تازه خبرونه
بیات بنیاد کڼو ته د غوږۍ وېشلو پېنځم پړاو پیل کړ
په کابل کې د بیات بنیاد او ستارکي بنسټ له لوري کڼو ماشومانو او تنکیو ځوانانو ته د برښنایي غوږۍ د وېش څلور ورځنی پېنځم پړاو پیل شو.
په دې پړاو کې به۱۵۰۰ کڼو ماشومانو او تنکیو ځوانانو ته برښنایي غوږۍ ووېشل شي. دغه لړۍ به څلور ورځې روانه وي.
د بیات بنیاد مسوولینو ویلي؛ له دې کاره مو موخه هغو بېوزلو کڼو ته د اوریدو د برښنایي غوږیو وېش دی، چې د بېوسۍ له کبله خپله درملنه نشي کولی او د دغې غوږۍ د پېریدلو وس نلري.
د بیات بنیاد لوی مشرانجنیر داکتر احسان الله بیات وایي: مونږ چمتو یو، چې په راتلونکیو کلونو کې خپل نورهېوادوال هم د اوریدو له نعمته برخمن کړو.
د دوی د څرګندونو له مخې؛ بیات بنیاد له ۲۰۱۴ زیږدیز کال راپدیخوا کڼو کسانو ته، چې ډېره برخه یې ماشومان دي ۸۵۰۰ د اوریدو غوږۍ وېشلې دي.
له بېوزلو هېواد والو سره د بیات بنیاد دغه مرسته تل د هېواد د عامې روغتیا وزارت له تاوده هرکلي سره مخ شوې ده.
د عامې روغتیا وزیر فیروزالدین فیروز څرګنده کړې، چې مونږ د خیریه ټولنو مرستو ته اړ یو؛ بیات بنیاد بریالی شوی، چې کڼو ته د اوریدو زرګونه غوږۍ ووېشي. دغه بنسټ تل د افغانستان عامې روغتیا وزارت سره مرسته کړې او مونږ یې له ټولو مرستو مننه کوو.
ویل کیږي، چې د اوریدو دغه غوږۍ یو کال ضمانت لري او که په همدې بهیر کې له کومې ستونزې سره مخ شي؛ د بیات بنیاد روغتیایي ډله به یې بیا جوړه او روغه وروسپاري.
دغه راز د ولسمشر غني میرمن رولا غني له نورو خیریه بنسټونو هم غوښتنه کړې، چې له حکومت سره په اړوند برخو کې همکاري وکړي.
د ولسمشر د میرمنې سلاکاره زهره یوسف څرګنده کړې، چې: بیات بنیاد له پیله په بېلابېلو برخو کې خیریه چارې تر سره کړې دي.
د بیات بنیاد مسوولینو ویلي، چې دغه بهیر به په راتلونکیو کلونو کې هم روان وساتل شي او د هېواد ټول کاڼه په ځانګړي توګه ماشومان به د دغو بنسټونو له غوږیو او مرستو برخمن شي.
د یادونې وړ ده، چې دغه پروګرام څلور پړاوونه لري او په وروستي پړاو کې پر کڼو د اوریدو غوږۍ وېشل کیږي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه