تازه خبرونه
د کندهار پر امنیه قومندانۍ بريد د کوټي له چمن ښاره رهبري کيده
د کندهار ولايتي او امنیتي چارواکو ویلي، چې د دې ولايت پرامنیه قومندانۍ بريد د کوټي له چمن ښاره رهبري کيده.
دوى وايي، چي د پنجشنبې ورځي( د چنګاښ ۲۷) په بريد کي ۱۱ کسان وژل شوي او نږدې سل کسان پپیان دي، چي زياته برخه ملکي کسان ول.
د کندهار مرستيال والي عبدالحنان منیب وايي، په دې بريد کي ټول ٧ تنه ملکي وکړي او ٣ تنه پوليس وژل شوي ٥٩ ملکي کسان او ٢٧ تنه پوليس ټپيان دي، چي اوس د ټولو زخميانو روغتيايي حالت د ډاډ وړدى او د بريد په سيمه کي د پاکولو هڅې روانې دي.
د دوى په خبره، چي په دې بريد کي درې موتر بمونه او يو موترسايکل چاودني وکړې او وروسته ٧ تنه وسلوالو پر امنيې قومندانې بريد وکړ.
د کندهار والي په وینا؛ په ګمرک کي د سوداګرو مالونو اور اخيستى او په ميليونونو افغانۍ زيان ورته اوښتى دى.
د دې ولايت امنيه قومندان وايي د دوى د معالوماتو له مخي دغه بريد د ديورند فرضي کرښي له ها خوا د چمن له ښاره د ملا آغاجان په نامه يو کس رهبري کاوه.
د کندهار امنيه قومندان بريدجنرال تادين خان ویلي، چې وسلوال طالبان د افغانانو پر وينه د سولي په خبرو کي د زيات امتياز د تر لاسه کولو په لټه کي دي.
د کندهار د ګمرک ریيس محمد اکبر وايي، چي په دې بريد کي ګمرک او ملي سودا ګرو ته ٣٠٠ ميليون افغانۍ مالي زيانونه اوښتي دي.
وسلوالو طالبانو د پنجشنبې د ورځي په بريد کي د ګڼشمېر نظامي کسانو د وژلو ادعا کړې او وايي، چې دغه بريد په هېواد کي دننه پلان شوى و او د کندهارد ولايتي چارواکو دا ادعا بې بنسټه بولي، چي دغه بريد په پاکستان کي پلان شوى و.
خبریال: بریالی رحیمي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ