وزارت امور خارجه افغانستان با ابراز نگرانی از حملات اخیر بر ریاض و دیگر میدان‌های هوایی عربستان سعودی، کشته‌شدن و زخمی‌شدن غیرنظامیان در این حملات را تأسف‌بار خوانده است.

عبدالقهار بلخی، سخنگوی این وزارت، در خبرنامه‌ای گفته است که هرگونه حمله بر جان و امنیت غیرنظامیان قابل محکومیت است.

در این خبرنامه آمده است که افزایش خشونت‌ها و گسترش دامنه جنگ، امنیت و ثبات سراسر منطقه را با خطر روبه‌رو می‌سازد.

وزارت امور خارجه از تمامی طرف‌های درگیر خواسته است که از خشونت خودداری کنند، مانع تشدید تنش‌ها شوند و برای حفاظت از غیرنظامیان اقدامات لازم را روی دست گیرند.

این در حالی است که به گفته مقام‌های عربستان سعودی، در حمله اخیر بر میدان هوایی بین‌المللی ملک خالد در ریاض، یک تن کشته و ۱۲ تن دیگر زخمی شده‌اند.

د سترې محکمې د څرګندونو له مخې: د جلال‌آباد د انګور باغ ځمکې قضیه، چې له کلونو راپدېخوا د محکمو تر څېړنې لاندې وه؛ له هر اړخیزې ارزونې وروسته د حق لرونکو پر ګټه فیصله شوې او د ځمکې د سپارلو امر یې صادر شوی دی.

د سترې محکمې د مرستیال ویاند منصوراحمد حمزه د دې محکمې بشپړ وضاحت خپور کړی او څرګندوي، چې د یادې ځمکې په تړاو په بېلابېلو پېرونو کې قضایي پرېکړې شوې وې؛ خو د پرېکړې له تطبیق مخکې د ننګرهار ولایت د ځینو مسوولانو له لوري موضوع د اسلامي امارت مشرتابه ته وړاندې شوه. د مشرتابه له لوري د موضوع د ارزونې لپاره یو پلاوی وټاکل شو، چې د قضیې اړوند کسان هم رانغاړي.

د پلاوي د راپور له ارزونې وروسته د اسلامي امارت مشرتابه د احتیاط له مخې د پرېکړې د تطبیق د ځنډولو امر وکړ او سترې محکمې ته یې لارښوونه وکړه، چې قضیه په خپلواک ډول او له سره وڅېړي.

سترې محکمې نږدې اووه میاشتې قضیه په هر اړخیز ډول وڅېړله.

د معلوماتو له مخې؛ د تېر اسلامي امارت او «جمهوري نظام» د پېرونو د محکمو د پرېکړو او اسنادو له ارزونې وروسته هم د ځمکې د غصب موضوع تائید شوه او څرګنده شوه: هغه کسان، چې پر ګټه یې وروستۍ قضایي پرېکړه شوې؛ د ځمکې د تسلیمۍ حق لري.

له همدې کبله، سترې محکمې د قضایي پرېکړې د تطبیق امر صادر کړ، چې ځمکه له غاصبانه تصرف څخه وایستل شي او حق لرونکو ته وسپارل شي.

په وضاحت کې راغلي، چې د پرېکړې د تطبیق پر مهال د رسنیو د احتمالي غبرګون او شور په اړه اندېښنه د قضایي پرېکړې د ځنډولو لامل نه‌شي کېدی؛ ځکه، چې موضوع د مشرتابه له لوري هم ارزول شوې او سترې محکمې له اوږدو څېړنو وروسته د پرېکړې د تطبیق امر کړی دی.

په پای کې ټینګار شوی، چې د قضایي پرېکړو تطبیق د عدالت د تأمین، د خلکو د حقونو د بېرته ورکړې او د غصب د مخنیوي اساسي برخه ده او دا بهیر د اسلامي شریعت، قانوني پړاوونو او اړوندو اسنادو پر بنسټ ترسره کېږي.

د کډوالو او راستنېدونکو چارو وزیر مولوي عبدالکبیر د افغانستان لپاره د اروپايي ټولنې له نوي استازي نیکولا بیلومو سره په لیدنه کې راستنېدونکو افغانانو ته د مرستو، د هغوی د بیا مېشتېدا او د ستونزو د بنسټیز حل لارو په اړه خبرې کړې دي.

د کډوالو او راستنېدونکو چارو وزارت د څرګندونو له مخې؛ نیکولا بیلومو د اسلامي امارت له لوري د میلیونونو افغانانو د راستنېدا بهیر ښه مدیریت ستایلی او څرګندوي، چې د شاوخوا اته میلیون کسانو راستنېدا ښايي ګڼې ستونزې او پېچلي حالتونه رامنځته کړي؛ خو اسلامي امارت د دغه بهیر په مدیریت کې بریالی پاتې شوی دی.

د اروپايي ټولنې نوي استازي ډاډ ورکړی، چې دغه ټولنه به له افغانانو سره خپلې بشري مرستې روانې ساتي.

نوموړي زیاته کړې، اروپايي ټولنه چمتو ده، چې د راستنېدونکو افغانانو د ستونزو د حل او د اغېزمنو کاري فرصتونو د برابرولو په برخه کې همکاري وکړي.

په دې لیدنه کې د راستنېدونکو او افغان کډوالو په اړه اروپايي ټولنې خپل وړاندیزونه هم وړاندې کړي دي.

د کډوالو او راستنېدونکو چارو وزیر مولوي عبدالکبیر د اروپايي ټولنې له استازي او مل پلاوي هرکلی کړی او د اړمنو کورنیو لپاره یې د نړیوالو بنسټونو له مرستو مننه کړې ده.

نوموړي نیکولا بیلومو ته د نوې دندې مبارکي ویلې او وایي، چې اسلامي امارت په افغانستان کې د اروپايي ټولنې له حضور ملاتړ کوي.

مولوي عبدالکبیر ویلي، چې اسلامي امارت د راستنېدونکو افغانانو د ستونزو پر دایمي حل تمرکز لري او تر اوسه یې د هغو د مېشتولو لپاره ۸۰ ښارګوټي په پام کې نیولي دي.

د نوموړي ویلي، د اړتیاوو له مخې د دغو ښارګوټو د جوړولو او پراختیا بهیر روان دی.

د کډوالو او راستنېدونکو چارو وزیر له اروپايي ټولنې غوښتي، چې د راستنېدونکو لپاره د ښارګوټو د جوړولو په برخه کې مرسته وکړي او زیاتوي؛ اسلامي امارت د بې‌سرپرسته راستنېدونکو او ښځو وضعیت ته ځانګړې پاملرنه کوي.