تازه خبرونه
سولې ته د رسیدو لپاره به ټولې دروازې وټکوو- اقبال خیبر
د هلمند د سولي کاروان، چې کابل ته یې ۶۳۰ کیلو متره لار پلې وهلې؛ د سولي پيغام راوړی؛ له ولسمشر سره یې وکتل او له نړیوالو هم ځانګړې غوښتنې لري.
د سولي کاروان غړی اقبال خیبر وایي: زمونږ د خوزښت موخه د افغانستان د سولې په اړه د نړۍ د ملتونو له استازیو سره هم لیدنه ده او له سفارتونو پوښتو، چې د سولې ژمنې مو ولې بریالۍ شوې ندي.
د سولي د دغه کارون غوښتنې هغه څه دي، چې د ټول افغان ملت غوښتني دي او دوی هیله لري، چې له دې سره په افغانستان کې سوله رامنځته شي.
فضل الرحیم نومی ښاري وایي، چې نور دې زمونږ خویندې، وروڼه او سپین ږیري نه وژل کیږي؛ نور بس دی له دې جنګه ستړي شوي یو.
دوی له ولسمشر سره په لیدنه کې نه یوازې د یو کلن اوربند د اعلان غوښتنه وکړه، بلکې طالب مشر ملا هبت الله ته یې د رادننه کیدو د فرصت غوښتنه هم وکړه.
ولسمشر غني له طالبانو سره له یوکلن اوربند ملاتړ څرګند کړ او څرګنده یې کړه؛ که طالبان یې ومني حکومت حاضر دی، چې ورسره یو کلن اوربند هم وکړي.
نوموړي زیاته کړې زه حاضر یم د سولي لپاره ، چې هر ځای تاسې وغواړئ ولاړ شم.
هغه دغه راز له شرط پرته له ملا هبت الله سره خبرو ته هم چمتوالی ښودلی دی.
د کابل ښار اوسیدونکې فاطمه محمدي وایي: مونږ هم سوله غواړو؛ زوی مې دوه کاله مخکې طالبانو تښتولی و، لړمون مو سوی او مونږ هر یو جګړې ځپلي یو. مونږ سوله او آرامه ژوند تر لاسه کول غواړو.
د مدني ټولني غړي هم له دغه کاروان سره یوځاي شوي دي.
مدني فعاله فروزان رسولي وایي: د سولې کاروان ناستې ته زمونږ د راتلو موخه داده، چې د دغو وروڼو له ابتکاره ملاتړ وکړو.
مدني فعاله فاطمه کوهستانۍ له دغه خوزښته خوښي ښیي او وایي، چې دغو وروڼو سلګونه کیلومتره لار وهلې او د سولې پیغام یې رالیږدولی دی. مونږ هیله من یو، چې ښکېلې خواوې ورته پاملرنه وکړي.
وروسته له هغې، چې حکومت د اوربند موده لس ورځې نوره هم وغزوله او دا تمه کیده، چې طالبان به هم اوربند اوږد کړي؛ خو داسې ونه شول. اوس د سولي کاروان له طالبانو غواړې، چې په افغانستان کې جګړه بس او سوله وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه2 days ago
امریکا دې د بشري حقونو په اړه دوه ګوني سیاست ودروي – ترکیه