تازه خبرونه
په افغانستان کې پانګوال ډاډمن نه دي
د سوداګرۍ او صنایعو خونه وایي، په افغانستان کې نه یوازې پانګوال ډاډمن نه دي، بلکې د پانګونې خنډونه، لوړمالیات، اداري فساد، ناامني، ټولنیزې ننګونې او نورې ستونزې هغه عوامل دي، چې پانګوالو ته یې شرایط ستونزمن کړي دي.
د سوداګرۍ او صنایعو خونې مرستیال خانجان الکوزی وایي، د څه باندې یوې لسیزې په تېرېدو اوس هم پانګوالو ته لازم شرایط نه دي برابر او پانګوال لازم خوندیتوب نه لري.
د نوموړي په وینا؛ پانګوال له سختو شرایطو سره مخ دي او د سترو خطرونو په منلو یې پانګونه کړې او امنیتي مصونیت نه لري.
ځینې سوداګر خبرداری ورکوي، چې که دولت نه شي کولی د دوی پانګه خوندي کړي،؛ دوی به خپله پانګه نورو هېوادونو ته ولیږدوي.
سوداګر عمروایي، په افغانستان کې یې له مالي او امنیتي تظمین پرته پانګونه کړې ده.
سوداګر مسیح وایي، امنیتي ګواښونو د سوداګرو کار وبار زیانمن کړی دی.
ذبیح الله قریشي له ۱۵ کلونو راهیسې په سوداګرۍ او د برښنایي وسایلو په پلور بوخت دی؛ هغه هم د خوندیتوب له نه شتون شکایت کوي.
نوموړي ویلي، چې ناامنیو اړ کړي یو، چې خپله پانګه نورو هېوادونو ته ولیږدوو او په دې توګه ځان او مال خوندي کړو.
نوموړي دا هم ویلي ، چې خپاه پانګه نورو هېوادونو ته لیږدول مو د خپل هېواد په زیان ده.
د سوداګرۍ او صنایعو خونې مسوولین وایي، د سوداګرو په وړاندې ناامني ستره ستونزه ده او دا د دې سبب شوې، چې پانګوال له ګڼو ستونزو سره مخ شي.
د سوداګرۍ خونې په وینا؛ که حکومت پانګوالو ته لازمه پاملرنه ونه کړي، سوداګر اړ دي د مالي او امنیتي ستونزو له مخې نورو هېوادونو ته ولاړ شي.
خبریال: لیدا نیازۍ
تازه خبرونه
افغانستان دې د تحریک طالبان پاکستان مشران راوسپاري – محسن نقوي
د پاکستان کورنیو چارو وزیر محسن نقوي د افغانستان له اسلامي امارت غوښتي، چې د تحریک طالبان پاکستان مشران دې وروسپاري.
محسن نقوي د یکشنبې پر ورځ د لاهور په یوه خبري کنفرانس کې ویلي: هغه برید، چې پېنځه چینایي انجنیران او د هغوی پاکستاني ډریور په کې ووژل شول؛ په افغانستان کې پلان شوی او په پاکستان کې د شته اسانتیاوو پر مرسته ترسره شو.
هغه د نورو جزئیاتو له ورکولو پرته څرګنده کړې: “د TTP مشرانو دا برید د یوې ځانګړې پروژې په توګه طرحه کړی وه او د دښمن استخباراتي ادارو دوی ته د دې برید لپاره ډېرې پیسې ورکړې.”
نقوي له اسلامي امارت وغوښتل، چې د تحریک طالبان پاکستان د مشر نور ولي محسود، د پاکستان په ملاکنډ سیمه کې قومندان عظمت الله او د دې ډلې د نورو مشرانو ترڅنګ بختیار شاه، عبدالله او خان لالا نومي دا درې کسان دې ونیسي.
هغه ويلي: ” مونږ له افغانستان سره ښې اړيکې غواړو؛ خو د دې لپاره مهمه ده، چې دغه وسلوال ونيول شي، محاکمه شي او يا هم مونږ ته وسپارل شي.”
د پاکستان او افغانستان اړیکې په وروستیو میاشتو کې ترینګلې شوې دي.
اسلامآباد وايي؛ کابل د هغو وسلوالو ډلو پر وړاندې، چې پاکستان په نښه کوي پوره کار نکوي.
نقوي وایي: ” پاکستان په دې اړه د افغانستان له چارسمبالي حکومت سره خبرې کړې او ټینګار یې کړی، چې هلته د فعالو ترهګرو پر ضد اقدام وکړي؛ خو تر اوسه مو کومه ښه پایله نده ترلاسه کړې.”
هغه ویلي، چې وسلوال د افغانستان د چارسمبالي حکومت له کمزورۍ ګټه پورته کوي.
د دې پوښتنې په ځواب کې، چې که افغان حکومت همکاري ونکړي؛ نو پاکستان به څه وکړي؟ محسن نقوي ويلي، چې “حکومت به یواړخیزه پرېکړه وکړي.”
د پاکستان کورنیو چارو وزیر دا څرګندونې کابو دوه اوونۍ وروسته له هغې کوي، چې د پاکستان پوځ ویاند احمد شریف ویلي؛ په افغانستان کې پر چینايي انجنیرانو برید پلان شوی و او ځانمرګی هم یو افغان و.
د پاکستان د ترهګرۍ پر وړاندې د مبارزې ملي ادارې همغږي کوونکي رای طاهر هم د دغه هېواد د کورنیو چارو له وزیر سره په رسنیز کنفرانس کې ویلي؛ بریدګر، چې اصلي نوم یې متقی او مستعار هغه یې تقي دی، د افغانستان وګړی دی.
د پاکستان امنیتي ځواکونو تر اوسه د دغه برید په تړاو ۱۱ شکمن کسان نیولي دي.
رای طاهر وايي، بریدګر له برید څلور میاشتې مخکې له افغانستان څخه پاکستان ته اوښتی و.
د نوموړي د څرګندونو له مخې؛ دغه ځانمرګی بریدګر د افغانستان په کونړ ولایت کې روزل شوی او یو له هغو څلورو وسلوالو څخه و، چې د ۲۰۲۳ کال په نومبر کې پاکستان ته دننه شوی و.
هغه ویلي، چې په ملاکنډ ضلع کې یو موټر پلورونکي د پاکستان تحریک طالبان (ټي ټي پي) له غړو سره مرسته کړې، چې له چاودېدونکیو توکو ډک موټر پاکستان ته راتېر کړي.
کله، چې نقوي وپوښتل شو، چې څنګه له چاودیدونکیو توکو ډک موټر پرته له دې، چې کشف شي د پاکستان دننه نږدې ۱۰۰۰ کیلومټره سفر وکړ؟ نقوي ویلي، چې امنیتي چارواکو موټر د پلټنو لپاره ودراوه؛ خو هیڅ شک پرې رامنځته نشو.
هغه دا هم ويلي، چې د موټر په چک کې د غفلت له کبله له چارواکو سره معامله شوې ده.
له دې مخکې د افغانستان دفاع وزارت د پاکستان هغه ادعاوې رد کړي، چې ګواکې پر چینايي انجنیرانو په برید کې افغانان لاس لري.
د ملي دفاع وزارت وياند عنايت الله خوارزمي ويلي، چې افغانان په دې ډول بريدونو کې لاس نلري او پر افغانستان تور لګول له حقيقته د ذهنونو اړولو يوه ناکامه هڅه ده.
تازه خبرونه
تحول: په افغانستان کې د ټولګډونه حکومت پر جوړېدا د ایران ټینګار
تازه خبرونه
قطر د افغانستان له ګاونډ هېوادونو څخه راستانه شویو افغان کډوالو ته کورونه جوړوي
د کډوالو او راستنیدونکیو چارو وزارت چارسمبالي د قطر د سرې میاشتې خیریه موسسې او نړیوالې پراختیايي ادارې له رییس سره وکتل.
د کډوالو او راستنېدونکیو چارو وزارت ویاند عبدالمطلب حقاني ویلي؛ په دې کتنه کې د یاد بنسټ رييس ويلي، چې دوى د افغانستان له ګاونډ هېوادونو څخه د راستنېدونکیو افغان کډوالو لپاره کورونه جوړوي، خو د شمېر په اړه به یې د قطر له خيريه صندوق سره خبرې وکړي.
د کډوالو د حقونو هڅاندې اصفه ستانکزۍ ويلي، چې تهران او اسلامآباد تل له مهاجرینو سره د نړیوالو قوانینو خلاف چلند کوي.
له بلې خوا د تهران والي مرستیال مهدي باب الحوائجي ویلي، چې دوی د غیر قانوني مهاجرینو پر ضد جګړه کوي او هغه کسان، چې مهاجرینو ته کار او یا کور ورکوي محاکمه او سزا به ورکړ شي.
د اسلامي امارت ویاند ذبیح الله مجاهد څرګنده کړې، چې ایران باید له افغان مهاجرینو سره د نړیوالو قوانینو په رڼا کې چلند وکړي او د هغوی له جبري ایستلو دې ډډه وکړي.
ویل کیږي، چې په دې وروستیو کې ایران او پاکستان د افغان کډوالو جبري ایستنه ګړندۍ کړې او هره ورځ له دغو هېوادونو څخه سلګونه کسان هېواد ته را شړل کیږي.
-
لوبی4 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه4 days ago
فلسطیني دولت باید د خبرو له لارې راجوړ شي – امریکا
-
تازه خبرونه4 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه5 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی5 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه
-
سوداگري5 days ago
په پنجشېر کې د یاقوتو استخراج او وپلورل پیل شول
-
تازه خبرونه5 days ago
د ۱۴۰۳ کال مالي بودجه تصویب شوه
-
تازه خبرونه1 day ago
له ناقانونه مهاجرینو سره به جګړې ته ورته چلند وشي- د تهران والي مرستیال