تازه خبرونه
د ننګرهار د طب او پوهنې پر ریاستونو په وسلوال برید کې ۱۳ کسانو ته مرګ و ژوبله اوښتې
چارواکو په ډاګه کړې، چې د ننګرهار د طب پوهنځي او پوهنې ریاست په وسلوال برید کې یو سرتېری وژل شوی او دولس ملکي وګړي ټپيان دي.
دمګړۍ په ننګرهار ولایت او جلال آباد ښار کې طالبان او داعش ډله بریدونه کوي؛ وسلوال طالبان ډېر کله نظامي ادارې په نښه کوي؛ خو داعش ډلې د حکومت عایداتي سرچینې او د زدکړو مرکزونه تر ډله ییزو بریدونو لاندې نیولي دي.
د ننګرهار امنیه قومندان غلام سنايي ستانکزی وایي، د طب پوهنځي په دروازه کې ولاړ یو پولیس وژل شوي او ۱۲ملکي وګړي ټپیان دي.
د نوموړي د څرګندونو له مخې؛ دوه بریدګر پولیسو وژلي او یو ځانته چاودنه ورکړې ده.
دغه راز زیاتوي، چې له بریدګرو څخه یو میل راکیت، پېنځلس لاسي بمونه، درې کلاشنکوفه او دوه واسکتونه هم ترلاسه شوي.
د ننګرهار امنیه قومندان امنیه قومندان غلام سنايي ستانکزي دا هم په ډاګه کړې، چې په دې برید کې د طب پوهنځي محصلینو او د پوهنې ریاست کارکوونکیو او ودانیو ته زیان نه دی رسیدلی.
د ننګرهار د ملي امنیت لومړی مرستیال برید جنرال سیدنورحیدر ویلي، چې پر دغو دواړه ادارو د داعش د برید معالومات ورکړ شوي وه او امنیتي تدابیر هم نیول شوي وه.
عیني شاهدان وايي؛ کله، چې برید ګرو د طب پوهنځي په دروازه کې پر پولیس ډزې وکړې د زندان یوساتوونکي بریدګر پر نښه او ووېشته.
د ویلو ده، چې د داعش جنګیالیو تېره اوونۍ په جلال آباد ښار کې د زدکړو پر مرکزونو بریدونو کړي وه. همدا تېره اوونۍ د طب پوهنځي پر دیوالونو د خلافت زندباد شعارونه لیکل شوي وه.
د داعش جنګیاليو د روژې له اوونۍ مخکې د پوهنې د ریاست ترڅنګ پرمستوفیت ورته ډله ییز برید کړی و.
د چاودنې ځای ته د ننګرهار د پوهنې ریاست، د طب پوهنځی او مستوفیت نږدې او مخامخ د ننګرهار لوی زندان پراته دي .
خبریال: رحمت الله زیارمل
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
نړۍ4 days ago
انټوني بلینکن اوکراین ته رسېدلی
-
سیمه ییز خبرونه3 days ago
پر رفح د اسرائیلو بریدونه په نړیواله محکمه کې ارزول کیږي