تازه خبرونه
د ولسي جرګې ټاکنې تر ټولو بدې او بدنامه وې- څارونکي
ځینې څارونکې ډلې وایي؛ د ولسي جرګې ټاکنې تر ټولو بدې او بدنامه وې؛ ځکه، چې د پایلو په اعلام کې ځنډ د پټو معاملو او فساد پایله ده.
که څه هم مخکې له دې د ټاکنیزو شکایتونو کمیسیون تېره اوونۍ ویلي وه، چې د ټاکنو وروستۍ پایلې اعلامیږي؛ خو اوس هم دا کار ندی شوی.
د ټاکنو څارونکې ډلې او د ټاکنو خپلواک کمیسیون پخواني چارواکي وایي؛ د ولسي جرګې ټاکنو د پایلو په اعلام کې ځنډ له دې کبله دی، چې فساد شتون لري او د پردې تر شا معاملې شوي دي.
د ټاکنو خپلواک کمیسیون پخوانی رییس نجیب الله احمدزی وایي؛ د کابل او څو نورو ولایتونو د ټاکنو په بهیر کې ډېرې درغلۍ شوې، چې اسناد او شواهد یې له کشفي، امنیتي او رسنیزو ادارو سره شته. دا ټاکنې ډېرې بدې ټاکنې وې.
د ټاکنو څارونکي بنسټونه د ټاکنیزو شکایتونو د کمیسیونونو په مشرتابه کې هم د بدلون غوښتنه کوي.
د ټاکنو د څار بنسټ پروګرامونو مسوول حبیب الله شینواری وایي؛ کیدی شي په ټاکنو کې معاملې او سیاسي کړنې له حکومت سره تړاو ولري، چې کوم خلک وکیلان شي او دا یې د مالي فساد بل ګام دی.
د ټاکنیزو شکایتونو خپلواک کمیسیون وایي، د لوګر، بادغیس، غور او د هندوانو د ولسي جرګې ټاکنو وروستۍ پایلې اعلام شوي او تر دوه اوونیو به د کابل او څو نورو ولایتونو وروستۍ پایلې هم اعلام شي. دا کمیسیون وایي، په وروستیو پایلو کې بدلون راغلی دی.
د ټاکنیزو شکایتونو خپلواک کمیسیون منشي علي رضا روحاني وایي، په ټاکنیزو پایلو کې هر راز بدلون شونی دی؛ ټاکنیزو شکایتونو ته د لاسرسي فلسفه دا ده، چې شکایتونه باید داسې وڅېړل شي، چې له لاسرسي سره مل شي.
د ولسي جرګې د ټاکنو په پایلو کې له ځنډ وروسته باور دا دی، چې فساد کیږي او پیسې لاس په لاس کیږي.
خبریاله: افسون محمدي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه