Connect with us

تازه خبرونه

د ولسمشریزو ټاکنو احتمالي نوماندان د مرستیالۍ ستونزې لري

خپور شوی

د

(Last Updated On: لړم ۳, ۱۴۰۱)

را روانو ولسمشریزو ټاکنو ته پر ځانګړي نوماند د راټولیدو په اړه د سیاسي ډلو او افرادو له خوا غونډې تودې روانې دي؛ خو ویل کیږي، چې مهم احتمالي نوماندان د خپلو مرستیالانو په غوراوي کې له ستونزو سره مخ شوي دي.

ویل کیږي، چې یوازې حنیف اتمر بریالی شوی، چې یونس قانوني او محمد محقق د خپلو مرستیالانو په توګه غوره کړي.

ولسمشر محمد اشرف غني، عبدالله عبدالله، صلاح الدین رباني او ګلبدین حکمتیار اوس هم ندي بریالي شوي، چې خپله ټاکنیزه ډله بشپړه کړې.

په دې لړ کې د جمعیت اسلامي ګوند مهم غړي په بېلا بېلو ډلبندیو کې مدغم شوي؛ حزب اسلامي او جنبش اسلامي هم په خپلو کې مشورې کوي.

د جمعیت اسلامي د رهبرۍ شورا غړی محمد علم ایزدیار وایي، چې جمعیت په ډلبندیو کې وېشلی حالت لري. تر دې دمه ټولمنلې پرېکړه نده شوې؛ بېلابېلو شخصیتونو خپلې پرېکړې کړې دي او له ډلو سره یوځای شوي دي.

د جنبش اسلامي ګوند غړيو ويلي، چې ګلبدین حکمتیار او صلاح الدین رباني له عبدالرشید دوستم سره لیدلي او هره یو د نوماند په توګه د مرستیالانو په لټه کې دي.

د جنبش اسلامي مرستیال عبدالله قرلق وایي، چې ښاغلي ګلبدین حکمتیار او صلاح الدین رباني د نوماندانو په توګه جنرال صاحب ته وړاندیزونه لرل.  

د حزب اسلامي رهبر ګلبدین حکمتیار هم له سیاسي ډلو سره پر پراخ بنسټ ائتلاف کار کوي اوټینګار لري، چې که له ډلو سره کومې پایلې ته ونه رسیږي، د خپل ګوند له ادرسه به ځان نوماند کړي.

د حزب اسلامي د رهبرۍ غړی غیرت بهیر څرګنده کړې، چې که حزب اسلامي له نورو ډلو سره هوکړې ته ونه رسیده؛ کیدی شي، چې یو خپلواک نوماند ولري.

احتمالي نوماندان زیاتره هغه ډلې لټوي، چې په تېرو ټاکنو کې یې ډېرې رایې خپلې کړې وي؛ خو اوس انګیرنې داسې دي، چې د رایو پخواني بانکونه دیوالي شوي دي.

د ولسي جرګې غړي محمد عليزاده په ډاګه کړې، چې کیدی شي د رایو اوسني بانکونه د پخوا په څېر د کارولو له وړتیا بې برخې پاتې شي.

د یادونې ده، چې تر اوسه لطیف پدرام او حکیم تورسن په رسمي بڼه د راتلونکیو ولسمشریزو ټاکنو د نوماندانو په توګه له خپلو مرستیالانو سره ثبت شوي او نوملیکنه یې بشپړه کړې ده؛ خو تر دې  دمه هغو  احتمالي نوماندانو، چې ټاکنیزې پاڼې تر لاسه کړي شمېر یې څه نا څه ۷۵ کسانو ته رسیږي.

خبریال: باعث حیات   

تازه خبرونه

د سولې په چارو کې د ملګرو ملتونو د عمومي منشي مرستیال کابل ته راغلی

Published

on

(Last Updated On: غویی ۲۶, ۱۴۰۳)

د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.

د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.

د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا  به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.

په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.

هغه  زیاته کړې، چې لاکروا به د مې تر اووه‌لسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.

د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.

تر اوسه اسلامي امارت په دې اړه جزئیات ندي ورکړي.

د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.

دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.

Continue Reading

تازه خبرونه

په غور ولايت کې د ژغورنې د عملیاتو پر مهال يوه پوځي چورلکه رالوېدلې

Published

on

(Last Updated On: غویی ۲۶, ۱۴۰۳)

 نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.

د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود  سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.

آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.

ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب  شو، چې له کبله یې دوه کسان مړه او یو بل ټپي شوی و.

Continue Reading

تازه خبرونه

جاپان د لویدیځو هېوادونو پر مستقیمو اړیکو خپل ټینګار څرګند کړ

Published

on

(Last Updated On: غویی ۲۶, ۱۴۰۳)

په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.

تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشه‌یي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.

دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.

ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.

Continue Reading

Trending

Copyright © 2022 Ariana News. All rights reserved!