لپاره هم له څو میاشتو راپدېخوا چمتووالی نیسي.

د استازو جرګې لوړپوړیو ډیموکراټانو او د کمیټو مرستیالانو په دې اړه خبرې کړي، چې د غونډو، احضاریو او د اسنادو د غوښتنې له لارې وڅېړي، چې آیا ټرمپ د ولسمشرۍ له واک څخه د ځان، متحدانو یا مالي ملاتړ کوونکو د ګټو لپاره کار اخیستی دی که نه.

د سپینې ماڼۍ حقوقي سلاکارانو سیاسي ګومارل شوي چارواکي او د دولتي ادارو مشران د کانګرس د پوښتنو، د اسنادو د غوښتنې او احضاریو د څرنګوالي په اړه هم خبر کړي او هغوی ته یې سپارښتنه کړې، چې په لیکل شويو اسنادو کې خپلو څرګندونو ته پام وکړي.

د راپور له مخې؛ د سپینې ماڼۍ حقوقي ډلې د عدلیې وزارت د داسې یوه حقوقي نظر غوښتنه هم کړې، چې له مخې یې ټرمپ وکولی شي له خپلو خصوصي سلاکارانو سره خبرې د اجرائیوي امتیاز پر نوم د کانګرس له څېړنو خوندي کړي.