Connect with us

تازه خبرونه

برید جنرال عبدالغفور محمود په شکر دره کې خاورو ته وسپارل شو

خپور شوی

د

(Last Updated On: لړم ۳, ۱۴۰۱)

د بغلان د ملي امنیت مرستیال عبدالغفور محمود، چې د یکشنبې پر ورځ( د غویی ۲۲) سهار مهال د بغلان ولایت د دوشي ولسوالۍ په کیله ګي سیمه کې د وسلوالو طالبانو په کمین کې خپل خوږ ژوند له لاسه ورکړ؛ جنازه یې د دوشنبې پر ورځ(د غویي ۲۳) پر پوځي بدرګه د کابل په شکر دره ولسوالۍ کې خاورو ته وسپارل شوه.

بریدجنرال عبدالغفور محمود د هېواد په بېلا بېلو برخو کې ملي امنیتي دندې تر سره کړې وې.

د محمود کورنۍ ويلي، چې ټول له جګړې ستړي شويدي؛ نو، ځکه د جګړې له ښکېلو خواوو د اوربند غوښتنه کوي.

د عبدالغفور محمود د تره زوی سلطان محمد خطر وایي، چې عبدالغفور محمود پوه او دروند سړی و؛ هیچا ته یې ستونزې نه وې رامنځته کړې او په بېلابېلو ولایتونو کې یې له ستونزو ډکې دندې تر سره کړې وې.  

د عبدالغفور ماما محمد ابراهیم وایي: عبدالغفور له پلاره یو زوی و؛ له ستونزو ډک ژوند یې د هېواد او خلکو په چوپړ کې تېر کړ او تېره ورځ د بغلان پر لویه لار د طالبانو په کمین کې شهید شو.   

اجرائيه رییس او یو شمېر حکومتي چارواکو د عبدالغفور پر وژل کیدو خواشینې ښودلې او مرګ یې د امنیتي بنسټونو لپاره ستره ضایعه نومولې ده.

اجرائيه رييس عبدالله عبدالله وایي؛ تېره ورځ د ملي امنیت یو تکړه جنرال، چې د بغلان ولایت د دوه یم مرستیال په توګه یې دنده تر سره کوله شهید شو او ورته د مغفرت دعا کوو.  

د کابل والي محمد یعقوب حیدري وایي: مونږ د سولې په تمه یو؛ له جګړو او وژنو ستړي او د سولې پلویان یو.

د جګړې په دې فصل کې وسلوالو طالبانو خپلو بریدونو ته زور ورکړی او د لویو لارو په اوږدو کې افغان امنیتي چارواکو ته کمینونه نیسي.

خبریال: سمیع جهش

تازه خبرونه

له پاکستان څخه دې د افغان کډوالو د جبري ایستلو چټکتیا راکمه شي

Published

on

(Last Updated On: غویی ۹, ۱۴۰۳)

د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.

د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.

هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.

د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.

پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.

مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.

د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.

Continue Reading

تازه خبرونه

ترکمنستان د ټاپي پروژې بشپړولو ته ژمن دی – امانوف

Published

on

(Last Updated On: غویی ۹, ۱۴۰۳)

د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.

د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.

هغه وایي: ترکمنستان د ټاپي د طبیعي ګاز نل‌لیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.

امانوف دا ټینګار هم کړی، چې په ترکمنستان کې د ګازو د نل‌لیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.

د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.

 

 

Continue Reading

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

Trending

Copyright © 2022 Ariana News. All rights reserved!