تازه خبرونه
په قطر کې د امریکایانو او طالبانو پټو خبرو روسیه اندېښمنه کړې
په کابل کې د روسیې سفیر ویلي؛ د قطر د ناستو په خبرو کې، چې هره هوکړه کیږي باید د افغانستان ګاونډ هېوادونو ته د منلو وړ وي.
په قطر کې د طالب او امریکایي استازیو د سې شنبې د ورځې د پېنځم پړاو( ۱۶ ورځنۍ خبرې) هم پټې روانې شوې؛ خو دغو پټو او اوږدو خبرو د روسیې اندېښنه راپارولې ده.
په کابل کې د روسیې سفیر ویلي، چې مونږ د دغو خبرو پایلو ته اندېښمن یو.
په کابل کې د روسیې سفیر الکساندر مانتیتسکي مسکو ته د زدکړو لپاره د شل افغان زدکوونکیو د اسولو په اړه جوړو شویو مراسمو ته د سولې په اړه څرګنده کړه؛ ښکاره ده، چې د خبرو له ناڅرګندې پایلې اندېښمن یو. که په دې خبرو کې کومه هوکړه کیږي؛ نو د افغانستان ګاونډ هېوادونو ته هم باید د منلو وړ وي.
دغه راز د روسیې سفیر د قطر خبرې پېچلې بولي؛ خو وایي، چې افغانان باید پخپله د خپلې جګړې او سولې په اړه پرېکړه وکړي. مونږ د قطر له خبرو هرکلی کوو او غواړو، چې دا خبرې رڼې او ټولو ګاونډ هېوادونو ته د منلو وړ پایله ولري.
همدارنګه په کابل کې د روسیې سفارت ۲۰ زدکوونکي د اوږدمهاله پوځي زدکړو لپاره مسکو ته واستول.
د افغانستان د ملي دفاع وزارت د تګلارې او پالیسۍ مرستیال گلاجان خاورې جوړوشویو مراسمو ته څرګنده کړه، چې روسیه د افغانستان د شمالي ګاونډ په توګه غواړي، چې د د دغه هېواد د سولې په بهیر کې ارزښتمنې هڅې ولري او مونږ له افغان ځواکونو څخه د روسیې له ملاتړه هرکلی کوو.
روسیې تر دې دمه د سولې په اړه دوه ناستو ته زمینه برابره کړې؛ لومړی یې د روسیې په کوبتوب د طالبانو او یو شمېر هېوادونو استازیو ته او بیا یې د طالبانو او افغان سیاسي څېرو تر منځ ناستې ته زمینه برابره کړه؛ خو دا ناستې د افغانستان د حکومت له لوري تحریم شوې دي.
خبریال: شاهپور فرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه