تازه خبرونه
جګړه او ناامني به په هېواد کې د سراسري ټاکنو مخه ونیسي
په داسې حال کې، چې د ولسي جرګې او ولسوالیو شوراګانو ټاکنو ته تیاری نیول کیږي؛ خو سیاسي ګوندونه او څارونکي بنسټونه وار له مخه اندېښنه ښيي او وایي: د ټاکنو د تر سره کولو او رڼښت لپاره لازم کار نه دي تر سره شوی.
په ناامنیو سیمو کې د رایو د مرکزونو د برخلیک اندېښنه سیاسي ګوندونو او څارونکيو بنسټونو سر له اوسه مطرح کړېده.
د افغانستان د شفافو او عادلانه ټاکنو د بنسټ ريیس نعیم ایوب زاده وایي: د رای مرکزونو امنیت یوه ستره ننګونه ده؛ ځکه، چې حکومت تر دې دمه د امنیت خوندي کولو لپاره یو ګډ پروګرام نه دی وړاندې کړی.
د حکومت لخوا د ټاکنو مدیریت او درغلیو ته د لارو برابرولو په اړه هم اندېښنې پخپل ځای پاتې دي.
د ملي انسجام ګوند استازی احمد جاوید عالمي وایي؛ د افغانستان حکومت اړ دی، چې د رای مرکزونو امنیت خوندي او په ولایتونو کې له ټاکنیزو کمیسیونونو سره همکاري وکړي.
د ټاکنو خپلواک کمیسیون مسوولین بیا د امنیتي بنسټونو ژمنو ډاډه کړي او وايي، چې امینتي ارګانونه به د ټاکنو لپاره مناسب شرایط برابر کړي.
د ټاکنو خپلواک کمیسیون ريیس ګلاجان عبدالبدیع صیاد وایي: مونږ درې ورځې مخکې له امنیتي بنسټونو سره یوه ګډه ناسته لرله. هغو له مونږ سره ژمنه کړې، چې د یو لړ عملیاتو په ترسره کولو به د رای مرکزونو امنیت خوندي کوي.
د کورنیو چارو وزارت ویاند نجیب دانش څرګنده کړې، چې د نصرت عملیاتو په پلان کې د رای مرکزونو امنیت ته پاملرنه شوې ده.
دا په داسې حال کې ده، چې د رایو له اووه زره مرکزونو څخه نهه سوه پنځوس د حکومت له ولکې څخه وتلې او په نورو سیمو کې دي، له زر ډېر نور له جدي ګواښونو سره مخ او همدومره نور له منځني امنیتي ګواښ سره مخ بلل شوي دي.
خبریاله :لیدا نیازۍ
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه