تازه خبرونه
په قطر کې د سولې درې ورځنۍ خبرې دوه ورځې ودریدلې
د خبرو پر څلورمه ورځ د افغانستان د سولې لپاره د امریکایي پلاوي مشر زلمي خلیلزاد په ډاګه کړې، چې له طالبانو سره مو خبرې له دوه ورځني ځنډ سره مخ شوې دي.
نوموړي ټینګار کړی، چې د شنبې پر ورځ( د کب ۱۱) به دغه خبرې بیا پیل شي او تر دې دمه د خبرو پر میز څلور غوره موضوعګانې د خبرو لپاره پاتې دي.
د افغانستان د سولې لپاره د امریکا ځانګړي استازي زلمي خلیلزاد په خپل تویت کې لیکلي، چې په قطر کې مو له طالبانوسره د سولې درې ورځنۍ خبرې ګټورې وې.
هغه لیکلي: د سولې په اړه خپل ورو، خو ټینګ ګامونه پورته کول؛ ځکه روان ساتو، چې دواړه لوري یو او بل ښه وپېژني او په پای کې سولې ته ورسیږو.
ښاغلي خلیلزاد دغه راز ویلي؛ د دوحې د روانو خبرو ترڅنګ په کابل کې هم له طالبانو سره د افغانانو تر منځ د خبرو لپاره د خبرو یو پلاوی د جوړیدو په حال کې دی.
ښاغلي خلیلزاد دا تویت هم کړی، چې: دواړه خواوې په راتلونکیو دوه ورځو کې خپلې مشورې کوي او د شنبې پر ورځ بیا راټولیږي؛ ځکه، چې پر څلور موضوعګانو خبرې پاتې دي.
که څه هم نوموړی د څلور موضوعګانو په اړه څه نه وایي؛ خو ویل کیږي، چې د امریکایي ځواکونو وتل، دا، چې افغانستان نورو هېوادونو ته ګواښ نه پېښوي، هر اړخیز اوربند او د افغانستان حکومت ته په دغو خبرو کې برخه ورکول به د دې ناستې غوره برخې وي.
په قطر کې له امریکایي پلاوي سره د طالب استازیو د خبرو غړی ملاخیرالله خیرخوا هم وایي، چې تر راتلونکیو دوه ورځو پورې به دواړه خواوې پر یو لړ خبرو مشوره وکړي.
ښاغلی خیرخوا وایي، چې یادې خبرې دوه ورځې ځنډیدلي، چې دواړه اړخونه وکولی شي له خپلو مشرانو سره پر اړوند مسایلو مشوره وکړي.
دغه راز ویل کیږي، چې د دواړو خواوو کاري ډلې د سولې په اړه د هوکړې، د بهرنیو ځواکونو د وتو او دا، چې په راتلونکي کې به افغانستان د نورو هېوادونو لپاره ګواښ نه وي مسوده چمتوکړې؛ خو د مسودې د وروستۍ کولو لپاره د دواړو خواوو د مشرانو مشورې ته اړتیا ده.
ښاغلي خیرخوا زیاته کړې، چې خبرې ښې روانې دي؛ خو مسایل بېلابېل اړخونه لري او خبرې پرې روانې دي.
همدارنګه طالبانو په یوه خبرپاڼه کې په ډاګه کړې، چې په تېرو څو ورځو کې د دوی سیاسي مرستیال ملا عبدالغني برادر د قطر د لومړي وزیر له مرستیال، بهرنیو چارو وزیر، د ملي امنیت مشاور، د امریکایي استازي زلمي خلیلزاد او په افغانستان کې د غوڅ ملاتړ ماموریت له عمومي قومندان جنرال سکات میلر سره هم لیدلي دي.
د یادونې ده، چې د امریکایي او طالب پلاوي تر منځ د سولې خبرې د دوشنبې پر ورځ( د کب پر ۶) د قطر په دوحه کې پیل شوې دي. سیاسي څارونکي دغه ناسته برخلیک ټاکونکې بولي. په داسې حال کې، چې طالب پلاوی تر دې دمه له افغان حکومت سره نیغو خبرو ته حاضر شوی ندي؛ خو هیله شته، چې د خبرو په بل پړاو کې د حکومت استازي هم په خبرو کې ګډون وکړي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
په ننګرهار کې د ناکامورا کانال پروژه بشپړه شوه