تازه خبرونه
ارګ واکونه انحصار کړي او د پرمختګ مخه یې ډپ کړې- عثماني
د اوبو او برښنا پخوانی وزیر علي احمد عثماني وايي، چې ارګ نه یوازې واکونه انحصار کړي، بلکې د هېواد د پرمختګ مخه یې هم ډپ کړې او له مهمو پروژو سره قومي او سلیقوي چلند کوي.
علي احمد عثماني، چې د ولسمشر لخوا له اوبو او برښنا وزارت څخه ګوښه شوی؛ نن یکشنبه( د چنګاښ ۱۰) یې یوې جوړې کړې خبري ناستې ته ویلي، چې د وزارت په تېر درې کلن پېر کې یې ارګ ټول واکونه انحصار کړي وه او د اړوند برخې د پرمختګ مخه یې هم ډپ کړې وه.
د اوبو او برښنا ګوښه شوي وزیر علي احمد عثماني رسنیو ته څرګنده کړې، چې: د انډیوالۍ په حکومتدارۍ کې له قانوني او ځواب ورکوونکیو بنسټونو یا وزارتونو څخه د صلاحیت لیږد انډیوالو مشاورانو ته؛ د حکومت د ودې او پراختیا مخه ډپ کوي.
عثماني تور لګولی، چې د ارګ د سلاکارانو ناقانونه غوښتنې یې نه دي منلي؛ نو، ځکه یې د ارګ لخوا واکونه محدود شوي وه.
هغه وايي، چې څو ځله د کابینې په غونډه کې سپک شوی او لویې پروژې یې په لوی لاس درول شوې دي.
د نوموړي د څرګندونو له مخې؛ نه یوازې د پروژو طرحې یې درول شوي، بلکې د کورنيو او بهرنيو سفرونو مخه یې هم نیول شوې ده.
نوموړی له اجرائیه ریاست څخه غواړي، چې خپل واکونه په خپل لاس کې ونیسي او پر ارګ هم غږ کوي، چې په کابینه کې له وزیرانو سره له سپکاوي ډک چلند ته د پای ټکی کیدي.
د نوموړي په وینا؛ له ډېرې مودې راپدیخوا مې د قانون ماتولو او له هغې د تېښتې په وړاندې مبارزه وکړه او استعفا کول مې قانون ماتولو ته غاړه ایښودل وګڼل. ما استعفا ونکړه او ومې غوښتل ، چې د وزیرانو په ناسته کې پرته له تملق او چاپلوسي او پرته له وېرې او ګواښه په اړوند ناستو کې برخه واخلم؛ خدمت او تلپاتې پراختیا له مبارزې پرته ناشونې ده.
ولسمشرۍ ماڼۍ که څه هم په مستقیمه توګه د ښاغلي عثماني د تورونو په اړه څه نه وايي؛ خو د ولسمشر د ویاند مرستیال شاه حسین مرتضوي په فیسبوک پاڼه کې لیکلي: هغه چا، چې د کابینې، تدارکاتو او شوراګانو په غونډو کې تر نورو ډېرې خبرې کولې؛ نن یې نیوکو ته زور ورکړی. دا یوه جدي او اساسي پوښتنه ده، چې دغه نیوکې ولې په رسمي غونډو کې نه دي مطرح شوي. که څوک د خپلو تورونو د اثبات لپاره شواهد لري، رسمي ارګانونو ته یې باید وسپاري او له دروغو او اوازو خپرولو دې ډډه وکړي.
د کابینې پر سر د واک دوه لویو سرچینو، ارګ او اجرائیه ریاست تر منځ لانجې له کلونو راهیسې روانې دي او تر اوسه هم حل شوې نه دي.
خلک وايي، چې د حکومتي چارواکو تر منځ ناندرې او د وزیرانو پر سر لانجې یوازې د خلکو پر ورځني ژوند ناوړه اغېزه کوي.
تازه خبرونه
ترکیې د هرات له زلزله ځپلیو سره بشري مرسته وکړه
د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.
د ترکیې حکومت د هرات زلزله ځپلیو ته د بشري مرستو د توکو یوه ټولګه رالېږلې ده.
د لویديځ زون د سرې مياشتې ټولنې دفتر په يوه خبرپاڼه کې ليکلي، چې د تورغونډۍ بندر له لارې د ترکيې د بشري مرستو نهمه ټولګه، چې شاوخوا ٦٢٠ ټنه خوراکي او غير خوراکي توکي لري؛ هرات ته را رسېدلې ده.
د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.
دغه مرستې د لویديځ زون سرې مياشتې ټولنې ادارې ته سپارل شوې دي، چې ټاکل شوې په راتلونکیو څو ورځو کې د دغه ولايت پر زلزله ځپلیو ووېشل شي.
دې ته ورته نور خبرونه:
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
مرستې ورو او ناعادلانه دي – د هرات زلزله ځپلي
تازه خبرونه
حماس د م.م د اوربند پرېکړه لیک منلی او پر جزئیاتو خبرو ته چمتو دی
ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز
د سې شنبې پر ورځ د حماس یوه لوړپوړي چارواکي سامي ابو زهري رویټرز ویلي؛ حماس د ملګرو ملتونو امنیت شورا د اوربند پرېکړه لیک مني او چمتو دی، چې د جزئیاتو په اړه خبرې اترې وکړي او اوس واشنګټن کار دی، چې له اسرائیلو څخه د اطاعت ډاډ ترلاسه کړي.
نوموړي زیاته کړې؛ حماس د اوربند، د اسرائیلي ځواکونو د وتلو او د یرغمل شویو بندیانو د تبادلې په اړه د ملګرو ملتونو د امنیت شورا پرېکړه لیک مني.
ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز
ورته خبرونه:
د ملګرو ملتونو امنیت شورا په غزه کې د اوربند له طرحې ملاتړ وکړ
د اسرائیلو د جګړې د کابینې وزیر ګوښه شو
تازه خبرونه
په افغانستان کې د ښځو د حقونو د وضعیت په اړه اندېښنې زیاتې شوي
د ملګرو ملتونو د ښځو چارو ادارې ويلي؛ په افغانستان کې د ۲۰۲۱ کال د اګست له سیاسي بدلون وروسته د ښځو له حقونو څخه د سرغړونې کچه او اغېز بېساری دی، چې د افغان ښځو ۴۰ کلن پرمختګ یې په درې کلونو کې له منځه وړی دی .
ملګرو ملتونو په خپل نوي راپور کې پر افغان ښځو د لګول شویو بندیزونو د پای ته رسولو لپاره د بېړني نړیوال اقدام غوښتنه کړې ده.
د ملګرو ملتونو د ښځو څانګې ویلي، چې یوازې په سلو کې یوه ښځه احساس کوي، چې دوی په ټولنه کې نفوذ لري او نږدې ټولو نورو ښځو د غوراوي او د خپل واک او نفوذ د له لاسه ورکولو خبره کړې ده.
د ملګرو ملتونو د ښځو د څانګې بنسټ په راپور کې راغلي: په افغانستان کې اوسنی وضعیت د جنسیتي برابرۍ پر وړاندې بې سارې ننګونې وړاندې کوي؛ د ۲۰۲۱ کال له اګست راپدیخوا طالبانو په سیسټماټیک ډول د افغانستان حقوقي بنسټونه له منځه وړي دي. په ځانګړي توګه هغه کسان، چې د جنسیت د برابرۍ او د ښځو د پیاوړتیا په برخه کې یې د پرمختګ ملاتړ کړی؛ هدف ګرځول شوي دي.
په دې څېړنه کې ملګرو ملتونو په افغانستان کې د ښځو او نجونو پر زدهکړو محدودیتونه د میندو له مړینې سره تړلي او څرګندوي، چې له ښوونځیو څخه د یو اعشاریه یو میلیون نجونو ایستل او په پوهنتون کې د څه باندې سل زره نورو پر زدهکړو بندیز پر اوسني نسل ناوړه اغېزې لري، چې په دې هېواد کې یې د میندو له مړینې سره مرسته کړې ده.
د اسلامي امارت د ویاند مرستیال حمدالله فطرت ویلي، چې په هېواد کې د ښځو حقوق تر بل هر وخت زیات د شریعت له مخې خوندي دي.
ملګرو ملتونو او اروپايي ټولنې ټینګار کړی، چې د ښځو د ټولنو او مدني ټولنو د پیاوړتیا او ملاتړ لپاره د اوسني وضعیت د بدلولو لپاره باید یوه بودجه په پام کې ونیول شي او د ټولو مرستو لږ تر لږه ۳۰ سلنه د جنسیتي برابرۍ او مساواتو لپاره ځانګړې شي.
دغه راز ټاکل شوې، چې د ملګرو ملتونو پر کوربتوب د افغانستان په اړه د دوحې درېیمه غونډه د روانې میاشتې په پای کې جوړه شي. له دې مخکې د بشري حقونو ټولنو له ملګرو ملتونو غوښتي وه، چې د افغان ښځو حقونه دې د دې غونډې اصلي محور وي او د ژوند په ټولو برخو کې دې د ښځو بشپړ، برابر او معنوي ګډون ډاډمن شي.
-
لوبی5 days ago
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
-
سیمه ییز خبرونه3 days ago
د ایران ولسمشریزو ټاکنو ته د وړ نوماندانو نوملړ اعلان شو
-
لوبی3 days ago
هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه
-
تازه خبرونه4 days ago
اسلامي امارت ته مشوره مداخله نده؛ د تهران غونډه ورته ښه تریبون و، خوګډون یې په کې ونکړ
-
تازه خبرونه2 days ago
بریکس د افغانستان د کړکیچ پر سمدستي حل ټینګار څرګند کړ
-
تازه خبرونه2 days ago
اروپايي ټولنې له افغانانو سره د مرستې لپاره ۱۵۰ میلیون یورو ځانګړې کړې
-
تازه خبرونه3 days ago
اسرائیل د افغانستان او ایران ترمنځ د درز رامنځته کولو هڅې کوي
-
تازه خبرونه2 days ago
له ۸۰ ډېر افغانان پاکستان ته د ناقانونه اوښتو پر تور ونیول شول