تازه خبرونه
د حکومت ځینې کړی له آی اس آی، سپاه قدس او حقاني شبکې سره پټې غونډې جوړوي- نبیل
د ملي شورا غړیو، سیاسي جریانونو او سیاستوالو پر حکومت د نیوکې غونډه په کندهار کې جوړه او په کې د ملي امنیت پخوانی رییس رحمت الله نبیل وویل، چې په حکومت کې ځینې کړۍ د پاکستان له استخاباراتو یا آی اس آی، سپاه قدس او حقاني شبکې سره پټې غونډې جوړوي او ملي حاکمیت په پام کې نه نیسي.
د افغانستان د ملي جبهې مشر انورالحق احدي وایي، په افغانستان کې ملي امنیت او شورای امنیت دنده څه نا څه اتیا سلنه په داخلي سیاست کې مداخله ده او دا له قانونه ښکاره سرغړونه ده.
په کندهار کې سیاسی جریانونو او سیاستوالو اصلي موخه د ولسی جرګې او ولسمشرې ټاکنې راتلونکې ټاکنې دي.
په ولسي جرګه کې د ننګرهار استازی ظاهر قدیر د ټاکنو د کمیسیونونو مدیران د ولسمشر اړوند کسان ګڼي او په ولسشمر تور لګوي، چې غواړي راتلونکې ټاکنې مهندسي کړي.
د افغانستان د ژغورنې ائتلاف غړی بشیراحمد ته ینج پر حکومت نیوکه کوي او وایي، چې حکومت یو ځل بیا غواړي ټاکنو کمیسیون د ځان په ګټه راوڅرخوي.
د نوموړي په وینا؛ ولسمشر غني غواړي افراد او اشخاص د ځان په ګټه راولي او یا یې لیرې کړي.
دوی ټول ولسمشر او حکومت پر قوم او قبیله پالنه تورنوي او وايي، په دولتي ادارو کې حکومت د قومپالنې د توطیو او دوسیو په جوړولو لګیا دی.
د ولسي جرګې لومړی مرستیال همایون همایون وایي، ماته دا خبرې شوي، چې د دراني او غلجي مسایل را پورته کړئ. هغه څوک، چې د ولس په راس کې دی او داسې خبرې کوي؛ نو تاسې فکر وکړئ، چې د دې ملت راتلونکی به څه وي؟
ولسمشرۍ ماڼۍ تر دې دمه په دې اړه پوښتنو ته له ځواب ورکولو ډډه کړې ده.
د کندهار په دې غونډه کې سیاسي جریانونو او سیاستوالو حکومت ته دوه میاشتې وخت ورکړ، چې د ټاکنو خپلواک کمیسیون مدیران بدل کړي؛ که نه پر پراخو مدني خوزښتونو به لاس پورې شي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
په ننګرهار کې د ناکامورا کانال پروژه بشپړه شوه