تازه خبرونه
د اساسي قانون له ۹۴ مادو سرغړونه شوې-ګډه ارزونه
د پژواک خبري آژانس او د حقوقپوهانو ټولنې په ګډه ارزونه کې موندلې، چې د اساسي قانون له توشیح راهیسې د دغه قانون څلور نوي مادې نقض شوې دي.
د اساسي قانون د عملي کیدو او سرغړونو په اړه د پژواک خبري آژانس او حقوقپوهانو د ټولنې ګډه ارزونه د هېواد په څلور دېرش ولایتونو کې شوې او په دغه لړ کې له اته سوه اته نوي کسانو سره مرکې شوي دي.
په دغه ارزونه کې راغلي، چې د اساسي قانون د وګړیو د حقونو او امتیازاتو زیاتره مادې نقض شوي دي. د اجرائيه ریاست جوړیدل، د ټاکنو ځنډول، د ملي شورا د غړیو د کار دوام او د سرپرستانو لخوا د وزارتونو اداره کول له قانون څخه د ملي وحدت حکومت د سرغړونو ښکاره بېلګې یادې شوې دي.
د حقوقپوهانو د ټولنې ريیس اجمل هوډمن ویلي، چې د دغې ارزونې له مخې؛ د قانون له ځینو مادو څخه وسلوالو مخالفینو، امنیتي ځواکونو او حکومتي چارواکو ډېرې سرغړونې کړي دي.
د دوی په څرګندونو کې حکومت ته د ملامتۍ ګوته ډېره نیول شوې، چې د اساسي قانون په عملي کولو کې نه یوازې کمزوری دی، بلکې د قانون د عملي کولو لپاره په حکومتي چارواکو کې بشپړه اراده هم نشته.
په دې ارزونه کې پر ملي شورا هم نیوکې شوې، چې قانوني چلند یې نه دی کړی.
د پارلماني او ولسوالیو شوراګانو د ټاکنو ځنډول، د حقوقي بنسټونو نا خپلواکي او د سترې محکمې د عالي شورا د غړیو د کاري مودې غزیدل، عدلي او قضايي بنسټونو ته د خلکو لږ لاسرسی، د کاري واکونو څخه ناوړه ګټه، د حکومتي چارواکو د شتمنیو نه ثبتیدل او له مجرمینو سره ناوړه چلند، هغه ټکي دي، چې په تېرو څوارلس کلونو کې له اساسي قانون څخه د سرغړونو په توګه ثبت شوي دي.
د پژواک خبري آژانس ريیس دانش کړوخېل وایي، د خلکو له غوښتنو یوه هم د اساسي قانون پلي کیدل دي. که له قانونه همداسې سرغړونې روانې وي؛ نو پر حکومت به د خلکو باور هم لږ شي.
ملي وحدت حکومت هم له په دې اړه له نیوکې سره مخ دی.
د اجرائيه ریاست جوړښت، د پارلمان د غړیو د کاري مودې غزول او د سرپرستۍ دوام هغه ټکي دي چې د ملي وحدت حکومت په دوران کې له قانون څخه د ښکاره سرغړونو په توګه یاد شوي دي.
د اجرائيه ریاست ویاند مجیب الرحمان رحیمي مني، چې قانون نقض شوی؛ خو وایي، چې د قانون د پلي کیدو په هڅه کې یو.
د افغانستان د ولسمشر دوه یم مرستیال سرورد دانش د سیاسي ګټو تضاد، د سیمې د هېوادونو لخوا بحران ته لمن وهل، شخصي ګټو ته لومړیتوب، زورواکي او مافیايي کړۍ د اساسي قانون څخه د سرغړونو اصلي عاملین ګڼي.
د افغانستان اساسي قانون د حامد کرزي پر مهال په دولس فصلونو او یو سل و دوه شپېته مادو کې پر دیارلس سوه دوه اتیا لمریز کال کې تصویب شوی دی.
خبریاله: لیدا نیازۍ
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
تازه خبرونه
اروپايي ټولنې په افغانستان کې سېلاب ځپلیو ته ۴۰۰ زره یورو ځانګړې کړې
اروپايي ټولنې څرګنده کړې، چې په بغلان، بدخشان او تخار ولایتونو کې له سېلاب ځپلیو سره یې د بشري مرستو د رسولو لپاره ۴۰۰ زره یورو ( څه باندې ۳۰ میلیون افغانۍ) ځانګړې کړي دي.
د دې بنسټ د نننۍ (سې شنبه د غبرګولي لومړۍ ) خبرپاڼې له مخې؛ يادې مرستې به د اکتيډ او ډاکار موسسو لهخوا وړاندې شي، چې په کې نغدو پيسو، پاکو اوبو او پاکوونکیو توکو ته لاسرسي شته دی.
اروپايي ټولنې دا يادونه هم کړې، چې له ۱۹۹۴ ز. کال راپدیخوا يې په افغانستان کې د بشري مرستو په برخه کې مالي مرستې کړي او تر اوسه يې نږدې یو اعشاریه اته ميليارډ يورو مرسته کړې ده.
دغه راز دې ټولنې یوازې تېر کال د بشري مرستو په برخه کې ۱۵۹ میلیون یورو مرسته کړې. سربېره پر دې اروپايي ټولنې له ۲۰۲۱ ز. کال راپدیخوا د ۳۵ الوتنو له لارې افغانستان ته ۱۶۰۰ ټنه مرسته رالېږلې ده.
تازه خبرونه
سر له سبا د ترکيي هوايي شرکت افغانستان ته رسمي الوتنې پیلوي
د ټرانسپورټ او هوايي چلند وزارت مسوولینو ويلي، چې د ایران او متحده عربي امارتو له هوايي شرکتونو ورسته د ترکيي هوايي شرکت به هم سر له سبا افغانستان ته رسمي الوتنې پیل کړي.
د ټرانسپورټ او هوايي چلند وزارت مسوولین څرګندوي، چې له دې سره به د افغان مسافرو او هغو سوداګرو، چې له ترکيي سره سوداګرۍ لري؛ ستونزې راکمې شي.
د ټرانسپورټ او هوايي چلند وزارت ویاند امام الدین احمدي وایي: په دې کې مسافرو تهه ښه زیری شته. په ځانګړي توګه هغه افغانان، چې اروپا ته سفرونه کوي د کورنیو شرکتونو ترڅنګ به دا ترکي شرکت هم فعالیت کوي. افغان هوايي ډګرونه د افغانانو له خوا ښه مدیریت کیږي او مونږ دا یو ښه پیلامه بولو.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړی خان جان الکوزی وایي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
ویل کیږي که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
-
سوداگري5 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه5 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ2 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
څار5 days ago
څار: د افغانستان په اړه سیمهییزه اجماع
-
تحول5 days ago
تحول: د چین له سفیر سره د ریاست الوزراء د سیاسي مرستیال لیدنه
-
تازه خبرونه5 days ago
چين مولوي عبدالکبیر ته په ټرانس – هیماليا ناسته کې د ګډون بلنه ورکړه