Connect with us

تازه خبرونه

د افغانستان خلک تپل شوی امارتي نظام نه مني-اشرف غني

خپور شوی

د

(Last Updated On: لړم ۳, ۱۴۰۱)

ولسمشر اشرف غني د څارنې او انسجام د ګډ بورد دوه ویشتمې ناستې ته په خبرو کې ویلي، چې د سولې وروستۍ هوکړه به له ولسشمریزو ټاکنو وروسته لاسلیک شي او هیڅوک نشي کولی جمهوري نظام او د خلکو حقونه ترې واخلي.

د څارنې او انسجام د ګډ بورد په دوه ویشتمه ناسته کې ولسمشر د سولې په اړه دوه ځانګړي پیغامونه وړاندې کړل: لومړی وایي، چې خلک امارتي نظام نه غواړي او دوه یم هم د سولې په اړه حکومت پرېکړه کوي.

ولسمشر اشرف غني په بیړه؛ خو تاریخي وړاندوینه کوي. بیړه ټاکنو ته ده؛ ځکه، چې ټاکنې کیږي او تاریخي هغه څه را منځته کیږي، چې تر اوسه ندي را منځته شوي.

له طالبانو سره د سولې لومړنۍ هوکړه، چې هغه هم ژر کیږي او حتی د ولسمشرۍ له ټاکنو مخکې.

ولسمشر محمد اشرف غني وایي، چې حکومت له طالبانو سره د سولې واک لري! له طالبانو سره دې په دوه پړاوونو کې هوکړه وشي؛ لومړی دا، چې د ولسمشرۍ له ټاکنو مخکې د سولې لومړنۍ هوکړه کیږي او په دوه یم پړاو کې به د ولسمشرۍ له ټاکنو وروسته هر اړخیزه هوکړه وشي.

د نوموړي په اند؛ د افغانستان خلک طالباني امارتي نظام نه غواړي. مونږ غواړو، چې د سولې وروستۍ هوکړه  له ولسمشریزو ټاکنو وروسته لاسلیک شي او مخکې له ټاکنو د سولې لومړنۍ هوکړه لاسلیک شي او هغه سوله، چې پر ټاکنو اغېز وکړي، د طالبانو او افغان حکومت تر منځ به وي، نه د امریکا او طالبانو تر منځ.

ولسمشر غني  د ولسمشریزو ټاکنو یو نوماند دی او ټاکنیزې مڼدې ترړې یې یوه اوونۍ وروسته د اتلس نوماندانو تر منځ پیلېدونکې دي، ښایي له همدې کبله وي، چې وایي، راتلوونکې اوونۍ به په افغانستان کې نوی څپرکی پیل شي.

هغه وایي، چې راتلوونکې اوونۍ به افغانستان یو ستر سیاسي بهیر پیل کړي؛ دا بهیر به د جګړې، تاوتریخوالي، ځان غوښتنې او د نظام د دښمنانو او فرصت غوښتوونکیو په وړاندې وي. افغان ملت به د ۱۳۹۸ کال د ولسمشریزو ټاکنو د ټاکنیزو منډو ترړیو نوی څپرکی پیلوي.  اووه میلیارد افغانۍ، چې د افغانانو پیسې دي، د ټاکنو لپاره بېلې شوي، چې د خلکو برخلیک ټاکي.

ولسمشر ددا هم ویلي، چې هېواد یې اوس هم د ترهګرو خلاف د مبارزې په لومړۍ کرښه کې دی او اوسنۍ شخړه د افغانستان پر جغرافیایي موقعیت ده، چې په وینا یې دا موقعیت کولی شي افغانستان پر  مهمې او عواید لرونکې څلور لارې بدل کړي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!