تازه خبرونه
اوس هم په ودانیزو پروژو کې بهرني تولیدات کارول کیږي
یوشمېر صنعت کاران وايي چې په ځینو ودانیزو پروژو کې لاهم بهرني تولیدات کارول کېږي.
دغه صنعت کاران د تدارکاتو ملي اداره تورنوي چې کورنیو تولیداتو ته یې لومړیتوب ندې ورکړې او د تدارکاتي طرزالعمل خلاف، قراردادونه تړي. خو د تدارکاتو ملي ادارې مسوولین بیا دغه ادعاوې بې بنسټه بولي او ټینګار کوي چې د ولسمشر د حکم پر بنسټ، کورنیو تولیداتو ته لومړیتوب ورکړل شوی دی.
په هېواد کې د اوسپنې د ویلې کولو کارخونو مسوولین لاهم په یوشمېر پروژو کې د بهرنیو تولیداتو له کارېدو څخه اندېښمن دي. دغه صنعت کاران وايي، چې د تدارکاتو ملي اداره د تدارکاتي طرزالعمل خلاف قراردادونه کوي چې پر بنسټ يې په پروژو کې بهرني تولیدات کارول کېږي.
شهاب وردک، د اوسپنې د ویلې کولو ټولنې غړی، وایي: “موږ ګورو چې د تدارکاتو په کمیسیون کې ځیني کمیشن کاران د کورنیو تولیداتو ترنامه لاندې قرار دادونه اخلي، خو په پروژو کې له بهرنیو توکو ګټه اخستل کیږي، کورني تولید ته دا خورا لوړه ضربه ده.”
خو د تدارکاتو ملي ادارې مسولین بیا د خصوصي سکتور دغه ادعاوې ردوي او زیاتو چې د ولسمشر د حکم له مخې ټولې دولتي ادارې مکلفې بلل شوې دي ترڅو له کورنیو تولیداتو استفاده وکړي. د دې ادارې مسوولین ټینګار کوي چې په دې تړاو يې د اوسپنې د ویلې کولو د ټولنې له مسوولینو سره هم خبرې کړې دي.
الهام هوتکي، د تدارکاتو د ملي ادارې رییس، وایي: “کوم قراردادونه چې زموږ د ادارې لخوا د هغوې تسهیلات کیږي، ترڅو چې دوې موږ ته هغه خط رانوړې، موږ هغوې سره قرارداد پرمخ نه وړو.”
د اقتصادي چارو کارپوهان وايي که په دولتي قراردادونو کې کورني تولیدات وکارول شي، هېواد به په چټکۍ سره له اقتصادي ناورین څخه خلاصون ومومي.
تازه خبرونه
پاکستان د اختر او محرم په ورځو کې پېښور ته د افغانانو پر راتګ بندیز ولګاوه
د «پاکستان آبزرور» ورځپاڼې د راپور له مخې؛ د پېښور پولیسو مشر قاسم علي خان ویلي، دې ښار ته به د افغان مهاجرینو ننوتل له بشپړ بندیز سره مخ شي.
پاکستانيو رسنیو خبر ورکړی، چې د خیبر پښتونخوا چارواکو د لوی اختر او محرم په ورځو کې د دې ایالت مرکز پېښور ښار ته د افغان وګړو پر راتګ بندیز لګولی دی.
د «پاکستان آبزرور» ورځپاڼې د راپور له مخې؛ د پېښور پولیسو مشر قاسم علي خان ویلي، دې ښار ته به د افغان مهاجرینو ننوتل له بشپړ بندیز سره مخ شي.
هغه زیاته کړې، دغه تدابیر د لوی اختر او محرم د مذهبي مراسمو پر مهال د امنیت د تامین لپاره په پام کې نیول شوي دي.
نوموړي زیاته کړې، پوليس به حساس او مذهبي ځايونه تر پلټنې لاندې ونیسي.
پاکستانيو چارواکو تل ادعا کړې، چې په پاکستان کې بریدونه د افغانانو لهخوا پلان او ترسره کېږي.
اسلامي امارت دغه ادعاوې تل رد کړي او ویلي یې دي، چې افغانستان د پاکستان د امنیت د ناکامۍ مسوول ندی.
نور دې ته ورته خبرونه:
له ۱۰۰۰ ډېر افغان مهاجرین له پاکستان څخه جبري وایستل شول
پاکستان ولې له افغانستان سره په پوله کې د ترهګرو د راتګ مخنیوی نهکوي؟
تازه خبرونه
د جرمني پولیسو یو افغان له برید وروسته پر ډزو وواژه
د جرمني پولیسو د شنبې پر ورځ اعلان وکړ، چې د دغه هېواد په ختیځ کې یې یو افغان له هغې وروسته پر ډزو وواژه، چې خپل یو هېوادوال یې وواژه او درې نور یې ټپیان کړل.
د اسوشیېټډ پرس خبري آژانس د راپور له مخې؛ په دې پېښه کې دغو درې ټپي کسانو د برید پر مهال د یورو ۲۰۲۴ کال د فوټبال سیالیو د پرانستونکې لوبې ننداره کوله.
د پولیسو د څرګندونو له مخې؛ برید کوونکی ۲۷ کلن و، چې د جمعې پر مازیګر یې په ویلمیراشت ښار کې لومړی پخپل ۲۳ کلن هېوادوال د چړې کوزارونه وکړل.
دغه سړي بیا درې آلمانبان په داسې حال کې ټپیان کړل، چې د یوه کور په حویلی کې یې د جرمني- سکاټلنډ د فوټبال لوبې ننداره کوله؛ د دوه ټپیانو روغتیايي حالت د اندېښنې ښودل شوی دی.
پولیسو ویلي، چې دغه کس پر پولیسو هم برید کړی دی؛ دوه پولیس افسرانو پرې ډزې وکړې او هغه په روغتون کې د ژورو ټپونو له کبله ساه ورکړه.
تر اوسه د دغه برید انګیزه معلومه نده.
د آلمان د ساکسن – انهالټ ایالت د کورنیو چارو وزارت ویلي، چې په دې ایالت کې د پولیسو حضور ډېر شوی دی.
تازه خبرونه
له ټولې نړۍ سره سیاسي او اقتصادي اړیکې غواړو- د اسلامي امارت رهبر
د لوی اختر په درشل کې د افغانستان اسلامي امارت رهبر شیخ هبة الله اخوندزاده په خپل اختریز پیغام ویلي، چې لنډمهالي حکومت د اسلامي شریعت په چوکاټ کې د نړۍ له ټولو هېوادونو سره د سیاسي او اقتصادي اړیکو ټینګولو غوښتونکی دی.
نوموړي په دې اړه ویلی: اسلامي امارت له ټولې نړۍ او په ځانګړي توګه له اسلامي هېوادونو سره د شریعت په چوکاټ کې سیاسي او اقتصادي اړیکې غواړي او په دې برخه کې یې خپل مسوولیت ترسره کړی دی.
د اسلامي امارت مشر له ټولو هېوادوالو وغوښتل، چې د اسلامي نظام ساتنه او خدمت وکړي.
د پیغام په یوه برخه کې راغلي، چې واک ته له رسېدو وروسته اسلامي امارت د ټولو افغانانو امنیت او حقوق خوندي مړي، اسلامي شریعت پلی دی او د هېواد له خاورې ساتنه کیږي.
نوموړي په دې اختریز پیغام کې د نجونو لپاره له شپږم ټولګي پورته د ښوونځیو، لیسو او پوهنتونونو د پرانستې په اړه څه ندي ویلي؛ خو د ديني مدرسو د پراختيا په برخه کې د لازمو تدابير له نيولو ډاډ څرګند کړې دی.
دغه راز نوموړي د افغانستان په بېلابېلو ولایتونو او سیمو کې د سیلابونو له کبله د اوښتو زیانونو په اړه خواخوږي څرګنده کړې ده.
همدا راز د اسلامي امارت رهبري پلاوي د هېواد له سوداګرو وغوښتل، چې له زیانمنو شویو سره له هر ډول همکارۍ او مرستې څخه ډډه ونکړي.
-
سوداگري4 days ago
له یوه ایراني شرکت سره د تېلو پر معیاري چاڼخونې خبرې وشوې
-
سیمه ییز خبرونه3 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی2 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
تازه خبرونه5 days ago
د پوهنې وزارت چارسمبالي د پوهنې وزيرانو دوهیم نړيوال فورم ته وينا وکړه
-
تازه خبرونه3 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
تازه خبرونه5 days ago
په هرات کې څه باندې ۱۰۰۰ روږدي کسان له درملنې وروسته رخصت شول
-
تازه خبرونه3 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک