تازه خبرونه
د ولسي جرګې غړو په هېواد کې په متوازن ډول د پروژو په نه تطبیق اندیښنه وښوده
د ولسي جرګې غړو د لاسلیکونو په را ټولولولو سره د راتلونکي کال په بودجه کې د غور لپاره د پراختیایی پروژو په برخه کې د عدالت غوښتنه وکړه.
دوي چې شمېر یې یوسلو دیرشو تنو ته رسیږي وایی، که حکومت یې غوښتنې له پامه وغورځوي، د راتلونکي مالي کال بودجه به رد کړي.
په همدې حال کې د مالیې وزیر د راتلونکي زیږدیز کال د ملي بودجې سند ولسي جرګې ته معرفي کړ.
د ولسي جرګې غړو د ۱۳۰ لاسلیکونو په ټولولو سره په هېواد کې په متوازن ډول د پروژو په نه تطبیق اندیښنه وښوده او ویې ویل که حکومت د غور ستونزو ته رسیدګي ونه کړي، د ملي بودجې سند به رد کړي.
غلام فاروق مجروح، د هرات د خلکو استازي و وېل: «د ولسي جرګې ۱۳۰ تنو لاسلیک کړی چې که د غور ولایت ته چي یو له هغو ولایتو څخه ده چې د پرمختیا په هکله له پامه ولیدلی دی پام ونه شي او د دې ولایت دا انکشافي ستونزه حل نه شي؛ نو دوی به د ملي بودجې سند رد کاندي او د اعتراض په توګه به غونډه ترک کړي»
همداراز په ولسي جرګه کې د غور ولایت د خلکو استازي کرام الدین رضا زاده، و وېل: « د اساسي قانون د شپږمې مادې په اساس د متوازین انکشاف پر بنا په بودیجوي سند کې دا په پام کې نه ده نیولې شوې او له پامه غورځېدلي ولایات تر اوسه هم د پروژو له عملي کېدو څخه بې برخې دي »
بلخوا د مالیې وزیر د راتلونکي مالي کال د بودجې طرحه چې درې سوه یوشپیته میلیارد افغانۍ کیږي، ولسي جرګې ته معرفي کړه.
د مالیې وزیر، اکلیل حکیمي و وېل: «د 1397 کال مالي کال په بودیجه کې مو ځانګړي اصلاحات په نظر کې نیولي چې له دې سره به متوازنه وده او لومړنيو انکشافاتو ته وړ ګټه ورسي او ټول به متوازن ډول ترې برخمند شي»
د راتلونکي مالي کال بودجه په داسې حال کې ولسي جرګې ته معرفي کیږي چې تېر کال د کابینې اووه وزیران وروسته له دې سلب صلاحیت شول چې و یې نه کړای شول د پراختیایی بودجې زیاته برخه ولګوي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه