تازه خبرونه
د امریکایي او طالب استازیو خبرې ۴ ورځنۍ شوې
په دوحه کې د امریکا او طالب استازیو د څلورمې ورځې خبرې له افغانستان څخه د نړیوالو ځواکونو پر وتلو او لویدیځ ته بیا د افغانستان پر ګواښ نه جوړولو راوڅرخیدلې.
په دوحه کې له تېرو څو ورځې راپدیخوا د افغانستان د سولې لپاره د امریکا ځانګړی استازی له طالب استازیو سره خبرې اترې کوي. دواړو لوریو د پنجشنبې پر ورځ( د سلواغې ۴) هم خبرې روانې وساتلې.
که څه هم طالبانو او امریکایانو د دې خبرو د جزئیاتو په اړه رسمي څه ندي ویلي؛ خو طالبانو ته ځینو نږدې سرچینو ویلي، چې ممکن دا خبرې ژر یوې پایلې ته ورسیږي.
د طالبانو پخوانی غړی سید اکبر آغا ویلي؛ هیله ده، چې په دې خبرو اترو کې له افغانستان څخه د بهرنیو ځواکونو د وتلو په تړاو هوکړه وشي، د بهرنیو ځواکونو وتل به تدریجي او د یوه مهالوېش له مخې وي.
سیاسي فعال حسن حقیار ویلي، چې د خبرو اترو محور پدې را ټول و، چې له سولې وروسته به افغانستان نور امریکا او لویدیځ ته ګواښ نه وي او دا هېواد به نور د بنسټ پالو لپاره د پناه ځای په توګه هم ونه کارول شي.
نوموړی زیاتوي، د دې دوه هوکړو تر څنګ واشنګتن او طالبان به په افغانستان کې د اوربند په تړاو هم هوکړې ته ورسیږي.
که څه هم هیلې را وټوکېدې، چې د افغان حکومت او طالبانو استازي به په خپلو کې کیني؛ خو دا لېدنې د حکومت د استازي په غیاب کې روانې دي؛ خو د احتمالي هوکړې په تړاو د افغان حکومت دریځ داسې څه داسې دی.
د سولې عالي شورا وایي، افغان دولت به د امریکا او طالبانو تر منځ هره هوکړه ونه مني.
د سولې عالي شورا د ویاند مرستیال اسدالله زایري وایي، چې دا د امریکا او طالبانو تر منځ خبرې دي، د سولې. دوی، چې پر کومه مسوده کار کوي؛ د افغانستان حکومت اړ ندی، چې هغه به هرو مرو مني.
طالبانو ته نږې یوې سرچینې آریانا نیوز ته څرګنده کړې، چې دواړه لوري به د قطر ناستې په تړاو د خبرو پایلې په یوه ګډه اعلامیه کې بیان کړي.
ویل کیږي، چې د ځینو طالب بندیانو خلاصون به د دې خبرو اترو یوه مهمه پایله وي.
خبریال: باعث حیات
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل