تازه خبرونه
د بهرنیو ځواکونو له وتلو وروسته احتمالي سناریو امنیتي چمتووالی غواړي
په ۲۰۲۰ کال کې د امریکا د ولسمشریزو ټاکنو د تر سره کیدو پورې به له افغانستان څخه ټول امریکایي سرتېري ووځي.
د ملي امنیت شورا د دفتر د سولې برخې رییس احمد شجاع جمال ویلي، چې افغان دولت باید د امنیت له اړخه د بهرنیو ځواکونو له وتلو وروسته احتمالي سناریو ته چمتووالی ونیسي.
د هغه په وینا اوس هم د سولې په خبرو کې ابهامات شته، چې تر اوسه ښکېل لوري پرې هم خبر ندي.
د افغانستان د ستراتیژیکو مطالعاتو په انستیتوت کې له ټاکنو وروسته احتمالات اټکل شوي، چې له مخې یې د ملي امنیت شورا د سولې بهرې رییس وایي، د ټاکنو نه تر سره کیدل طالبانو ته سره کرښه نده؛ خو په خبره یې طالبانو خپلې ځینې غوښتنې د سولې په خبرو کې تر اوسه پټې کړې دي
د نوموړي په وینا؛ د امریکا سیاسي مهالوېش ته پاملرنه اړینه ده؛ امریکا د ۲۰۲۰ کال په لومړۍ سې شنبه کې ولسمشریزې ټاکنې تر سره کوي او افغانستان اړه دی، چې د بهرنیو ځواکونو د پوره وتلو احتمالي سناریو ته امنیتي چمتووالی ونیسي.
د ملي دفاع وزارت د پالیسۍ پخواني مرستیال خبرداری ورکړی، چې د ولسمشرۍ ټاکنې به د مشروعیت له کړکېچ سره مخ شي او پایله به یې لنډ مهالی حکومت یا د ملي وحدت حکومت تازه نسخه وي.
د ملي دفاع وزارت د پالیسۍ پخواني مرستیال تمیم عاصي ویلي، را روانې ټاکنې به د مشروعیت له کړکېچ سره مخ شي او پایله به یې د ملي وحدت حکومت دوه یمه نسخه وي.
د تمیم عاصي په خبره؛ طالبان غواړي، چې د ټاکنو په نه تر سره کیدو د افغان حکومت ځای ځایګی د یوې سیاسي او نیمه پوځي ډلې په کچه را ټیټ کړي.
نوموړی زیاتوي؛ که ټاکنې د خلکو او نړیوالو په خوښه تر سره شي او په پایله کې یې حکومت رامنځته شي؛ طالبان به دا حکومت ونه مني. د دې حکومت لومړنۍ اجندا به داوي، چې د یو کال په دننه کې بیړنۍ ټاکنې تر سره شي.
باور کیږي، چې که د ولسمشرۍ ټاکنې له کړکېچ سره مخ شي، طالبان به ګټونکي وي.
په کابل کې د آسیا بنسټ استازی عبدالله احمدزی وایي؛ یوازنی دلیل، چې کولی شي ټاکنې وننګوي د امریکا او طالبانو خبرې او د د خپلمنځي خبرو مهالوېش به وي.
خو آیا نړیواله ټولنته اوس هم د ټاکنو ملاتړې ده؟
د افغانستان د رڼو ټاکنو بنسټ رییس نعیم ایوبزاده یې په ځواب کې ویلي، چې په تېرو تر سره شویو ټاکنو کې نړیوالې ټولنې د ټاکنو د ترسره کولو لپاره هویت جوړونه وکړه؛ خو دا ځل باور نلرم، چې نړیواله ټولنه هویت جوړونه وکړي؛ ځکه تر دې دمه یې غوره کړې نهده، چې ټاکنې او که سوله!
په داسې حال کې، چې له طالب استازیو سره نهم پړاو خبرې پیل شوي او ښایي په دې پړاو کې د دواړو لوریو تر منځ وروستۍ هوکړه وشي؛ خو په کابل کې زیاتره خلک باور کوي، چې ټاکنې د سولې بهیر له کبله نه تر سره کیږي او که تر سره هم شي له کړکیچ سره به مخ شي.
دغه څېړنه هغه مهال ښکاره شو، چې ولسمشر غني وویل: په هیڅ قیمت ټاکنې نه ځنډيږي، حتا د سولې لپاره هم نه.
تازه خبرونه
د یوناما استازې د ایران له بهرنیو چارو وزیر سره وکتل
د ایران بهرنیو چارو وزیر حسین امیرعبداللهیان د یوناما له مشرې سره په لیدنه کې د افغانستان ستونزې “پېچلې” وارزولې او د ” بېلابېلو او څو اړخیزو حل لارو” په اړه یې ټینګار څرګند کړ.
د ایران بهرنیو چارو وزارت په یوه خبرپاڼه کې، چې پرون (دوشنبه د غویی څلیریشتمه) خپره شوې؛ لیکلي، چې په افغانستان کې د ملګرو ملتونو د عمومي منشي استازې ميرمن روزا اوتنبایوا له ډاکټر امیر عبداللهیان سره کتلي او خبرې کړې دي.
په دې خبرپاڼه کې د ایران بهرنیو چارو د وزیر د څرګندونو له مخې لیکل شوي، چې: د افغانستان په کورنیو چارو کې د امریکا د هدفي لاسوهنو غځېدا به د دغه هېواد حالات نور هم پېچلي کړي.
نوموړي ویلي: د افغانستان ستونزې پېچلې دي؛ نو اړينه ده، چې پر څو اړخيزو حل لارو غور وشي.
دا غونډه د دوحې د درېیمې ناستې په څنډه کې جوړه شوې، چې د دوحې له لومړۍ او دوهیمې ناستې وروسته به د افغانستان پر وضعیت د ملګرو ملتونو پر کوربتوب جوړه شي.
د ایران بهرنیو چارو وزارت په خبرپاڼه کې راغلي، چې په دې کتنه کې رورا اتونبایوا د امیر حسین عبداللهیان سره د دوحې د درېیمې غونډې په اړه سلامشورې او د نظر تبادله وکړه.
میېرمن اتونبایوا د ایران د حکومت او خلکو له میلمه پالنې او د هغوی د وضعیت د ښه کېدو لپاره له ترسره شویو هڅو د مننې ترڅنګ په افغانستان کې د بشري ناورین په اړه د نړیوالې ټولنې پر بېتفاوتۍ نیوکه وکړه.
په افغانستان کې د ملګرو ملتو استازې په افغانستان کې د حالاتو پېچلتیا او د پرمختګونو بهیر تائید کړ او د دغه هېواد د پرمختګ او ثبات لپاره د سیمهییزو فعالانو د بېلابېلو دریځونو پر همغږي کولو یې ټینګار وکړ.
اتونبایوا د ایران د سیمهییزو نوښتونو د اهمیت پر ارزولو د ګاونډیانو د غونډې په چوکاټ کې د ایران د سیاسی هڅو هرکلی وکړ.
دغه راز د افغانستان په چارو کې د ایران سفیر او د ولسمشر ځانګړي استازي حسن کاظمي قُمي له میرمن اوتنبایوا سره په جلا کتنه کې د افغانستان او سیمې واقعیتونو ته د ملګرو ملتونو د ځانګړې استازې د پاملرنې غوښتنه کړې ده.
د دوحې د درېیمې غونډې د نېټې او د هغې د اجنډا په اړه څه ول شوي ندي؛ خو د ملګرو ملتونو لهخوا د افغانستان لپاره د ځانګړي استازي ټاکل، چې د افغانستان د ستونزې د حل لپاره د دې ټولنې پرېکړه ده، اړینه برخه وي. په داسې حال کې، چې د اسلامي امارت بهرنیو چارو وزارت چارسمبالی امیرخان متقي د افغانستان لپاره د یوناما تر څنګ د بل استازي ټاکل د وخت اړتیا نه بولي.
تازه خبرونه
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.
دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حقالعضویت له پامه غورځولی دی.
دا خبر په ملګرو ملتونو کې د افغانستان دایمي استازولۍ هم تائید کړی دی.
دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حقالعضویت سپارلی نهوي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.
د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حقالعویت ندی ورکړې له همدې کبله د دې ټولنې پوروړی دی.
د ملګرو ملتونو د غړیتوب کلنی حق العضویت دوه میلیون ډالره دی.
د راپورونو له مخې؛ له دې مخکې په ملګرو ملتونو کې د غړیتوب کلنی حقالعضویت د افغانستان بهرنیو چارو وزارت پرې کاوه.
د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حقالعضویت ندی ورکړی.
دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه16 hours ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
د حج او اوقافو وزارت چارسمبالي د ترکیې له ولسمشر سره وکتل
-
نړۍ20 hours ago
انټوني بلینکن اوکراین ته رسېدلی