تازه خبرونه
د ملګرو ملتونو امنیت شورا د طالبانو او امریکا د سولې له هوکړې ملاتړ وکړ
د ملګرو ملتونو سازمان امنیت شورا د طالبانو او امریکا له هوکړه لیک ملاتړ کړی او هغه یې د رایو په اکثریت تصویب کړ.
د طالبانو او امریکا د سولې په هوکړه لیک کې واشنګټن ژمنه کړې وه، چې هڅه کوي، دا هوکړه لیک د ملګرو ملتونو سازمان تائید کړي. داسې ښکاري، چې امریکا پخپلې خبرې عمل کړی او دا پرېکړه لیک د ملګرو ملتونو ټولنې په امنیت شورا کې امریکا مطرح او پرته له دې، چې مخالفت ور سره وشی؛ تصویب شو.
د ملګرو ملتونو د سازمان امنیت شورا د دې پرېکړه لیک له تصویبیدو سره له افغان حکومت وغوښتل، چې د افغانانو خپلمنځي خبرو ته یو پراخ بنسټه او ټول منلی پلاوی د سیاسي مشرانو، مدني ټولنو او ښځو د استازیو په ګډون جوړ کړي.
په دې پرېکړه لیک کې راغلي، دا بنسټ په افغانستان د سولې تینګښت لپاره د سیمې او نړۍ هڅې ستایي او خپله هم په دې برخه کې همکاري روانه ساتي.
په پرېکړه لیک کې ټينګار شوی، چې دا بنسټ د افغانستان اسلامي امارت په رسمي بڼه نه پېژني او د ملګرو ملتونو ټولنې امنیت شورا هم د اسلامي امارت له بېرته راتګه ملاتړ نکوي.
په پرېکړه لیک کې دا راز ویل شوي، چې د سولې په خبرو کې باید بېلابېلې سیاسي ډلې، مدني فعالان او ښځې برخه ولري او د افغانانو په ځانګړې توګه ښځو د حقونو د ساتنې لپاره باید هڅې وشي.
د ملګرو ملتونو ټولنې امنیت شورا له نړیوالې ټولنې غوښتنه کړې، چې له افغانستان څخه خپلو بشردوستانه مرستو او ملاتړ ته دوام ورکړي.
د پرېکړه لیک په یوې برخه کې ویل شوي، چې د افغانستان له اسلامي جمهوري دولت غوښتنه کیږي، چې په افغانستان کې د سولې بهیر د چټکتیا لپاره د پراخ بنسټ مرکچي پلاوي له جوړیدو سره را مخته شي، چې په کې د سیاسي مشرانو استازي، د مدني ټولنې او ښځو استازي ونډه ولري.
د افغانستان د سولې لپاره د امریکا ځانګړي استازي په ډاګه کړې، چې دا پرېکړه لیک ښیي نړیواله ټولنه د نړۍ امنیت او سولې لپاره د افغانانو د یووالي او حاکمیت غوښتنه لري.
زلمي خلیلزاد په خپل یوه تویت کې څرګنده کړې، چې د ملګرو ملتونو دا پرېکړه لیک له طالبانو او افغان دولت غواړي، چې باور جوړولو ته دوام ورکړي او د افغانانو خپلمنځي خبرو ته ژر ور ودانګي.
ښاغلی خلیلزاد دا راز له طالبانو غواړي، چې له امریکا سره د سولې په هوکړه لیک کې په خپلو ژمنو عمل وکړي، چې د تاوتریخوالي کچه را ټیټه او نه یوازې د طالب بندیانو د خلاصون لپاره لار پرانیستل شي، بلکې د سولې بهیر هم بریالی شي.
دا په داسې حال کې ده، چې د ځینو دیپلوماتانو د څرګندونو له مخې؛ امنیت شورا پرته له دې، چې پر دوه پټو امنیتي برخو وپوهیږي، هوکړه لیک یې تصویب کړی دی.
تازه خبرونه
د افغانستان او پاکستان دیني عالمانو تر لوی اختر پورې د اوربند غځولو غوښتنه وکړه
د پاکستان حکومت اعلان کړی و، چې د ځینو سیمهییزو هېوادونو پر غوښتنه او د کوچني اختر په مناسبت به د مارچ د ۱۸ او ۱۹ له نیمې شپې څخه د مارچ د ۲۳ او ۲۴ تر نیمې شپې پورې اوربند کوي.
د افغانستان او پاکستان د دیني عالمانو یوې ډلې د دواړو هېوادونو له چارواکو وغوښتل، چې لنډمهاله اوربند، چې د کوچني اختر لپاره اعلان شوی و؛ تر لوی اختر پورې وغځوي.
د پاکستان حکومت اعلان کړی و، چې د ځینو سیمهییزو هېوادونو پر غوښتنه او د کوچني اختر په مناسبت به د مارچ د ۱۸ او ۱۹ له نیمې شپې څخه د مارچ د ۲۳ او ۲۴ تر نیمې شپې پورې اوربند کوي.
د ډان ورځپاڼې د څرګندونو له مخې؛ د پاکستان ۱۱ دیني عالمانو او د افغانستان ۱۱ دیني عالمانو په یوه ګډه خبرپاڼه کې ټینګار کړی، چې له دې نوښت څخه یې موخه د اسلامآباد او کابل ترمنځ د کړکېچ لپاره د دوامدارې او باعزته حل لارې پرمخ وړل دي.
دغو عالمانو له پاکستاني او افغان چارواکو وغوښتل؛ اوربند دې وغځوي، چې حاجیان په سولهییز چاپېریال کې حج او عبادات تر سره کړي.
دوی زیاته کړې، چې دا “د سولې نوښت” د اوربند له غوښتنې ورهاخوا د دواړو هېوادونو ترمنځ د اوږدمهاله مسلو د حل لپاره پراخې ډیپلوماټیکې او ټولنیزې هڅې رانغاړي.
عالمانو هیله څرګنده کړې، چې د دوی هڅې به د ښکېلو خواوو لپاره د منلو وړ حل لارې ته لار اواره کړي او د تلپاتې ثبات او سیمهییزې سولې لپاره به د بنسټ په ایښودلو کې مرسته وکړي.
تازه خبرونه
څار: د پاکستان پر سیاستونو نیوکې
تازه خبرونه
اسلامي امارت امریکایی بندي ډینس کویل خوشې کړ
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
د افغانستان اسلامي امارت بهرنیو چارو وزارت د امریکایي وګړي ډینس کویل له بند څخه د خوشې کېدا خبر ورکړ.
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
اسلامي امارت امریکایی بندي ډینس کویل خوشې کړ
د افغانستان اسلامي امارت بهرنیو چارو وزارت د امریکایي وګړي ډینس کویل له بند څخه د خوشې کېدا خبر ورکړ.
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
د اسلامي امارت د بهرنیو چارو وزارت ویلي چې دا اقدام د بشردوستانه او ښه نیت پر بنسټ کوي او باور لري چې دا ډول ګامونه کولی شي د هیوادونو ترمنځ د باور فضا پیاوړې کړي.
یاد وزارت همدارنګه هیله څرګنده کړې، چې دواړه هېوادونه به په راتلونکي کې د همغږۍ او رغنده خبرو اترو له لارې پاتې ستونزو ته حل لارې ومومي.
اسلامي امارت په دې برخه کې د متحده عربي اماراتو له همکارۍ ستاینه هم کړې ده.
دغه راز د کویل د خوشې کېدا لپاره یو امریکایی پلاوی، چې د افغانستان لپاره د امریکا پخوانی ځانګړی استازی زلمی خلیلزاد هم په کې دی؛ نن (سېشنبه د وري څلورمه) د اسلامي امارت بهرنیو چارو له وزیر امیر خان متقي سره ولیدل.
په دې لیدنه کې د متحده عربي اماراتو سفیر سیف محمد الکتبي او د بندیانو د کورنۍ یوه غړي هم ګډون درلود.
د بهرنیو چارو وزارت د مطبوعاتي خبرپاڼې له مخې؛ په دې ناسته کې امیر خان متقي زیاته کړې، چې اسلامي امارت د سیاسي اهدافو د ترلاسه کولو لپاره د هیڅ هېواد هېڅ وګړی نهدی بندي کړی، بلکې نیول شوي کسان له قوانینو څخه د سرغړونې پایله وه او اشخاص د قضايي پروسیجرونو له تېریدو وروسته خوشې شوي دي.
په دې ناسته کې زلمي خلیلزاد هم د اسلامي امارت له دې اقدام ستاینه وکړه او د دواړو هېوادونو ترمنځ د ټولو مسلو په اړه د خبرو اترو دوام یې اړین وباله او په راتلونکي کې یې د نور پرمختګ هیله څرګنده کړه.
متقي همدارنګه ټینګار کړی، چې کابل او متحده عربي امارات باید خپلو وګړو ته معیاري قونسلګري خدمات وړاندې کړي او د افغانستان حکومت په دې برخه کې بشپړ چمتو دی.
هغه د متحده عربي اماراتو له رییس محمد بن زاید آل نهیان څخه د بندیانو د خوشې کولو په برخه کې د رغنده رول له کبله مننه وکړه او متحده عربي امارات یې د افغانستان نږدې ملګری وباله.
امیر خان متقي مخکې هم د اسلامي امارت او د بندیانو د کورنۍ ترمنځ د معلوماتو په تبادله کې د قطر د حکومت له هڅو ستاینه کړې وه.
ویل کیږي، چې د متحده عربي اماراتو سفیر د خپل هېواد چمتووالی وښود، چې په بشري ادارو کې خپل رول ولوبوي او دا ډول پرمختګونه یې د ټولو پر ګټه وګڼل.
-
تازه خبرونه2 days agoپاکستان له افغانستان سره په روان جنګ کې د روسیې د منځګړیتوب غوښتنه وکړه
-
تازه خبرونه23 hours agoبرلین د اسلامي امارت استازی د افغان سفارت د چارسمبالي په توګه نه پېژني
-
تازه خبرونه3 days agoد اسلامي امارت یوه غړي په برلین کې د افغانستان سفارت چارسمبالي پر غاړه اخیستې
-
نړۍ2 days agoکیم جونګ اون یو ځل بیا د شمالي کوریا د دولتي چارو رییس وټاکل شو
-
تازه خبرونه2 days agoنړۍ دې د افغانستان او پاکستان د پراخې جګړې مخه ونیسي – فایننشل ټایمز
-
تازه خبرونه3 days agoد پاکستان پوځي رژیم یو ځل بیا اوربند مات کړ
-
تازه خبرونه1 day agoد اطلاعاتو او کلتور وزارت د شهباز شریف ادعا «لوی شرم» وباله
-
نړۍ1 day agoپه کولمبیا کې د پوځي الوتکې غورځېدا له کبله ۶۶ کسان مړه شوي او ۴ نور ورک دي

