تازه خبرونه
په اووه ولایتونو کي د رایو بیا شمېرلو ته چمتوالی پیل شو
د ټاکنو خپلواک کمیسیون په پاتې اووه ولایتونو کې د رایو د شکمنو محلونو د بیا شمېرنې لپاره چمتووالی پیل کړی دی.
په اووه ولایتونو کې د شکمنو محلونو د رایو د بیا شمېرنې د څو اوونیو له ځنډ وروسته د ثبات او همپالنې ډلې مشر داکتر عبدالله عبدالله خپلو پلویانو ته سپارښتنه وکړه، چې په اړوند ولایتونو کې ټاکنو خپلواک کمیسیون ته د رایو د بیا شمېرنې اجازه ورکړي.
د ټاکنو خپلواک کمیسیون هم وايي، چې دوی په پاتې اووه ولایتونو کې د رایو د بیا شمېرنې لپاره چمتووالی پیل کړی دی.
د ټاکنو خپلواک کمیسیون غړي اورنګزیب وايي، چې د دغو ولایتونو د رایو بیا شمېرنه سبا ته پیلیږي او په دوه یا درې ورځو کې به بشپړه شي او وروسته به د ولسمشریزو ټاکنو لومړنۍ پایلې اعلان شي.
د ثبات او همپالنې ډله اوس هم د درې سوه جنجالي رایو پر باطلیدو ټينګار کوي او وايي، چې دا رايې تقلبي دي.
د ثبات او همپالنې ډلې ویاند فریدون خوځون ټینګار کړی، چې د نامعتبرو رایو د باطلولو په اړه د ټاکنیزو شکایتونو کمیسیون پرېکړه باید پلې شي.
د ټاکنیزو شکایتونو کمیسیون مرستیال محمد رضا فیاض وايي، چې د لومړنیو پایلو له اعلان وروسته به د شکایتونو په اړه خپلې قانوني څېړنې بشپړې او بیا به پرې خپله پرېکړه اعلان کړي.
د ملګرو ملتونو عمومي منشي انتونیو ګوتریش د افغانستان د ټاکنو په اړه ویلي، چې پایلې باید روښانه او د ټولو لپاره د منلو وي.
د نوموړي د څرګندونو له مخې؛ معتبرې ټاکنې، چې د خلکو واقعي اراده تمثیل کړي او پایلې یې ټولو ته د منلو وړ وي، د سوله ییزه افغانستان زیری له ځان سره لري.
که څه هم په پاتې اووه ولایتونو کې د شکمنو محلونو د رایو د بیا شمېرنې لپاره زمینه برابره شوې؛ خو اوس هم معلومه نده، چې د لومړنیو پایلو او شکایتونو له اعلان او څيړلو وروسته به معترضې ډلې قناعت وکړي او که نه؟
د افغانستان د آزادو او عادلانه ټاکنو د بنسټ مشر یوسف رشید وایي، چې مونږ دا یو پرمختګ بولو او ان شاالله کمیسیونونه به هم د خپلو قوانینو پر پلي کولو کې هڅې وکړي.
دا په داسې حال کې ده، چې ټاکنیزو کمیسیونو د راپورته شویو لانجو د غوڅولو لپاره له ټاکنیزو ډلو او څارونکیو سره دوه مشورتې غونډې درلودې؛ خو له کومې روښانه پایلې پرته پای ته ورسیدې.
تازه خبرونه
معاون والی تهران: با مهاجران غیرقانونی مثل زمان جنگ مقابله میکنیم
مهدی باب الحوائجی، معاون والی تهران هشدار داده که مقابله کردن با مهاجران غیر قانونی مثل مقابله کردن در جنگ است.
باب الحوائجی خطاب به مسوولان شهر ری تهران گفته است: «امروز مقابله کردن با اتباع غیرمجاز در شهر ری، مثل مقابله کردن در جنگ است. مثل زمانی است که اسلحه به دست گرفتند بچه های ما و رفتند و شهید شدند.»
وی ادامه داد: «اطراف خانوادههای ما ماینگذاری شده، ماین گذاری اخلاقی، اجتماعی، اقتصادی.»
باب الحوائجی گفت که اتباع قانون شکن هم در شهر ری وجود دارند و حضور شان تهدید است.
او اظهار کرد که تنها جریمه کردن کافی نیست و مسوولان باید از سایر صلاحیتهای شان استفاده کنند.
این مقام به مشاوران املاک و رهنما های معاملات هشدار داد که در صورت فراهم کردن مسکن به «اتباع غیرمجاز» مورد پیگرد قرار خواهند گرفت.
این در حالیست که حکومت ایران روزانه صدها افغان فاقد سند قانونی را به کشور شان باز میگرداند.
تازه خبرونه
د بدخشان په مرکز کې د سېلابونو له کبله د یوې کورنۍ ۱۰ غړي مړه شول
د بدخشان سیمهییزو چارواکو څرګنده کړې، چې د دې ولایت په مرکز فیضآباد ښار کې د سېلابونو له کبله د یوې کورنۍ ۱۰ غړي مړه شوي دي.
د بدخشان د طبيعي پېښو پر وړاندې د مبارزې ریاست آمر محمد کامګار زیاته کړې؛ دغه پېښه تېره شپه د فيضآباد ښار د مرچک په اړوند سيمه کې رامنځته شوې ده.
د نوموړي د څرګندونو له مخې، په مړه شويو کې ښځې او ماشومان هم شته.
هغه وایي؛ د ژغورنې ډلو د نورو جسدونو د رایستلو هڅې روانې ساتلي؛ ځکه، چې د مرګ او ژوبلې د زیاتېدو شونتیا ډېره ده.
دا په داسې حال کې ده، چې د جمعې پر شپه هم سېلابونو د بدخشان ولایت په شهدا او وردوج ولسوالیو کې کرنیزې ځمکې، د اوبو کانالونه او سړکونه ویجاړ کړي دي.
تازه خبرونه
د جام څلي په اړوند سیمه کې ۴۰ قلمه لرغوني آثار کشف او تر لاسه شول
په غور ولایت کې له وروستیو سیلابونو وروسته د دغه ولایت د جام څلي په اړوند سیمه کې ۴۰ لرغوني قلمه بېلابېل تاریخي آثار کشف او ترلاسه شوي دي.
د غور ولايت د اطلاعاتو او فرهنګ رييس عبدالحى زعیم زیاته کړې، چې دغه تاريخي آثار له سختو اورښتونو وروسته د جام څلي له شاوخوا سيمو څخه ايستل شوي، چې د امنيتي ځواکونو او ځايي خلکو لهخوا راټول او حکومت ته وسپارل شول.
عبدالحی زعیم ویلي، چې د دغو آثارو لرغونتوب د غوریانو دورې ته رسیږي.
ویل کیږي، چې دغه تاريخي آثار د غور ولايت سيمهييز موزيم ته سپارل شوي دي.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه5 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
-
تازه خبرونه5 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه