تازه خبرونه
د نوماندانو د (سرپرست حکومت) طرحه قانوني بنسټ نلري- ارګ
د ولسمشریزو ټاکنو یوولس نوماندانو ویلي، چې که د غبرګولي له لومړۍ نېټې وروسته حکومتي مشران کار ته دوام ورکړي؛ پراخ اعتراضونه به پیل کړي.
دوی په یوه رابلل شوې ناسته کې د ملي وحدت حکومت له مشرانو وغوښتل، چې د ولسمشرۍ له ټاکنو مخکې باید له واکه لیرې شي او یادې ځان د سرپرست حکومت مشسر ونوماوي.
له ۱۸ نوماندانو څخه یوولس د غبرګولي له لومړۍ نېټې وروسته د سرپرست حکومت غوښتوونکي شوي دي.
د دوی له دې غوښتنې لږ وړاندې سترې محکمې د ولسمشر کار د غبرګولي له لومړۍ تر ولسمشریزو ټاکنو پورې وغزاوه او ښایي دا ناسته هم د همدې په غبرګون کې وه.
ولسمشرۍ ماڼۍ ښیي، چې د دوی دې اعتراض ته یې چندان پاملرنه نده راګرزیدلې.
د ولسمشر غني ویاند هارون چخانسوري د (سرپرست حکومت) د رامنځته کولو په اړه د یو لړغوښتنو په غبرګون کې څرګنده کړې، چې د (سرپرست حکومت) په اړه هلې ځلې د افغانستان له اساسي قانون سره اړخ نه لګوي او نه هم د یو شمېر درنو نوماندانو لخوا د طرحو وړاندې کول قانوني بنسټ لري.
د ارګ د څرګندونو له مخې؛ د قانون د تفسیر یواځنۍ مرجع ستره محکمه ده، ګوندونه او اشخاص نشي کولی پخپله خوښه قانون تفسیر کړي.
اعتراض کوونکيي نوماندان وایي، چې اعتراض د دې لپاره شوی، چې د اساسي قانون په ۶۱ ماده کې د ولسمشر کار د پېنځم کال په غبرګولي کې پای مومي.
دا، چې عبدالله عبدالله او ولسمشر اشرف غني هم د ټاکنو نوماندان دي؛ نو معترض نوماندان غواړي، چې دواړه له ټاکنو مخکې له واکه لیرې شي او که دوی خپل کار ته دوام ورکړي، سراسري اعتراض به پیل کړي.
د ولسمشریزو ټاکنو نوماند محمد حنیف اتمر وایي، چې وروستی کار مو مدني او ولسي کړنې دي. که لدې سره سره مو حکومت غږ او قانوني حکم وانه وریده؛ نو د قانون په چوکات کې عامه نظم ته په درناوي به پر سراسري او قانوني کړنو لاس پورې کړو.
د ولسمشریزو ټاکنو نوماند احمد ولي مسعود وایي، چې د حکومت پرګدۍ ناستو مشرانو ان په ۵ کلونو کې د ټاکنو کمیسیون راسم نکړ، امنیت ورځ تر بلې خرابیږي، قومي ستونزې او فقر ورسره زیات شو او اوس وایي، چې شپږ میاشتې نور هم مونږ پریدئ ؛ ټولې ستونزې به حل کړو.
د ولسمشریزو ټاکنو نوماند فرامرز تمنا وایي، چې ملي وحدت حکومت هم د اساسي قانون پر ربنسټ جوړ شوی ندی او دغه حکومت د دوه ټاکنیزو ډلو د اجماع له مخې رامنځته شو؛ زمونږ اجماع د ۱۸ نوماندانو تر منځ ستره سیاسي اجماع ده.
دا په داسې حال کې ده، چې دغو نوماندانو تېره ورځ( د غویي ۲۳) د سرپرست حکومت طرحه اعلام کړه، چې د غبرګولي له لومړۍ وروسته دې د یوې اجماع له مخې سرپرست حکومت رامنځته شي او نوماندان یا د روان حکومت مشران هر یو، چې د سرپرست حکومت غوښتونکی وي؛ په راروانو ولسمشریزو ټاکنو کې دې له خپلې نوماندۍ دې تېر شي.
خبریال: علی اصغري
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه5 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي
-
سیمه ییز خبرونه2 days ago
د حماس مشر له اردوغان سره د خبرو لپاره ترکیې ته ځي